ແນະນຳ ສນຊ (LFND)

ກອງປະຊຸມປຶກສາຫາລືກ່ຽວກັບບັນຫາສິ່ງແວດລ້ອມ

ສູນກາງແນວລາວສ້າງຊາດ(ສນຊ) ໄດ້ຈັດກອງປະຊຸມປຶກສາຫາລືກ່ຽວກັບບັນຫາສິ່ງແວດລ້ອມ ຂຶ້ນໃນວັນທີ 1 ພະຈິກ 2019 ນີ້, ໂດຍການເປັນປະທານຂອງ ທ່ານ ຄຳໃບ ດຳລັດ ກຳມະການສູນກາງພັກ, ຮອງປະທານສູນກາງແນວລາວສ້າງຊາດ, ມີທ່ານ ເຍ່ຍເກີຢ່າ ໜໍຈໍຈົງຕົວ ຮອງປະທານສູນກາງແນວລາວສ້າງຊາດ, ມີບັນດາທ່ານ ຫົວໜ້າ-ຮອງຫົວໜ້າຫ້ອງການ, ບັນດາກົມ, ສູນຝຶກອົບຮົມສູນກາງແນວລາວສ້າງຊາດ, ມີບັນດາທ່ານຕາງໜ້າກະຊວງ-ອົງການ ແລະ ນະຄອນຫຼວງວຽງຈັນ ເຂົ້າຮ່ວມ.

ຈຸດປະສົງຕົ້ນຕໍຂອງກອງປະຊຸມຄັ້ງນີ້ ແມ່ນເພື່ອປຶກສາຫາລືກ່ຽວກັບບັນຫາສິ່ງແວດລ້ອມ ເປັນຕົ້ນ: ທີ່ດີນເຮັດປ່າຊ້າ, ພິທີຊາປະນາກິດສົບ, ເຕົາຫຼໍ່ທີ່ຢູ່ວັດໃຈກາງເມືອງ ແລະ ອື່ນໆ ເພື່ອຊອກຫາວິທີແກ້ໄຂບັນດາບັນຫາດັ່ງກ່າວ, ເພື່ອຊ່ວຍປຸກລະດົມປະຊາຊົນໃຫ້ມີຄວາມເປັນເຈົ້າການໃນການເຂົ້າຮ່ວມຂະບວນການປົກປັກຮັກສາສິ່ງແວດລ້ອມ ຢູ່ນະຄອນຫຼວງວຽງຈັນ, ສ້າງຂະບວນການອະນາໄມຕົວເມືອງ, ບ້ານ ໃຫ້ໄດ້ຮັບຜົນດີເປັນກ້າວໆ. ພ້ອມກັນນີ້, ບັນດາທ່ານ ທີ່ເຂົ້າຮ່ວມກອງປະຊຸມ ໄດ້ປະກອບຄຳຄິດຄຳເຫັນແລກປ່ຽນເຊິ່ງກັນ ແລະ ກັນ ຕໍ່ບັນດາເນື້ອໃນດັ່ງກ່າວຢ່າງກົງໄປກົງມາ.
ທ່ານ ຄຳໃບ ດຳລັດ ໄດ້ສະແດງຄວາມຍ້ອງຍໍຊົມເຊີຍບັນດາທ່ານ ທີ່ໄດ້ປະກອບຄຳຄິດຄຳເຫັນ ຕໍ່ກອງປະຊຸມໃນຄັ້ງນີ້ ແລະ ບັນດາຄຳເຫັນຂອງບັນດາທ່ານຄະນະຮັບຜິດຊອບ ຈະນຳໄປສະຫຼຸບສັງລວມ ເພື່ອລາຍງານຕໍ່ໃຫ້ຂັ້ນເທິງ ແລະ ໃຫ້ຄະນະຮັບຜິດຊອບໂຄງການດັ່ງກ່າວ ຈົ່ງລົງເລິກໃນການຈັດຕັ້ງປະຕິບັດວຽກງານ ໃຫ້ເປັນໂຄງການລະອຽດຕື່ມເພື່ອເປັນການດຳເນີນວຽກງານໃນຕໍ່ໜ້າໃຫ້ໄດ້ຮັບຜົນດີ.


2019-11-04

ປະຕິທິນ

Dec-2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ