ໃນວັນທີ 14 ກໍລະກົດ 2020 ຢູ່ທີ່ສູນຝືກອົບຮົມ ສູນກາງແນວລາວສ້າງຊາດ ໄດ້ຈັດກອງປະຊຸມປຶກສາຫາລຶ ຄວາມຄືບໜ້າ ໃນການສ້າງປຶ້ມຄູ່ມືຝຶກອົບຮົມ ວຽກງານແນວລາວສ້າງຊາດ ຫົວບົດ ວຽກງານກວດກາ, ໂດຍການເປັນປະທານຂອງທ່ານ ສຸຣິປັນຍາ ຣາຊສົມບັດ ຮັກສາການຫົວໜ້າສູນຝືກອົບຮົມ ສູນກາງແນວລາວສ້າງຊາດ ແລະ ທ່ານ ນາງ ສີພະຈັນ ນັນທະວົງສາ ຄະນະປະຈຳ, ຫົວໜ້າກົມກວດກາ ສູນກາງແນວລາວສ້າງຊາດ, ມີຮອງຫົວໜ້າສູນຝືກອົບຮົມ, ຫົວໜ້າພະແນກ, ຮອງຫົວໜ້າພະແນກ ແລະ ວິຊາການທີ່ກ່ຽວຂ້ອງເຂົ້າຮ່ວມ.
ຈຸດປະສົງຂອງກອງປະຊຸມຄັ້ງນີ້, ເພື່ອກວດກາຄືນຄວາມຄືບໜ້າ ການຂຽນເນື້ອໃນວຽກງານ ກວດກາ ຂົງເຂດແນວລາວສ້າງຊາດ ຕາມໂມດູນ 45 ວັນ, ພ້ອມທັງເປັນການສະເໜີເນື້ອໃນທັງ 3 ບົດ ຂອງວຽກງານກວດກາໃຫ້ທຸກທ່ານໃນກອງປະຊຸມໄດ້ມີຄຳເຫັນ, ປັບປຸງບາງເນື້ອໃນໃຫ້ຖຶກຕ້ອງ ແລະ ເປັນເອກະພາບກັນ.
ດັ່ງນັ້ນ ເພື່ອເຮັດໃຫ້ການສ້າງປຶ້ມຄູ່ມືຝືກອົບຮົມ ວຽກງານກວດກາໃຫ້ບັນລຸຕາມເປົ້າໝາຍທີ່ກຳນົດໄວ້ໃນໂມດູ່ນ 45ວັນ, ຈື່ງມອບໃຫ້ກົມກວດກາ (ຜູ້ຂຽນເນື້ອໃນ) ແລະ ພະແນກຄົ້ນຄວ້າຮຽບຮຽງຫຼັກສູດ ສູນຝືກອົບຮົມ ຊ່ວຍກັນປັບປຸງເນື້ອໃນຕ່າງໆຕາມທີ່ກອງປະຊຸມໄດ້ເອກະພາບກັນ ແລະ ພາຍຫຼັງສຳເລັດແລ້ວຈະໄດ້ມີການຈັດກອງປະຊຸມເພື່ອຮຽບຮຽງ ແລະ ຮັບຮອງເອົາເນື້ອໃນເພື່ອຈັດພິມເປັນປື້ມສະເພາະ ໂດຍການເຊີນຫຼາຍພາກສ່ວນທີ່ກ່ຽວຂ້ອງເຂົ້າຮ່ວມ.
