ສູນກາງແນວລາວສ້າງຊາດ

Lao Front For National Development

ກອງປະຊຸມຝຶກອົບຮົມການສ້າງຄວາມສາມັກຄີ “ການຮຽນຮູ້ເພື່ອການປ່ຽນແປງ”

ກົມສາສະໜາ ສູນກາງແນວລາວສ້າງຊາດ ໄດ້ຈັດກອງປະຊຸມຝຶກອົບຮົມການສ້າງຄວາມສາ ມັກຄີ “ການຮຽນຮູ້ເພື່ອການປ່ຽນ ແປງ” ທີ່ສູນຝຶກອົບຮົມສູນກາງແນວລາວສ້າງຊາດ ລະຫວ່າງ ວັນທີ 22-24 ກຸມພາ ປີ 2017.

ໂດຍການເປັນປະທານຂອງທ່ານ ຄະນອງລິດ ສີສົມບູນ ຄະນະປະຈຳສູນກາງແນວລາວສ້າງຊາດ ຫົວໜ້າກົມສາສະໜາ, ວິທະຍາ ກອນຈາກອົງການມິດຕະພາບເມັນໂດນາຍ, ຕາງໜ້າຈາກກະຊວງພາຍໃນ ແລະ ສຳມະນາກອນຈາກບັນດາກົມ, ຫ້ອງການ ແລະ ສູນຝຶກອົບຮົມ ສູນກາງແນວລາວສ້າງຊາດເຂົ້າຮ່ວມ.

ເພື່ອເປັນການສ້າງຄວາມສາມັກຄີ “ການຮຽນຮູ້ເພື່ອການປ່ຽນແປງ” ໃຫ້ມີຄວາມເຂົ້າໃຈ ແລະ ການແລກປ່ຽນບົດຮຽນຈາກວິ ທະຍາກອນທີ່ມີບົດຮຽນ ແລະ ປະສົບການສູງທີ່ໄດ້ນຳເອົາເອກະສານທີ່ສຳຄັນມາເຜີຍແຜ່ ເພື່ອໃຫ້ທຸກຄົນໄດ້ມີການວິເຄາະ ແລະ ການເຂົ້າໃຈຂໍ້ຂັດແຍ່ງ, ຄວາມສັນຕິສຸກ, ຄວາມເຫັນອົກເຫັນໃຈ ແລະ ການເຄົາລົບນັບຖື ເພື່ອໃຫ້ສຳມະນາກອນມີຄວາມເຂົ້າໃຈ ຢ່າງລະອຽດ ແລະ ຖືກຕ້ອງ.

ໃນໂອກາດນີ້ ທ່ານ ຄະນອງລິດ ສີສົມບູນ ໄດ້ຮຽກຮ້ອງໃຫ້ສຳມະນາກອນຈົ່ງເພີ່ມທະວີຄວາມຮັບຜິດຊອບຕໍ່ການຮ່ຳຮຽນ ໃນຄັ້ງນີ້ ເພື່ອນຳເອົາເນື້ອໃນຈິດໃຈການຝຶກອົບຮົມໄປໝູນໃຊ້ໃຫ້ແທດເໝາະກັບວຽກງານຕົວຈິງທີ່ຕົນເອງໄດ້ຮັບຜິດຊອບໃຫ້ມີ ປະສິດທິຜົນຂື້ນກ່ວາເກົ່າ.

info@lfnd.org.la | 021 213754 | (856-21) 453191