ສູນກາງແນວລາວສ້າງຊາດ

Lao Front For National Development

ກອງປະຊຸມຄົບຄະນະກຳມະການແນວລາວສ້າງຊາດແຂວງອັດຕະປື ຄັ້ງທີ  IV ສະໄໝທີ VI

ໃນວັນທີ 18 ມີນາ 2021 ທີ່ຜ່ານມາ ແນວລາວສ້າງຊາດ ແຂວງ ອັດຕະປື ໄດ້ໄຂກອງປະຊຸມຄົບຄະນະກຳມະການແນວລາວສ້າງຊາດແຂວງ ຄັ້ງທີ  IV ສະໄໝທີ VI ຂື້້ນຢ່າງເປັນທາງການ ທີ່ສະໂມສອນຂອງແນວລາວສ້າງຊາດແຂວງ ພາຍໃຕ້ການເປັນປະທານຂອງທ່ານ ບຸນໂຮມ ພົມມະສານ ຄະນະປະຈຳພັກແຂວງ ປະທານແນວລາວສ້າງຊາດແຂວງ, ໂດຍເປັນກຽດເຂົ້າຮ່ວມຂອງ ທ່ານ ເລັດ ໄຊຍະພອນ ກຳມະການສູນກາງພັກ ເຈົ້າແຂວງອັດຕະປື, ມີຄະນະກຳມະການແນວລາວສ້າງຊາດແຂວງ, ເມືອງ, ພະນັກງານບຳນານ ແລະ ພຣະສົງເຂົ້າຮ່ວມ.

ໃນກອງປະຊຸມ, ໄດ້ຮັບຟັງການສະຫຼຸບຕີລາຄາຄືນການຈັດຕັ້ງປະຕິບັດວຽກງານແນວລາວສ້າງຊາດໃນໄລຍະຜ່ານມາ ເຊີ່ງຄະນະກຳມະການແນວລາວສ້າງຊາດແຂວງ ໄດ້ສົມທົບກັບອົງການປົກຄອງເຄື່ອນໄຫວຊຸກຍູ້, ໂຄສະນາສືກ,ສາອົບຮົມການເມືອງ-ແນວຄິດ ໃຫ້ປະຊາຊົນລາວບັນດາເຜົ່າ, ສາສະໜາ, ຊັ້ນຄົນ, ເພດໄວ ຊ່ວຍເຫຼືອເຊີ່ງກັນ ແລະ ກັນ ເຂົ້າຮ່ວມຂະບວນແຂ່ງຂັນຮັກຊາດ ແລະ ພັດທະນາ, ໄດ້ລົງເຄື່ອນໄຫວຊຸກຍູ້ວຽກງານແນວລາວສ້າງຊາດຢູ່ຮາກຖານ ແລະ ວຽກງານສ້າງຄອບຄົວ ແລະ ບ້ານສາມັກຄີປອງດອງ ຕິດພັນກັບການສ້າງບ້ານພັດທະນາ ແລະ ວຽກງານສາມສ້າງ.

ກອງປະຊຸມຄັ້ງນີ້, ໄດ້ຮັບຟັງການປະກອບຄຳເຫັນຈາກບັນດາກຳມະການແນວລາວສ້າງຊາດເມືອງ ແລະ ພາກສ່ວນທີ່ກ່ຽວຂ້ອງ ແລະ ໄດ້ຮັບຟັງການໂອ້ລົມຂອງທ່ານ ເລັດ ໄຊຍະພອນ ເຊີ່ງທ່ານໄດ້ເນັ້ນໃຫ້ຄະນະກຳມະການແນວລາວສ້າງຊາດ ຈົ່ງເອົາໃຈໃສ່ປັບປຸງກົງຈັກການຈັດຕັ້ງວຽກງານແນວລາວສ້າງຊາດແຕ່ລະຂັ້ນໃຫ້ມີຄວາມໜັກແໜ້ນເຂັ້ມແຂງ, ກຳແໜ້ນໄດ້ພາລະບົດບາດ, ສິດ ແລະ ໜ້າທີ່ຂອງແນວລາວສ້າງຊາດ; ສືບຕໍ່ເອົາໃຈໃສ່ສືກສາອົບຮົມການເມືອງ-ແນວຄິດ ໃຫ້ປະຊາຊົນບັນດາເຜົ່າຢ່າງເປັນປົກກະຕິ, ເພີ່ມທະວີຄວາມສາມັກຄີປອງດອງ ເປັນຈິດໜື່ງໃຈດຽວສຸມໃສ່ສະຕິປັນຍາ, ຄວາມຮູ້ຄວາມສາມາດ ແລະ ທືນຮອນ ເຂົ້າໃນການສ້າງສາພັດທະນາ ເວົ້າລວມ ເວົ້າສະເພາະແມ່ນແຂວງອັດຕະປືໃຫ້ມີຄວາມສະຫງົບສຸກ ແລະ ສີວິໄລ.

info@lfnd.org.la | 021 213754 | (856-21) 453191