ສູນກາງແນວລາວສ້າງຊາດ

Lao Front For National Development

ກອງປະຊຸມຄົບຄະນະ ຄັ້ງທີ 2 ສະໄໝທີ 6 ຂອງແນວລາວສ້າງຊາດ ເມືອງວຽງໄຊ ແຂວງຫົວພັນສຳເລັດ

ແນວລາວສ້າງຊາດ ເມືອງວຽງໄຊ ສຳເລັດກອງປະຊຸມຄົບຄະນະ ຄັ້ງທີ 2 ສະໄໝທີ 6 ຢູ່ທີສະໂມສອນເມືອງ ໃນວັນທີ 11 ມີນາ 2021, ພາຍໃຕ້ການເປັນປະທານ ຂອງທ່ານ ອອນ ແພງພູວັນ ປະທານແນວລາວສ້າງຊາດເມືອງ, ເປັນກຽດເຂົ້າຮ່ວມ ຂອງທ່ານ ວີເຕັ່ງ ຈືໄມເຕັ່ງ ຮອງປະທານແນວລາວສ້າງຊາດແຂວງ, ທ່ານ ສີງພອນ ທິດສະຫວັນ ຮອງເລຂາພັກເມືອງ, ມີບັນດາທ່ານທີປືກສາ, ກຳມະການແນວເມືອງ ແລະ ແຂກຖືກເຊີນຈາກອົງການຈັດຕັ້ງພາຄີເຂົ້າຮ່ວມ.

ໃນກອງປະຊຸມ, ຜູ້ແທນໄດ້ຮັບຟັງບົດສະຫຼຸບຕີລາຄາການເຄື່ອນໄຫວຈັດຕັ້ງປະຕິບັດວຽກງານແນວລາວສ້າງຊາດປະຈຳປີ 2020 ແລະ ທິດທາງແຜນການປະຈຳປີ 2021. ໃນໄລຍະ 1 ປີຜ່ານມາຄະນະກຳມະການແນວລາວສ້າງຊາດເມືອງໄດ້ຖືເອົາວຽກງານການເມືອງແນວຄິດເປັນບັນຫາສຳຄັນ ໂດຍອີງໃສ່ເນື້ອໃນຂອງກອງປະຊຸມໃຫ່ຍ ຄັ້ງທີ 10 ຂອງອົງຄະນະພັກເມືອງ, ມະຕິກອງປະຊຸມໃຫ່ຍ ຄັ້ງທີ 6 ຂອງແນວລາວສ້າງຊາດເມືອງ ເປັນຕົ້ນໄດ້ຮ່ຳຮຽນ ແລະ ເຊືອມຊຶມເອກະສານຕ່າງໆ, ເອົາໃຈໃສ່ສຶກສາອົບຮົມການເມືອງແນວຄິດໃຫ້ປະຊາຊົນລາວບັນດາເຜົ່າ, ຊັ້ນຄົນ, ສາສະໜາ, ທຸກເພດໄວຢ່າງກ້ວາງຂວາງ ໂດຍເນັ້ນໃຫ້ປະຊາຊົນມີຄວາມສາມັກຄີປອງດອງແໜ້ນແຟ້ນ, ມີຄວາມຕື່ນຕົວເສີມຂະຫຍາຍສິດເປັນເຈົ້າຕົນເອງ ໃນການທຳມາຫາກິນ ສ້າງຄວາມຮັ່ງມີໃຫ້ແກ່ຄອບຄົວ ແລະ ປະເທດຊາດ, ປຸກລະດົມປະຊາຊົນສ້າງຂະບວນການສ້າງຄອບຄົວ ແລະ ບ້ານສາມັກຄີປອງດອງ ຢ່າງເປັນຂະບວນກ້ວາງຂວາງ ສາມາດປະກາດເປັນເມືອງສນມັກຄີປອງດອງ ເຊິ່ງເປັນເມືອງທີ 2 ຂອງແຂວງຫົວພັນ.

ພ້ອມກັນນັ້ນ, ຜູ້ແທນກອງຍັງໄດ້ປະກອບຄຳຄິດຄຳເຫັນແລກປ່ຽນບົດຮຽນປະສົບການຕົວຈິງຢ່າງກົງໄປກົງມາ ໃນການເຄື່ອນໄຫວວຽກງານແຕ່ລະຂົງເຂດ ຍົກໃຫ້ເຫັນບັນຫາ ແລ້ວພ້ອມກັນຊອກວິທີແກ້ໄຂແນໃສ່ເຮັດໃຫ້ວຽກງານແນວລາວສາ້ງຊາດ ນັບມື້ມີການພັດທະນາດີຂຶ້ນເລື້ອຍໆ.

info@lfnd.org.la | 021 213754 | (856-21) 453191