ກອງປະຊຸມສາມັນຄົບຄະນະກຳມະການສູນກາງແນວລາວສ້າງຊາດຄັ້ງທີ 5 ສະໄໝທີ X ໄດ້ຈັດຂຶ້ນທີ່ຫໍປະຊຸມແຫ່ງຊາດ ໃນລະຫວ່າງວັນທີ 11-12 ສິງຫາຜ່ານມານີ້ ໂດຍໃຫ້ກຽດເຂົ້າຮ່ວມເປັນປະທານຂອງ ສະຫາຍ ໄຊສົມພອນ ພົມວິຫານ ກຳ ມະການກົມການເມືອງສູນກາງພັກ ປະທານສູນກາງແນວລາວສ້າງຊາດ, ມີພະເຖລານຸເຖລະ ພ້ອມດ້ວຍບັນດາສະຫາຍຮອງປະທານກຳມະການສູນກາງແນວລາວສ້າງຊາດ, ປະທານແນວລາວສ້າງຊາດແຂວງ, ນະຄອນຫຼວງ ແລະ ແຂກຖືກເຊີນເຂົ້າຮ່ວມ.
ສະຫາຍ ຄຳໃບ ດຳລັດ ກຳມະການສູນກາງພັກ ຮອງປະທານສູນກາງແນວລາວສ້າງຊາດ ໄດ້ຜ່ານຮ່າງບົດລາຍງານການ ເຄື່ອນໄຫວຂອງຄະນະກຳມະການສູນກາງແນວລາວສ້າງຊາດປີ 2019-2020 ແລະ ທິດທາງແຜນການ ປີ 2020-2021 ຊຶ່ງໄດ້ຍົກໃຫ້ເຫັນຜົນງານອັນພົ້ນເດັ່ນໃນຫຼາຍດ້ານ ໃນການເຄື່ອນໄຫວວຽກງານຂອງຄະນະກຳມະການສູນກາງແນວລາວສ້າງຊາດ ໃນປີ 2019 ໄດ້ລົງຊຸກຍູ້ວຽກງານແນວລາວສ້າງຊາດ, ວຽກງານສາສະໜາ, ວຽກງານຊົນເຜົ່າ, ວຽກງານຊັ້ນຄົນ-ອົງການຈັດຕັ້ງສັງຄົມ, ວຽກງານການຈັດຕັ້ງພະນັກງານ, ວຽກງານກວດກາ, ວຽກງານໂຄສະນາ, ວຽກງານສູນຝຶກອົບຮົມ ແລະ ວຽກງານຄະນະທີ່ປືກສາຢູ່ຂັ້ນທ້ອງຖີ່ນຮາກຖານ, ໄດ້ສົມທົບກັບແນວລາວສ້າງຊາດນະຄອນຫຼວງ ແລະ ບັນດາແຂວງທົ່ວປະເທດ ເກັບກຳຂໍ້ມູນ ວັດ, ໂບດ, ພະສົງ ໃນທົ່ວປະເທດ, ແນວລາວສ້າງຊາດບັນດາແຂວງ ແລະ ນະຄອນຫຼວງຈຳນວນໜຶ່ງໄດ້ສຳເລັດການດຳເນີນກອງປະຊຸມສາມັນຄົບຄະນະສາມັນຄົບຄະນະກຳມະການແນວລາວສ້າງຊາດໃນຂັ້ນຂອງຕົນ ເພື່ອແນໃສ່ສ້າງຄວາມເຂັ້ມ ແຂງຕໍ່ວຽກງານແນວລາວສ້າງຊາດໃນໄລຍະໃໝ່. ໃນວຽກງານເສີມຂະຫຍາຍສິດເປັນເຈົ້າຂອງປະຊາຊົນປົກປັກຮີດຄອງປະເພ ນີອັນດີງາມຂອງຊາດ ແລະ ເອກະລັກຂອງແຕ່ລະຊົນເຜົ່າໄດ້ຄົ້ນຄວ້າປັບປຸງເອກະສານຝຶກອົບຮົບວິຊາການກວດກາພັກ-ກວດ ກາລັດ ແລະ ວຽກງານກວດກາຂອງແນວລາວສ້າງຊາດ ສຳເລັດການຄົ້ນຄ້ວາອອກຂໍ້ຕົກລົງວ່າດ້ວຍການພົວພັນລະຫວ່າງຄະນະປະຈຳສະພາແຫ່ງຊາດ ກັບຄະນະປະຈຳສູນກາງແນວລາວສ້າງຊາດ; ຂໍ້ກຳນົດວ່າດ້ວຍການຄົ້ນຄວ້າຄຳຮ້ອງ, ຄຳສະເໜີຂອງພົນ ລະເມືອງ ນິຕິບຸກຄົນ, ບຸກຄົນ ແລະ ການຈັດຕັ້ງ, ຮັບຄຳເຫັນ ຄຳສະເໜີຂອງປະຊາຊົນ ແລະ ເອົາໃຈໃສ່ປະສານສົມທົບການໄກ່ເກ່ຍແກ້ໄຂບັນຫາຕ່າງໆຕາມພາລະບົດບາດໜ້າທີ່ຂອງຕົນ. ໃນທິດທາງລວມ ແລະ ຄາດໝາຍສູ້ຊົນ ສ້າງຄວາມເຂັ້ມແຂງໃຫ້ອົງການ ແລະພະນັກງານທີ່ເຮັດວຽກແນວລາວສ້າງຊາດດ້ວຍຮູບການຍົກລະດັບວຽກງານວິຊາສະເພາະໄລຍະສັ້ນ ໄລຍະຍາວ ຢູ່ພາຍໃນ ແລະ ຕ່າງປະເທດນັບທັງສູນກາງ ແລະ ທ້ອງຖິ່ນ. ເສີມຂະຫຍາຍສິດເປັນເຈົ້າຂອງປະຊາຊົນ ແລະ ປົກປັກຮັກສາຮີດຄອງປະເພນີອັນດີງາມຂອງຊາດ ຂອງເຜົ່າ ຫັນລົງຮາກຖານປະຕິບັດບົດບາດຕິດຕາມ-ກວດກາຂອງແນວລາວສ້າງຊາດເພື່ອກຳແໜ້ນແນວຄິດຈິດໃຈ ແລະ ຄວາມມຸ້ງມາດປາຖະໜາຂອງປະຊາຊົນບັນດາເຜົ່າໃນຂອບເຂດທົ່ວປະເທດ.
ໃນກອງປະຊຸມໄດ້ຮັບຟັງການປະກອບຄຳຄິດ ຄຳເຫັນຈາກຕາງໜ້າອົງການຈັດຕັ້ງມະຫາຊົນ ໃນການປຸກລະດົມມະຫາຊົນເຂົ້າຮ່ວມສ້າງຂະ ບວນການຂ່ຳນັບຮັບຕ້ອນວັນສຳຄັນຂອງຊາດ ແລະ ກອງປະຊຸມໃຫຍ່ 3 ຂັ້ນຂອງພັກ. ຕາງໜ້າແນວລາວສ້າງຊາດຈາກແຂວງຕ່າງໆໄດ້ປະກອບຄຳເຫັນໃນຫົວຂໍ້ຕ່າງໆທີ່ພົ້ນເດັ່ນພາຍໃນແຂວງເປັນຕົ້ນ ການຊຸກຍູ້ປະຊາຊົນບັນດາເຜົ່າໃນການປູກຊາຂຽວເປັນສິນຄ້າຂອງແຂວງຜົ້ງສາລີ, ຂະບວນການສ້າງຄອບຄົວຕົວແບບ ແລະ ບ້ານສະມາຄີປອງດອງຕິດພັນກັບການແກ້ໄຂຄວາມທຸກຍາກຂອງປະຊາຊົນບັນດາເຜົ່າຢູ່ແຂວງໄຊສົມບູນ.ຂະບວນການສ້າງຄອບຄົວ ແລະ ບ້ານສາມັກຄີປອງດອງຢູ່ແຂວງເຊກອງ. ການປັບປຸງກົງຈັກການຈັດຕັ້ງຂົງເຂດແນວລາວສ້າງຊາດຢູ່ແຂວງບໍລິຄຳໄຊ.ພ້ອມນີ້ຜູ້ແທນກອງປະຊຸມຍັງໄດ້ປະກອບຄຳເຫັນຕໍ່ບົດສະຫຼຸບ ບົດລາຍງານເພື່ອໃຫ້ຄົບຖ້ວນສົມບູນ.
