ແນະນຳ ສນຊ (LFND)

ກອງປະຊຸມຝຶກອົບຮົມຜູ້ອຳນວຍຄວາມສະດວກການເກັບກຳຂໍ້ມູນກ່ຽວກັບວຽກງານສ້າງບ້ານຂຽວສະອາດງາມຕາ

ໃນວັນທີ 12 ພະຈິກ 2019 ນີ້, ສູນກາງແນວລາວສ້າງຊາດ ໄດ້ຈັດກອງປະຊຸມຝຶກອົບຮົມຜູ້ອຳນວຍຄວາມສະດວກການເກັບກຳຂໍ້ມູນ ກ່ຽວກັບວຽກງານສ້າງບ້ານຂຽວສະອາດງາມຕາ, ໂດຍການເປັນປະທານຂອງທ່ານ ໄມ ຄຳວົງ ຫົວໜ້າກົມຊົນເຜົ່າ ສູນກາງແນວລາວສ້າງຊາດ, ມີຄະນະຮັບຜິດຊອບໂຄງການສ້າງຄວາມເຂັ້ມແຂງໃຫ້ແນວລາວສ້າງຊາດ, ມີບັນທ່ານຕາງໜ້າແນວລາວສ້າງຊາດ ນະຄອນຫຼວງວຽງຈັນ, ບັນດາເມືອງ ແລະ ອົງການປົກຄອງຂອງບັນດາບ້ານເປົ້າໝາຍ ໃນນະຄອນຫຼວງວຽງຈັນເຂົ້າຮ່ວມ.

ກອງປະຊຸມ ໄດ້ຮັບຟັງການຜ່ານຄຳແນະນຳເພີີ່ມເຕີມກ່ຽວກັບການຈັດຕັ້ງປະຕິບັດວຽກງານສ້າງບ້ານຂຽວສະອາດງາມຕາ ສະບັບເລກທີ 040/ຄປຈ, ລົງວັນທີ 6/11/2019; ແຈ້ງການແນະນຳກ່ຽວກັບ ການຈັດຕັ້ງປະຕິບັດ ໂຄງການສ້າງຄວາມເຂັ້ມແຂງ ໃຫ້ແນວລາວສ້າງຊາດ ໃນການສົ່ງເສີມ ແລະ ປົກປ້ອງສິດຜົນປະໂຫຍດຂອງປະຊາຊົນບັນດາເຜົ່າ ໃຫ້ມີສ່ວນຮ່ວມໃນການຄຸ້ມຄອງ ແລະ ນຳໃຊ້ຊັບພະຍາກອນທຳມະຊາດ ແລະ ສິ່ງແວດລ້ອມ ແບບຍືນຍົງ ສະບັບເລກທີ 080/ຄປຈ, ລົງວັນທີ 29/10/2019, ກອງປະຊຸມດັ່ງກ່າວໄດ້ຮັບຟັງການເຜີຍແຜ່ປື້ມຄູ່ມືແນະນຳການຈັດຕັ້ງປະຕິບັດວຽກງານຂຽວສະອາດງາມຕາ ຂອງກະຊວງຊັບພະຍາກອນ ແລະ ສິ່ງແວດລ້ອມ ເຊິ່ງໄດ້ຍົກໃຫ້ເຫັນສະພາບລວມໃນການຈັດຕັ້ງປະຕິບັດ, ມາດຕະຖານ, ຕົວຊີ້ວັດ ແລະ ການນຳໃຊ້ຟອມ ສອບຖາມເກັບກຳຂໍ້ມູນຕາມມາດຕະຖານ ແລະ ຕົວຊີ້ວັດ ວຽກງານສ້າງບ້ານຂຽວສະອາດງາມຕາ. ພ້ອມກັນນີ້, ໄດ້ປະກອບຄຳຄິດຄຳເຫັນແລກປ່ຽນຢ່າງກົງໄປກົງມາ ເຮັດໃຫ້ບັນດາທ່ານທີ່ເຂົ້າຮ່ວມສາມາດເຊື່ອມຊຶມ ແລະ ກຳແໜ້ນບັນດາເນື້ອໃນຂອງເອກະສານດັ່ງກ່າວ ໄດ້ຢ່າງເລິກເຊິ່ງ. ໂອກາດນີ້, ໂຄງການດັ່ງກ່າວໄດ້ມອບຄອມພິວເຕີ ຈຳນວນ 1 ຊຸດ ໃຫ້ແນວລາວສ້າງຊາດນະຄອນຫຼວງວຽງຈັນ.
ກອງປະຊຸມຄັ້ງນີ້, ແມ່ນເພື່ອຮັບປະກັນ ແລະ ມີຄວາມເປັນເອກະພາບ ໃນການຈັດຕັ້ງປະຕິບັດບັນດາ ໜ້າວຽກຈຸດສຸມ ຕາມບົດບັນທຶກຄວາມເຂົ້າໃຈ ໃນການຮ່ວມມືດ້ານສິ່ງແວດລ້ອມ ແລະ ຕາມກອບຂອງໂຄງການສ້າງຄວາມເຂັ້ມແຂງ ໃຫ້ແນວລາວສ້າງຊາດ ໃນການສົ່ງເສີມ ແລະ ປົກປ້ອງສິດຜົນປະໂຫຍດຂອງປະຊາຊົນບັນດາເຜົ່າ ໃຫ້ມີສ່ວນຮ່ວມໃນການຄຸ້ມຄອງ, ນຳໃຊ້ຊັບພະຍາກອນທຳມະຊາດ ແລະ ສິ່ງແວດລ້ອມ ໃຫ້ມີຄວາມຍືນຍົງ ແລະ ສາມາດຮັບຮູ້ການເຜີຍແຜ່ເອກະສານທີ່ເປັນບ່ອນອີງໃນການຈັດຕັ້ງປະຕິບັດການເກັບກຳຂໍ້ມູນກ່ຽວກັບວຽກງານສ້າງບ້ານຂຽວສະອາດງາມຕາ.

2019-11-18

ປະຕິທິນ

Dec-2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ