ສູນກາງແນວລາວສ້າງຊາດ

Lao Front For National Development

ກອງປະຊຸມຄົບຄະນະກຳມະການແນວລາວສ້າງຊາດ ເມືອງຊົນນະບູລີ ຄັ້ງທີ 4 ສະໄໝທີ IV.

ວັນທີ 7 ຕຸລາ 2020 ແນວລາວສ້າງຊາດເມືອງຊົນນະບູລີ ແຂວງສະຫວັນນະເຂດ ໄດ້ດຳເນີນກອງປະຊຸມຄົບຄະນະ ກຳມະການແນວລາວສ້າງຊາດເມືອງ ຄັ້ງທີ 4 ສະໄໝ IV ຂື້ນຢ່າງເປັນທາງການ,  ທີ່ສະໂມສອນຂອງເມືອງ ,  ພາຍໃຕ້ການເປັນປະທານຂອງ ທ່ານ ຄຳປ້າຍ ເທບທອງແສນ ຄະນະປະຈຳພັກເມືອງ, ປະທານແນວລາວສ້າງຊາດເມືອງ; ເປັນກຽດເຂົ້າຮ່ວມໂດຍ  ທ່ານ ສົມເພັດ ອິນທະທິລາດ ຄະນະປະຈຳພັກແຂວງ, ປະທານແນວລາວສ້າງຊາດແຂວງ, ທ່ານ ສຸວິໄລ ຫຼວງຊະລາດ ເລຂາພັກເມືອງ, ເຈົ້າເມືອງໆຊົນນະບູລີ, ມີບັນດາທ່ານຄະນະປະຈຳພັກເມືອງ, ຫົວໜ້າຫ້ອງການ-ຮອງຫ້ອງການ ອ້ອມຂ້າງເມືອງ ແລະ ຄະນະກຳມະການແນວເມືອງ ເຂົ້າຮ່ວມ.

ໃນກອງປະຊຸມໄດ້ຮັບຟັງການຜ່ານບົດສະຫຼູບຕີລາຄີການຈັດຕັ້ງປະຕິບັດວຽກງານໃນຜ່ານມາ ແລະ ທິດທາງແຜນການໃນຕໍ່ໜ້າ ຂອງແນວລາວສ້າງຊາດເມືອງຊົນນະບູລີ. ພ້ອມກັນນັ້ນ, ໄດ້ຮັບຮອງເອົາຄະນະກຳມະການແນວລາວສ້າງຊາດເມືອງ ຊຸດໃໝ່ ຈຳນວນ 33 ທ່ານ;  ຮັບຮອງເອົາ ທ່ານ ຄຳປ້າຍ ເທບທອງແສນ ຄະ​ນະ​ປະ​ຈຳ​ພັກ​ເມືອງ ເປັນ​ປະ​ທານ​ແນວ​ລາວ​ສ້າງ​ຊາດ​ເມືອງ, ທ່ານ ກ້ຽງ ແກ້ວດວງດີ ແລະ ທ່ານ ເພັດສີ ຈຸລະພົນ ເປັນ​ຮອງ​ປະ​ທານ​ແນວ​ລາວ​ສ້າງ​ຊາດ​ເມືອງ.

info@lfnd.org.la | 021 213754 | (856-21) 453191