ສູນກາງແນວລາວສ້າງຊາດ

Lao Front For National Development

ກອງປະຊຸມສະຫຼຸບຖອດຖອນບົດຮຽນວຽກງານອາຫານທ່ຽງໃນໂຮງຮຽນ

ກອງປະຊຸມສະຫຼຸບຖອດຖອນບົດຮຽນ ວຽກງານອາຫານທ່ຽງໃນໂຮງຮຽນ ຂອງ 3 ແຂວງພາກເໜືອຄື: ແຂວງອຸດົມໄຊ, ແຂວງຫຼວງພະບາງ, ແຂວງຫຼວງນໍ້າທາ ໄດ້ຈັດຂື້ນໃນວັນທີ 17 ກຸມພາ 2021 ນີ້ ທີ່ແຂວງອຸດົມ;  ໂດຍການເປັນປະທານ ຂອງທ່ານ ວັນດີ ຈັນສົມບັດ ຮອງຫົວໜ້າກົມຊົນເຜົ່າສູນກາງແນວລາວສ້າງຊາດ ຄະນະຮັບຜິດຊອບໂຄງການອາຫານທ່ຽງໃນໂຮງຮຽນ, ມີທ່ານ ນາງ ຈັນທະຈອນ ດວງສຸກ ຮອງປະທານແນວລາວສ້າງຊາດແຂວງອຸດົມໄຊ, ມີຮອງປະທານແນວລາວສ້າງຊາດແຂວງຫຼວງນໍ້າທາ ແລະ ແຂວງຫຼວງພະບາງ, ມີຕາງໜ້າຈາກອົງການອາຫານໂລກ ແລະ ພະນັກງານທີ່ຮັບຜິດຊອບວຽກງານໂຄງການອາຫານທ່ຽງໃນໂຮງຮຽນ ເຂົ້າຮ່ວມ.

ໃນກອງປະຊຸມ, ໄດ້ຮັບຟັງການຜ່ານບົດສະຫຼຸບການຈັດຕັ້ງປະຕິບັດວຽກງານອາຫານທ່ຽງໃນໂຮງຮຽນໃນໄລຍະຜ່ານມາ ພ້ອມທັງແລກປ່ຽນບົດຮຽນດ້ານດີ, ຂໍ້ຄົງຄ້າງ ເພື່ອເປັນບົດຮຽນໃນການຈັດຕັ້ງປະຕິບັດວຽກງານດັ່ງກ່າວ ໃຫ້ໄດ້ຮັບຜົນດີໃນຕໍ່ໜ້າ. ພ້ອມກັນນີ້, ທ່ານ ວັນດີ ຈັນສົມບັດ ໄດ້ສະແດງຄວາມຍ້ອງຍໍຊົມເຊີຍຕໍ່ການຈັດຕັ້ງປະຕິບັດວຽກງານອາຫານທ່ຽງໃນໂຮງຮຽນຂອງ 3 ແຂວງ ແລະ ບັນດາເມືອງ ພ້ອມທັງໄດ້ເນັ້ນຕື່ມວ່າ: ໃຫ້ສຶບຕໍ່ຕິດຕາມ, ຊຸກຍູ້ ແລະ ປຸກລະດົມຊຸມຊົນ ເປັນເຈົ້າການປະກອບສ່ວນເຂົ້າໃນການປະຕິບັດວຽກງານ ຂອງໂຄງການອາຫານທ່ຽງໃນໂຮງຮຽນ ໃຫ້ມີຄວາມຍືນຍົງຕະຫຼອດໄປ,

ໂອກາດນີ້, ແນວລາວສ້າງຊາດແຂວງອຸດົມໄຊ ພ້ອມດ້ວຍທີມງານຈາກສູນກາງແນວລາວສ້າງຊາດ ລົງຕິດຕາມ ແລະ ຊຸກຍູ້ວຽກງານດັ່ງກ່າວ ຢູ່ໂຮງຮຽນບ້ານນໍ້າບໍຕາໄກ່ ແລະ ຢູ່ໂຮງຮຽນບ້ານກູລົງ ເມືອງນາໝໍ້ ແຂວງອຸດົມໄຊ ຕື່ມອີກ.

info@lfnd.org.la | 021 213754 | (856-21) 453191