ສູນກາງແນວລາວສ້າງຊາດ

Lao Front For National Development

ກອງປະຊຸມສ່ອງແສງໄຕມາດ 03 ຂອງສູນກາງແນວລາວສ້າງຊາດ ແລະ ອົງການຈັດຈັດຕັ້ງມະຫານຊົນ

ວັນທີ 29 ພະຈິກ 2017, ສູນກາງແນວລາວສ້າງຊາດ ແລະ ອົງການຈັດຕັ້ງມະຫາຊົນ ຂັ້ນສູນກາງ ໄດ້ຈັດກອງປະຊຸມສ່ອງແສງໄຕມາດ 03 ຂຶ້ນທີ່ສູນກາງສະຫະພັນແມ່ຍິງ ລາວ (ສສຍລ)

ໂດຍການເປັນປະທານ ຂອງທ່ານ ນ. ດຣ. ອິນລາວັນ ແກ້ວບຸນພັນ ກຳມະການສູນກາງພັກ ປະທານສູນກາງສະຫະພັນແມ່ຍິງລາວ ເປັນກຽດເຂົ້າຮ່ວມມີ ທ່ານ ປອ. ສອນທະນູ ທຳມະວົງ ກຳມະການສູນກາງພັກ ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ, ທ່ານ ນ. ຄຳຈັນ ພົມແສງສະຫວັນ ຮອງປະທານສູນກາງແນວລາວສ້າງຊາດ, ມີຜູ້ຕາງໜ້າ ຈາກ ສູນກາງສະຫະພັນກຳມະບານ, ສະຫະພັນນັກຮົບເກົ່າແຫ່ງຊາດ, ບັນດາທ່ານຮອງປະ ທານ ສສຍລ ເຂົ້າຮ່ວມ.


ໃນກອງປະຊຸມຄັ້ງນີ້, ແຕ່ລະອົງການໄດ້ມີການປະກອບຄຳເຫັນສ່ອງແສງເປັນຫົວຂໍ້ ຂອງແຕ່ລະອົງການ ເຊິ່ງ ສູນກາງແນວລາວສ້າງຊາດ ໄດ້ປະກອບຄຳເຫັນໃນຫົວຂໍ້: “ການປະຢັດມັດທະຍັດຕ້ານການຫຼີ້ນກີນຟູມເຟືອຍໃນຄວາຮັກຜິດຊອບຂອງອົງການຕົນ” ໃນນີ້, ທ່ານ ນ. ຄຳຈັນ ພົມແສງສະຫວັນ ຮອງປະທານ ສນຊ ໄດ້ຍົກໃຫ້ເຫັນຄວາມສຳຄັນ ຂອງການປະຢັດມັດທະຍັດເຊິ່ງເປັນບັນຫາໜຶ່ງທີ່ຕັດສີນການຂະຫຍາຍຕົວທາງດ້ານເສດຖະ ກິດ-ສັງຄົມ ຂອງຊາດ ທີ່ທຸກພາກສ່ວນຕ້ອງໄດ້ເອົາໃຈໃສ່ຢ່າງຕັ້ງໜ້າຈັດຕັ້ງປະຕິບັດດຳລັດ ເລກທີ 78/ລບ ລົງວັນທີ 10 ມີນາ 2015 ວ່າດ້ວຍການປະຢັດມັດທະຍັດ ແລະ ຕ້ານການ ຟູມເຟືອຍ, ຄຳສັ່ງ ເລກທີ 09/ນຍ ລົງວັນທີ 19 ພຶດສະພາ 2017 ວ່າດ້ວຍ ປະຢັດລາຍຈ່າຍ ງົບປະມານ ຂອງລັດ ເພື່ອຈັດຕັ້ງປະຕິບັດດຳລັດຂ້າງເທີງເປັນຈິງ ສູນກາງແນວລາວສ້າງ ຊາດ ໄດ້ຫັນນິຕິກຳດັ່ງກ່າວມາເປັນລະບຽບການຢູ່ພາຍໃນ ຂອງຕົນ, ພ້ອມທັງກຳນົດແບບ ແຜນວິທີການເຮັດວຽກໃຫ້ເເທດເໝາະກັບສະພາບເສດຖະກິດຕົວຈິງ ແລະ ໄດ້ສຶກສາອົບຮົມ ຖັນແຖວສະມາຊິກພັກ, ພະນັກງານ-ລັດຖະກອນ ຂອງ ສນຊ ໃຫ້ເຂົ້າໃຈຢ່າງເລີກເຊິງຕໍ່ຄຳວ່າປະຢັດ ເພື່ອເຮັດໃຫ້ລາຍຈ່າຍສ່ວນຕົວກໍ່ຄືສ່ວນລວມຖືກຕາມເປົ້າໝາຍໃຫ້ເກີດປະໂຫຍດສູງສຸດ ແລະ ມີປະສິດພາບ-ປະສິດທິຜົນສູງຂຶ້ນເປັນກ້າວໆ.

ຫຼັງຈາກນັ້ນ, ບັນດາທ່ານຜູ້ເຂົ້າຮ່ວມກໍ່ໄດ້ປະກອບຄຳຄິດຄຳເຫັນຢ່າງກົງໄປກົງມາ ເພຶ່ອເຮັດໃຫ້ການຈັດຕັ້ງປະຕິບັດບັນດານິຕິກຳຕ່າງໆຂອງຂັ້ນເທິງໃຫ້ໄດ້ຮັບຜົນດີຕາມລະດັບຄາດໝາຍທີ່ວາງໄວ້.

info@lfnd.org.la | 021 213754 | (856-21) 453191