ສູນກາງແນວລາວສ້າງຊາດ

Lao Front For National Development

ກອງປະຊຸມຝຶກອົບຮົມການສ້າງຄວາມສາມັກຄີ ໃຫ້ແກ່ການຈັດຕັ້ງສາສະໜາຕ່າງໆ

ກົມສາສະໜາ ສູນກາງແນວລາວສ້າງຊາດ ໄດ້ຈັດກອງປະຊຸມຝຶກອົບຮົມການສ້າງຄວາມສາມັກຄີ ​ໃຫ້​ແກ່​ການຈັດ​ຕັ້ງສາສະໜາ​ຕ່າງໆ ໂດຍເປັນກຽດເຂົ້າຮ່ວມຂອງທ່ານ ຄະນອງລິດ ສີສົມບຸນ ຄະນະປະຈໍາ ຫົວໜ້າກົມສາສະໜາ ສູນກາງແນວລາວສ້າງຊາດ, ມີວິທະຍາກອນຈາກອົງການມິດຕະພາບເມັນໂດນາຍ, ສະຖາບັນການຮ່ວມມືສາກົນ (IGE), ມີ​ຜູ້​ຕາງໜ້າຈາກ​ກະຊວງ​ພາຍ​ໃນ, ສາສະໜາຈານ, ຄະນະ​ນຳຂອງສາສະໜາຕ່າງໆ ພ້ອມ​ດ້ວຍ​ສໍາ​ມະ​ນາກ​ອນ​ເຂົ້າ​ຮ່ວມ ຢູ່ທີ່ສູນຝຶກອົບຮົມ ສູນກາງແນວລາວສ້າງ ຊາດ ລະ​ຫວ່າງ​ວັນ​ທີ 20-22 ມິຖຸນາ ປີ 2017 ນີ້.

ກອງ​ປະຊຸມ​ຄັ້ງ​ນີ້, ມີຫຼາຍກິດຈະ​ກໍາທີ່ສໍາຄັນ​ຄື: ການທໍາຄວາມເຂົ້າໃຈກັບຄວາມສາມັກຄີ, ການຈັດຕັ້ງສາສະໜາຕ່າງໆ, ຂໍ້ຂັດ ແຍ່ງ ແລະ ສັນຕິສຸກ ເຊິ່​ງກິດຈະ​ກໍາ​ດັ່ງ​ກ່າວ​ແມ່ນ​ມີ​ຄວາມ​ສໍາຄັນ​ເພາະ​ຖື​ວ່າ​ເປັນ​ການ​ສ້າງ​ຄວາມ​ສາມັກຄີ​ ລະຫວ່າງ​ ສາສະໜາ ຕ່າງໆທີ່ຢູ່​ຮ່ວມກັນ ​ແລະ ​ເພື່ອເປັນການສ້າງຄວາມເຂົ້າໃຈ, ຄວາມເຫັນອົກເຫັນໃຈ ແລະ ການສະແດງອອກ ເພື່ອພັດທະນາ ຄວາມເຫັນອົກເຫັນໃຈຕໍ່ກັບຄົນອື່ນພາຍໃນ ແລະ ພາຍນອກ ​​ເຮັດໃຫ້​ຜູ້​ເຂົ້າຮ່ວມ​ເຂົ້າ​ໃຈ​ກ່ຽວກັບ​ສະຖານະ​ການໃນ​ເວລາ​ທີ່​ມີ​ບັນ ຫາ ຫຼື ຂໍ້​ຂັດ​ແຍ່ງ ​ແລະ ທົດ​ລອງ​ການ​ນໍາ​ໃຊ້​ເຄື່ອງ​ມືຕ່າງໆ ທີ່​ຊ່ວຍ​ວິ​ເຄາະ​ຂໍ້​ຂັດ​ແຍ່ງ ແລະ ຮຽນຮູ້​ກ່ຽວກັບ​ວິທີ​ການ​ແກ້​ໄຂຂໍ້​ຂັດ​ແຍ່ງ​ໃດໜຶ່ງທີ່​ເກີດ​ຂຶ້ນ​ໃນ​ສັງຄົມ ຫຼື ສາສະໜາຂອງ​ຕົນ; ການວິເຄາະບັນຫາ, ທັກສະໃນການແກ້ໄຂຂໍ້ຂັດແຍ່ງ ເພື່ອເປັນການ ແລກປ່ຽນບົດຮຽນເຊິ່ງກັນ ແລະ ກັນກິດຈະກຳດັ່ງກ່າວແມ່ນມີຄວາມສຳຄັນຫຼາຍຕໍ່ສັງຄົມ, ຕໍ່ພະນັກງານ-ລັດຖະກອນ ແລະ ປະຊາຊົນລາວບັນດາເຜົ່າ.

ທ່ານ ຄະນອງລິດ ສີສົມບຸນ ໄດ້ເນັ້ນໃຫ້ສຳມະນາກອນ ຈົ່ງເພີ່ມທະວີຄວາມຮັບຜິດຊອບຕໍ່ການຝຶກອົບຮົມໃນຄັ້ງນີ້ ເພື່ອນຳເອົາ ເນື້ອໃນຈິດໃຈການຝຶກອົບຮົມໄປໝູນໃຊ້ເຂົ້າໃນວຽກງານຕົວຈິງ ທີ່ຕົນເອງຮັບຜິດຊອບໃຫ້ເປັນປະໂຫຍດສູງສຸດ. ໃນນີ້, ແມ່ນ ເພື່ອໃຫ້ຜູ້ເຂົ້າຮ່ວມສາມາດວິເຄາະບັນຫາໃຫ້ເຂົ້າໃຈຢ່າງເລິກເຊິ່ງ ກ່ຽວກັບສະພາບການໃນເວລາມີຂໍ້ຂັດແຍ່ງໃດໜຶ່ງເກີດຂຶ້ນ ແລ້ວສາມາດແກ້ໄຂໄດ້ໂດຍບໍ່ໃຊ້ຄວາມຮຸນແຮງ, ສາມາດເຂົ້າໃຈເລິກເຊິ່ງ ຕໍ່ການສ້າງຄວາມສາມັກຄີ, ການສ້າງສັນຕິສຸກ, ຄວາມເຫັນອົກເຫັນໃຈ, ການຮ່ວມມື, ໃຫ້ມີການເຄົາລົບນັບຖືເຊິ່ງ ແລະ ກັນ ເພື່ອໃຫ້ມີຄວາມ​ສາມັກຄີ​ປອງ​ດອງຕາມຄໍາສອນ​ຂອງ​​ສາສະໜາຕ່າງໆ ໃຫ້​ທຸກ​ຄົນ​ທໍາ​ແຕ່ສິ່ງ​ດີ,​ ເຮັດ​ໃຫ້​ສັງຄົມ​ມີ​ຄວາມ​ສາມັກຄີ​ປອງ​ດອງ​ກັນ ​ແລະ ຈົ່ງ​ເອົາ​ໃຈ​ໃສ່​ປຸກລະດົມ​ຂົນ ຂວາຍ​ສາສະ​ນິກະ​ຊົນ​ຂອງ​ຕົນ​ປະກອບສ່ວນ​ເຂົ້າ​ໃນ​ຂະ​ບວນການ​ຕ່າງໆ, ​ພ້ອມ​ກັນ​ເຄື່ອນ​ໄຫວ​ໃຫ້​ຖືກຕ້ອງ​ຕາມ​ແນວທາງ​ນະ​ໂຍ ບາຍ​ຂອງ​ພັກ ແລະ ກົດໝາຍຂອງລັດ ຢ່າງ​ເຂັ້ມ​ງວດ.

info@lfnd.org.la | 021 213754 | (856-21) 453191