ແນະນຳ ສນຊ (LFND)

ກອງປະຊຸມໃຫຍ່ຄັ້ງທີ VIII ຂອງໜ່ວຍພັກຫ້ອງການ ສູນກາງແນວລາວສ້າງຊາດ

ໜ່ວຍພັກຫ້ອງການສູນກາງແນວລາວສ້າງຊາດໄດ້ເປີດກອງປະຊຸມໃຫຍ່ຄັ້ງທີVIIIຂອງໜ່ວຍພັກຂຶ້ນໃນວັນທີ21ພະຈິກ2019ນີ້, ທີ່ສູນກາງແນວລາວສ້າງຊາດ. ໂດຍການເປັນປະທານຂອງສະຫາຍດຣ ຈັນເພັງ ສຸດທິວົງ ເລຂາໜ່ວຍພັກຫ້ອງການ, ເປັນກຽດເຂົ້າຮ່ວມຂອງສະຫາຍ ປອ ໄຊສົມພອນ ພົມວິຫານກຳມະການກົມການເມືອງສູນກາງພັກ,ເລຂາຄະນະພັກ, ປະທານສູນກາງແນວລາວສ້າງຊາດ, ມີບັນດາຜູ້ຕາງໜ້າໜ່ວຍພັກກົມອ້ອມຂ້າງ, ສະມາຊິກພັກອາວຸໂສ-ບຳນານ, ຜູ້ຕ່າງໜ້າອົງການຈັດຕັ້ງມະຫາຊົນແລະສະມາຊິກພັກພາຍໃນໜ່ວຍພັກເຂົ້າຮ່ວມ.

ສະຫາຍດຣ ຈັນເພັງ ສຸດທິວົງເລຂາໜ່ວຍພັກຫ້ອງການສູນກາງແນວລາວສ້າງຊາດໄດ້ຜ່ານຮ່າງບົດລາຍງານການເມືອງຂອງໜ່ວຍພັກຫ້ອງການສູນກາງແນວລາວສ້າງຊາດ ໃນໄລຍະ 5 ປີ ຜ່ານມາ ແລະ ທິດທາງແຜນການ 5 ປີ ຕໍ່ໜ້າ ເຊິ່ງປະກອບມີສອງພາກຄື: ພາກທີ I ສັງເກດຕີລາຄາການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ VII ຂອງໜ່ວຍພັກຫ້ອງການໄລຍະປີ 2014-2019. ເຊິ່ງໃນໄລຍະທີ່ຜ່ານມາຄະນະໜ່ວຍພັກໄດ້ເອົາ ໃຈໃສ່ການສຶກສາອົບຮົມການເມືອງ-ແນວຄິດໃຫ້ສະມາຊິກພັກ, ພະນັກງານຂອງຕົນດ້ວຍຫຼາຍຮູບການແລະຖືສຳຄັນຕໍ່ວຽກງານກໍ່ສ້າງພັກແລະຂະຫຍາຍພັກຕາມທິດຂອງການກໍ່ສ້າງພັກຕະຫຼອດໄລຍະ 5 ປີສາມາດກໍ່ສ້າງແລະຂະຫຍາຍມະຫາຊົນກ້າວໜ້າທີ່ມີມາດຖານເງື່ອນໄຂເຂົ້າເປັນສະມາຊິກພັກສົມບູນ11ສະຫາຍ; ສຳຮອງ3ສະຫາຍ. ໃນນີ້ຄະນະໜ່ວຍພັກຫ້ອງການຖືສໍາຄັນເອົາວຽກງານການເມືອງ-ແນວຄິດເປັນວຽກກົກ, ໄດ້ຈັດຕັ້ງການຄົ້ນຄວ້າເຊື່ອມຊືມ ມະຕິກອງປະຊຸມໃຫຍ່ຄັ້ງທີ X ຂອງພັກ, ແຜນພັດທະນະາເສດຖະກິດ-ສັງຄົມ 5 ປີ ຄັ້ງທີ VIII ແລະ ມະຕິກອງປະຊຸມໃຫຍ່ ຄັ້ງທີ X ຂອງແນວລາວສ້າງຊາດ ຢ່າງກວ້າງຂວາງ ແລະ ຍົກໃຫ້ເຫັນທິດທາງແຜນການສູ້ຊົນຂອງໜ່ວຍພັກຫ້ອງການໃນຕໍ່ໜ້າແຕ່ປີ2019-2024ແລະໄດ້ຮັບຟັງສະຫາຍຮອງເລຂາພັກຜ່ານບົດສຳຫຼວດການນຳພາຂອງຄະນໜ່ວຍພັກປີ(2014-2019).ເຊິ່ງໃນປັດຈຸບັນໜ່ວຍພັກຫ້ອງການປະກອບມີ: ເລຂາໜ່ວຍພັກ 1 ສະຫາຍ, ຮອງເລຂາໜ່ວຍພັກ 1 ສະຫາຍ, ມີສະມາຊິກພັກທັງໝົດ31ສະຫາຍ, ໃນນັ້ນມີສະມາຊິກເປັນອາດີດການນຳແລະພະນັກງານບຳນານ6ສະຫາຍ; ຈາກນັ້ນກອງປະຊຸມໄດ້ໃຊ້ສິດປະຊາທິປະໄຕປ່ອນບັດເລືອກເອົາຄະນະພັກຊຸດໃໝ່ໂດຍກອງປະຊຸມໄດ້ເຫັນດີເປັນເອກະພາບເລືອກເອົາສະຫາຍດຣ ຈັນເພັງ ສຸດທິວົງເປັນເລຂາໜ່ວຍພັກ, ສະຫາຍ ສົມປະສົງ ເວດສະພົງ ເປັນຮອງເລຂາໜ່ວຍພັກ, ທັງເປັນປະທານກວດກາພັກ, ສະຫາຍ ຄໍາສະໄໝ ສາມາວົງເປັນຮອງເລຂາໜ່ວຍພັກ, ສະຫາຍນ. ໄຊທິດາ ພົມວິຫານເປັນກໍາມະການ ແລະ ສະຫາຍ ທິດສະຫວັນ ວົງພັກດີ ເປັນກໍາມະການ.
ໃນໂອກາດນີ້, ສະຫາຍ ປອ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ, ເລຂາຄະນະພັກ, ປະທານ ສນຊ ຊິ່ງສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ການຊີ້ນໍາ-ນໍາພາຂອງຄະນະໜ່ວຍພັກຊຸດເກົ່າທີ່ໄດ້ຊີ້ນໍາໆພາ ສະມາຊິກພັກ, ພະນັກງານ-ລັດຖະກອນ ປະຕິບັດໜ້າທີ່ການເມືອງຂອງຕົນ, ຍາດໄດ້ຜົນສໍາເລັດຫຼາຍດ້ານ, ພ້ອມກັນນັ້ນ ສະຫາຍ ຍັງໄດ້ເນັ້ນໃຫ້ຄະນະພັກຊູດໃໝ່ ຈະຕ້ອງເອົາໃຈໃສ່ຢ່າງຫ້າວຫັນສືບຕໍ່ປັບປຸງແບບແຜນວິທີເຮັດວຽກ, ແກ້ໄຂບັນດາຈຸດອ່ອນ-ຂໍ້ຄົງຄ້າງໃຫ້ຕົກໄປ, ສະຫາຍມີຄວາມເຊື່ອໝັ້ນຕໍ່ຄະນະໜ່ວຍພັກຊຸດໃໝ່ ທີ່ຈະສືບຕໍ່ຊີ້ນໍາໆພາ ຈັດຕັ້ງປະຕິບັດມະຕິກອງປະຊຸມໃຫຍ່ຂອງໜ່ວຍພັກຫ້ອງການສ້າງໃຫ້ໄດ້ຜົນງານ ແລະ ຜົນສໍາເລັດທີ່ຍິ່ງໃຫຍ່ກວ່າເກົ່າ. ພ້ອມທັງຮຽກຮ້ອງມາຍັງສະມາຊິກພັກທຸກສະຫາຍ ກໍຄືຜູ້ແທນກອງປະຊຸມ ຈົ່ງໄດ້ເຊີດຊູສະຕິ ແລະ ຄວາມຮັບຜິດຊອບການເມືອງຂອງຕົນໃຫ້ສູງຂຶ້ນເລື້ອຍໆ ເຮັດໃຫ້ວຽກງານແນວລາວສ້າງຊາດມີການຫັນປ່ຽນທີ່ຕັ້ງໜ້າ ແລະ ສືບຕໍ່ຮັກສານາມມະຍົດເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ ແລະ ຈົ່ງຮ່ວມແຮງຮ່ວມໃຈກັນຈັດຕັ້ງປະຕິບັດທິດທາງໜ້າທີ່ຂອງກອງປະຊຸມຄັ້ງນີ້ວາງອອກໃຫ້ໄດ້ຮັບຜົນສໍາເລັດຢ່າງຈົບງາມ.

2019-11-22

ປະຕິທິນ

Dec-2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ