ສູນກາງແນວລາວສ້າງຊາດ

Lao Front For National Development

ກອງປະຊຸມສາມັນຄົບຄະນະກຳມະການແນວ ເມືອງໄຊສະຖານ ຄັ້ງທີ 2 ສະໄໝທີ II

ໃນຕອນເຊົ້າຂອງວັນທີ 7 ຕຸລາ 2020 ແນວລາວສ້າງຊາດ ເມືອງໄຊສະຖານ ແຂວງໄຊຍະບູລີ ໄດ້ຈັດກອງປະຊຸມສາມັນຄົບຄະນະກຳມະການແນວເມືອງ ຄັ້ງທີ 2 ສະໄໝ II ຂື້ນຢ່າງເປັນທາງການ ພາຍໃຕ້ການເປັນປະທານ ຂອງທ່ານ ປ່ວນ ແພງວິໄລ ກຳມະການແນວລາວສາ້ງຊາດແຂວງ, ຮອງເລຂາພັກເມືອງ, ປະທານແນວລາວສ້າງຊາດເມືອງໄຊສະຖານ;  ເປັນກຽດເຂົ້າຮ່ວມຂອງທ່ານ ກອງສີ ວົງສີ ກຳມະການພັກແຂວງ, ເລາຂາພັກເມືອງ, ເຈົ້າເມືອງໆໄຊສະຖານ ແລະ ທ່ານ ນ ສົມຈັນ ບຸດດີ ຮອງປະທານແນວລາວສ້າງຊາດແຂວງ; ມີບັນດາທ່ານຄະນະປະຈຳພັກເມືອງ, ຫົວໜ້າຫ້ອງການ-ຮອງຫົວໜ້າຫ້ອງການອ້ອມຂ້າງເມືອງ ແລະ ຄະນະກຳມະການແນວເມືອງ ເຂົ້າຮ່ວມ.

ກອງປະຊຸມໄດ້ຮັບຟັງການຜ່ານບົດສະຫຼູບຕີລາຄີການຈັດຕັ້ງປະຕິບັດວຽກງານໃນໄລຍະ 1 ປີຜ່ານມາ ແລະ ທິດທາງແຜນການໃນຕໍ່ໜ້າ. ກອງປະຊຸມ ໄດ້ລົງປະຊາມະຕິແຕ່ງຕັ້ງ ຄະນະກຳມະການແນວລາວສ້າງຊາດເມືອງ ເພີ່ມຈຳນວນໜຶ່ງ ແລະ ຮັບຮອງ ທ່ານ ດຣ ສົມສະນິດ ວົງສີ ຄະນະປະຈຳພັກເມືອງ ເປັນປະທານແນວລາວສ້າງຊາດເມືອງຜູ້ໃໝ່ ປ່ຽນແທນຜູ້ເກົ່າທີ່ໄດ້ພັກຜ່ອນບຳນານ.

info@lfnd.org.la | 021 213754 | (856-21) 453191