ສູນກາງແນວລາວສ້າງຊາດ

Lao Front For National Development

ກອງປະຊຸມກວດກາວຽກງານພັກ-ລັດ 6 ເດືອນຕົ້ນປີ 2019

ວັນທີ 17 ມິຖຸນາ 2019 ນີ້, ຄະນະກວດກາ ສູນກາງແນວລາວສ້າງຊາດ(ສນຊ) ໄດ້ລົງຊຸກຍູ້ກວດກາວຽກງານພັກ-ວຽກງານລັດ ຢູ່ກົມໂຄສະນາ-ອົບຮົມ ສູນກາງແນວລາວສ້າງຊາດ. ໂດຍການເປັນປະທານຂອງ ທ່ານ ນາງ ຄຳຈັນ ພົມແສງສະຫວັນ ຄະນະປະຈຳພັກ, ຮອງປະທານສູນກາງແນວລາວສ້າງຊາດ, ປະທານກວດກາພັກ-ລັດ ສູນກາງແນວລາວສ້າງຊາດ, ມີເລຂາ-ຮອງເລຂາ, ສະມາຊິກພັກ ແລະ ພະນັກງານລັດຖະກອນກົມກວດກາ ແລະ ກົມໂຄສະນາ-ອົບຮົມ ສນຊ ເຂົ້າຮ່ວມ.

ທ່ານ ແກ້ວຈະເລີນ ເຊ່ຍຢີ້ງຢ່າງ ຄະນະປະຈຳ, ເລຂາໜ່ວຍພັກ, ຫົວໜ້າກົມໂຄສະນາ-ອົບຮົມ ສນຊ ໄດ້ລາຍງານການເຄື່ອນໄຫວຊີ້ນຳ-ນຳພາ ວຽກງານພັກ-ວຽກງານລັດ ຂອງໜ່ວຍພັກ, ຂອງກົມ 6 ເດືອນຕົ້ນປີ ແລະ ທິດທາງແຜນການຊີ້ນຳ-ນຳພາ ຂອງໜ່ວຍພັກ, ຂອງກົມ 6 ເດືອນທ້າຍປີ 2019 ເຊິ່ງທ່ານໄດ້ຍົກໃຫ້ເຫັນບາງຜົນງານທີ່ພົ້ນເດັ່ນ ເປັນຕົ້ນ: ໄດ້ຍົກໃຫ້ເຫັນສະພາບຈຸດພິເສດ, ໜ້າທີ່ຕົ້ນຕໍ, ດ້ານການຈັດຕັ້ງ, ລະດັບວິຊາສະເພາະ ແລະ ທິດສະດີການເມືອງ ຂອງສະມາຊິກພັກ-ພະນັກງານ, ການຈັດຕັ້ງປະຕິບັດແຜນການກໍ່ສ້າງໜ່ວຍພັກທັງ 5 ດ້ານ ແລະ ການຊີ້ນຳ-ນຳພາວຽກງານວິຊາສະເພາະ, ປະຕິບັດວຽກງານກໍ່ສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ, ການຈັດຕັ້ງປະຕິບັດພາລະບົດບາດ, ສິດ ແລະ ໜ້າທີ່ຂອງກົມ ເປັນຕົ້ນ: ວຽກງານການເມືອງ-ແນວຄິດ, ວຽກງານຈັດຕັ້ງ-ພະນັກງານ, ການເຄື່ອນໄຫວວຽກງານລວມ, ວຽກງານບໍລິຫານ-ງົບປະມານ, ວຽກງານການເຄື່ອນໄຫວຂອງຄະນະກົມ, ວຽກງານການພົວພັນຮ່ວມມືສາກົນ ແລະ ວຽກງານວິຊາສະເພາະ ຕຶ່ມອີກ. ໃນນີ້, ໄດ້ມີການປະກອບຄໍາຄິດຄໍາເຫັນຕໍ່ 2 ບົດລາຍງານດັ່ງກ່າວຢ່າງກົງໄປກົງມາ.

ທ່ານ ນາງ ຄຳຈັນ ພົມແສງສະຫວັນ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານການເຄື່ອນໄຫວ ຂອງກົມໂຄສະນາ-ອົບຮົມ ໃນໄລຍະຜ່ານມາ ແລະ ທ່ານໄດ້ມີບາງຄຳເຫັນໂອ້ລົມຕື່ມວ່າ: ໃຫ້ຄະນະໜ່ວຍພັກ ສືບຕໍ່ຊີ້ນຳ-ນຳພາ ສະມາຊິກພັກ-ພະນັກງານ ຈັດຕັ້ງປະຕິບັດວຽກງານໂຄສະນາ-ອົບຮົມ ຂອງແນວລາວສ້າງຊາດ ໃຫ້ມີການພັດທະນາດີຂຶ້ນ, ໃຫ້ສະມາຊິກພັກ-ພະນັກງານ ຈົ່ງເພີ່ມທະວີຄວາມຮັບຜິດຊອບ ເປັນເຈົ້າການໃນການສຶກສາຮ່ຳຮຽນ ໃຫ້ມີຄວາມຮູ້ຄວາມສາມາດ, ໃຫ້ມີຄວາມສາມັກຄີ ຊ່ວຍເຫຼືອເຊິ່ງກັນ ແລະ ກັນ, ໃຫ້ສືບຕໍ່ຄົ້ນຄວ້າວຽກງານປະຫວັດສາດ ແລະ ຫໍມູນເຊື້ອ ຂອງແນວລາວສ້າງຊາດ ໃຫ້ໄດ້ຮັບຜົນສຳເລັດ.

info@lfnd.org.la | 021 213754 | (856-21) 453191