ສູນກາງແນວລາວສ້າງຊາດ

Lao Front For National Development

ກອງປະຊຸມຝຶກອົບຮົມ ວຽກງານສ້າງຄອບຄົວ ແລະ ບ້ານສາມັກຄີປອງດອງ

ສູນກາງແນວລາວສ້າງຊາດ (ສນຊ) ໄດ້ສໍາເລັດກອງປະຊຸມຝຶກອົບຮົມ ວຽກງານສ້າງຄອບຄົວ ແລະ ບ້ານສາມັກຄີປອງດອງ ໃຫ້ ພະນັກງານຫຼັກແຫຼ່ງ ຂອງແນວລາວສ້າງຊາດ ຂັ້ນສູນກາງ ແລະ ຂັ້ນແຂວງ-ນະຄອນຫຼວງວຽງຈັນ ໂດຍການເປັນປະທານຂອງ ທ່ານ ຄໍາໃບ ດໍາລັດ ກໍາມະການສູນກາງພັກ, ຮອງປະທານສູນກາງແນວລາວສ້າງຊາດ.

ຈຸດປະສົງຂອງກອງປະຊຸມຄັ້ງນີ້, ແມ່ນເພື່ອຜັນຂະຫຍາຍມະຕິກອງປະຊຸມໃຫຍ່ ຄັ້ງທີ X ຂອງພັກ ແລະ ກອງປະຊຸມໃຫຍ່ຜູ້ ແທນທົ່ວປະເທດ ຄັ້ງທີ X ຂອງແນວລາວສ້າງຊາດ ຊຶ່ງພາລະບົດບາດຕົ້ນຕໍຂອງແນວລາວສ້າງຊາດ ແມ່ນເປັນຄັນທຸງເຕົ້າ ໂຮມຄວາມສາມັກຄີ ແລະ ເສີມຂະຫຍາຍມູນເຊື້ອຄວາມສາມັກຄີປອງດອງປະຊາຊົນລາວບັນດາເຜົ່າ ເຂົ້າໃນພາລະກິດປົກປັກ ຮັກສາ ແລະ ສ້າງສາພັດທະນາປະເທດຊາດ, ໃຫ້ໜັກແໜ້ນເຂັ້ມແຂງ, ປະຕິບັດຄວາມສະເໝີພາບ, ສຶກສາອົບຮົມ, ປຸກລະ ດົມຂົນຂວາຍ ແລະ ເສີມຂະຫຍາຍສິດເປັນເຈົ້າປະເທດຊາດ, ເຂົ້າຮ່ວມຂະບວນການຕ່າງໆຂອງພັກ-ລັດ ແນໃສ່ແກ້ໄຂຄວາມ ທຸກຍາກຂອງຄອບຄົວ ແລະ ນໍາພາປະເທດຊາດ ຫຼຸດພົ້ນຈາກສະຖານະພາບຄວາມດ້ອຍພັດທະນາ ໃນປີ 2020.

ການສ້າງຄອບຄົວ ແລະ ບ້ານສາມັກຄີປອງດອງ ເປັນປັດໄຈໜຶ່ງໃນການເຕົ້າໂຮມຄວາມສາມັກຄີປອງດອງທົ່ວປວງຊົນລາວ ບັນດາເຜົ່າ ໂດຍເອົາຫົວໜ່ວຍຄອບຄົວ ແລະ ຮາກຖານບ້ານເປັນໃຈກາງ; ຊຶ່ງມາດຕະຖານດັ່ງກ່າວ ໄດ້ເປັນບ່ອນອີງໃຫ້ແກ່ອົງ ການແນວລາວສ້າງຊາດແຕ່ລະຂັ້ນໃນການຊີ້ນໍາ-ນໍາພາ ຈັດຕັ້ງປະຕິບັດໃຫ້ເປັນເອກະພາບກັນໃນຂອບເຂດທົ່ວປະເທດ; ໃນນີ້, ເປັນການຈັດຕັ້ງປະຕິບັດນິຕິກໍາ ຂອງແນວລາວສ້າງຊາດ ໃນແຕ່ລະໄລຍະ, ປຸກລະດົມກໍາລັງແຮງທົ່ວປວງຊົນ ເຂົ້າຮ່ວມປະຕິ ບັດ 2 ໜ້າທີ່ຍຸດທະສາດ; ຮັດແໜ້ນຄວາມສາມັກຄີີ, ເປັນເອກະພາບຂອງປະຊາຊົນລາວບັນດາເຜົ່າ, ຊັ້ນຄົນ, ສາສະໜາ ແລະ ເພດໄວ ໂດຍເລີ່ມຈາກຄອບຄົວ ແລະ ຮາກຖານ ຊຶ່ງເປັນປັດໄຈສໍາຄັນໃນການເສີມສ້າງສະຖຽນລະພາບ, ຄວາມສະຫງົບ ແລະ ຄວາມມັ່ງຄັ່ງເຂັ້ມແຂງຂອງຊາດ. ໃນນີ້, ຜູ້ເຂົ້າຮ່ວມກອງປະຊຸມໄດ້ປະກອບຄໍາຄິດຄໍາເຫັນຢ່າງກົງໄປກົງມາ ແລະ ມີ ຄວາມຮັບຜິດຊອບສູງຕໍ່ບົດແນະນໍາຂອງຄະນະປະຈໍາ ສນຊ ວ່າດ້ວຍການຈັດຕັ້ງປະຕິບັດຂະບວນການສ້າງຄອບຄົວ ແລະ ບ້ານສາມັກຄີປອງດອງຂອງແນວລາວສ້າງຊາດ ເພື່ອໃຫ້ແຂວງມີຄວາມເຂົ້າໃຈຢ່າງເລິກເຊິ່ງຕໍ່ບັນດາມາດຕະຖານ ແລະ ເງື່ອນ ໄຂໃນການສ້າງຄອບຄົວ ແລະ ບ້ານສາມັກຄີປອງດອງ ພ້ອມກັນຜັນຂະຫຍາຍເນື້ອໃນເຂົ້າສູ່ວຽກງານຕົວຈິງຢູ່ໃນແຕ່ລະທ້ອງ ຖິ່ນໃຫ້ປະກົດຜົນເປັນຈິງ.

ເຂົ້າຮ່ວມກອງປະຊຸມຄັ້ງນີ້, ມີບັນດາທ່ານຄະນະພັກ-ຄະນະປະຈຳ ສນຊ, ຫົວໜ້າກົມ, ຮອງຫົວໜາກົມ, ຮອງປະທານແນວ ລາວສ້າງຊາດ ບັນດາແຂວງ-ນະຄອນຫຼວງ ຜູ້ຊີ້ນຳວຽກງານໂຄສະນາ, ຫົວໜ້າຫ້ອງການ ແລະ ວິຊາການຂະແໜງໂຄສະນາ ພ້ອມດ້ວຍພະນັກງານສູນກາງແນວລາວສ້າງຊາດ ຈຳນວນໜຶ່ງ ຢູ່ທີ່ສູນຝຶກອົບຮົມ ຊຶ່ງດຳເນີນເປັນເວລາ 3 ວັນ (24-26 ກໍລະກົດ 2017) ແລະ ໄດ້ປິດລົງຜົນສໍາເລັດອັນຈົບງາມ.

info@lfnd.org.la | 021 213754 | (856-21) 453191