ສູນກາງແນວລາວສ້າງຊາດ

Lao Front For National Development

ກອງປະຊຸມຝຶກອົບຮົມວຽກງານສາສະໜາ: “ການສ້າງຄວາມສາມັກຄີ” ພາກທີ III

ກົມສາສະໜາ ສູນກາງແນວລາວສ້າງຊາດ (ສນຊ) ຮ່ວມກັບ ສະຖາບັນຮ່ວມມືສາກົນ (IGE) ຈັດກອງປະຊຸມຝຶກອົບຮົມວຽກ ງານສາສະໜາ: “ການສ້າງຄວາມສາມັກຄີ” ໃຫ້ພະນັກງານ ສນຊ ພາກທີ III, ເຊິ່ງໄດ້ເນີນເປັນເວລາ 3 ວັນ (08-10 ພະຈິກ 2017),

ໂດຍການເປັນປະທານຂອງທ່ານ ຄະນອງລິດ ສີສົມບູນ ຄະນະປະຈຳ ຫົວໜ້າກົມສາສະໜາ ສນຊ, ມີວິທະຍາກອນທີ່ເປັນຕົວ ແທນຈາກບັນດາສາສະໜາຕ່າງໆ, ຈາກສະຖາບັນຮ່ວມມືສາກົນ (IGE), ສໍາມະນາກອນຈາກບັນດາກົມ, ຫ້ອງການ ແລະ ສູນຝຶກອົບຮົມ ສນຊ ເຂົ້າຮ່ວມ.

ໃນກອງປະຊຸມຝຶກອົບຮົມໃນຄັ້ງນີ້, ທ່ານ ຄະນອງລິດ ສີສົມບູນ ໄດ້ເນັ້ນໃຫ້ຜູ້ເຂົ້າຮ່ວມຈົ່ງຍົກສູງຄວາມຮັບຜິດຊອບ ແລະ ເປັນເຈົ້າການ, ພ້ອມກັນຕັ້ງໜ້າຮັບເອົາບົດຮຽນ ແລະ ແລກປ່ຽນບົດຮຽນນຳກັນ ເພື່ອກຳແໜ້ນເນື້ອໃນຈິດໃຈຂອງກອງປະ ຊຸມຝຶກອົບຮົມ ແລະ ນຳໄປໝູນໃຊ້ໃຫ້ແທດເໝາະກັບວຽກງານຕົວຈິງທີ່ຕົນເອງຮັບຜິດຊອບ ໃນການປະຕິບັດພາລະບົດ ບາດຂອງແນວລາວສ້າງຊາດ ໃນການເຕົ້າໂຮມຄວາມສາມັກຄີປະຊາຊົນລາວບັນດາເຜົ່າທັງຢູ່ພາຍໃນ ແລະ ຕ່າງປະເທດ; ຕິດ ຕາມເກັບກຳຄຳຄິດ, ຄໍາເຫັນ, ຄຳສະເໜີຂອງປະຊາຊົນລາວບັນດາເຜົ່າ, ສາສະໜາ, ຊັ້ນຄົນ, ເພດ ແລະ ໄວ ເພື່ອສະເໜີຕໍ່ ໃຫ້ອົງການຈັດຕັ້ງ ພັກ-ລັດ ແລະ ອົງການທີ່ກ່ຽວຂ້ອງ; ຊຸກຍູ້ຄວາມເປັນເຈົ້າການນຳພາປະຊາຊົນລາວບັນດາເຜົ່າປົກປັກຮັກ ສາ, ເສີມຂະຫຍາຍມູນເຊື້ອຮັກຊາດ, ຮັກສາຮີດຄອງປະເພນີ-ວັດທະນະທຳຂອງຊາດ, ຂອງເຜົ່າໃຫ້ຍືນຍົງຄົງຕົວຕະຫຼອດໄປ.

ກອງປະຊຸມຝຶກອົບຮົມໃນຄັ້ງນີ້ ແມ່ນພາກທີ III, ສ່ວນພາກທີ I ແລະ II ແມ່ນໄດ້ຈັດຂຶ້ນເມື່ອ ຕົ້ນປີ ແລະ ກາງປີ 2017 ເຊິ່ງໃນ II ພາກດັ່ງກ່າວນັ້ນ ສໍາມະນາກອນໄດ້ຮຽນຮູ້ຄວາມເຫັນອົກເຫັນໃຈ, ຄວາມໄວ້ວາງໃຈ, ການເຄົາລົບນັບຖືເຊິ່ງກັນ ແລະ ກັນ, ເອກະລັກ, ການເຂົ້າໃຈຜິດ ແລະ ການວິເຄາະບັນຫາຂໍ້ຂັດແຍ່ງທີ່ເກີດຂຶ້ນ. ເພາະສະນັ້ນຄັ້ງນີ້, ແມ່ນຈະເປັນການ ທົບທວນຄືນ ແລະ ຈະໄດ້ແລກປ່ຽນຄວາມຮູ້ພື້ນຖານໃນການໄກ່ເກ່ຍ, ຮຽນຮູ້ຈັນຍາບັນ ແລະ ໂຄງຮ່າງໃນການໄກ່ເກ່ຍຕື່ມ ອີກ.

info@lfnd.org.la | 021 213754 | (856-21) 453191