ສູນກາງແນວລາວສ້າງຊາດ

Lao Front For National Development

ກອງປະຊຸມເຊື່ອມຊຶມນິຕິກໍາ ແລະ ສ້າງຄວາມເຂັ້ມແຂງໃຫ້ແນວລາວສ້າງຊາດຂັ້ນເມືອງ

ໃນວັນທີ 6-8 ກໍລະກົດ 2021 ນີ້ ແນວລາວສ້າງຊາດແຂວງຫົວພັນ ໄດ້ຈັດກອງປະຊຸມເຊື່ອມຊຶມນິຕິກໍາ ແລະ ແນະນໍາວຽກງານຮອບດ້ານໃຫ້ແກ່ພະນັກງານແນວລາວສ້າງຊາດຂັ້ນເມືອງ 6 ເມືອງຄື: ເມືອງສົບເບົາ, ເມືອງຊຽງຄໍ້, ເມືອງແອດ, ເມືອງວຽງໄຊ, ເມືອງຊໍາໃຕ້ ແລະ ເມືອງກວັນ ໂດຍການເປັນປະທານຂອງທ່ານ ຊຽງພູວຽງ ອິນທະວົງທໍາ ແລະ ທ່ານ ວີເຕັ່ງ ຈື່ໄມເຕັ່ງ ຮອງປະທານແນວລາວສ້າງຊາດແຂວງ ແລະ ເປັນກຽດເຂົ້າຮ່ວມຂອງບັນດາທ່ານປະທານແນວລາວສ້າງຊາດແຕ່ລະເມືອງ, ກຳມະການແນວລາວສ້າງຊາດແຂວງ, ກຳມະການແນວລາວສ້າງຊາດເມືອງ ທີ່ຢູ່ອ້ອມຂ້າງເທດສະບານເມືອງ ຕະຫຼອດຮອດພະນັກງານ-ລັດຖະກອນແນວລາວສ້າງຊາດເມືອງເຂົ້າຮ່ວມ.

ກອງປະຊຸມຄັ້ງນີ້ ເພື່ອເປັນການຍົກລະດັບຄວາມຮູ້-ຄວາມສາມາດ ແລະ ສ້າງຄວາມເຂັ້ມແຂງດ້ານວິຊາການ ໃຫ້ແກ່ພະນັກງານແນວລາວສ້າງຊາດຂັ້ນເມືອງ ທັງເປັນການປັບປຸງແບບແຜນວິທີເຮັດວຽກ ຢູ່ແນວລາວສ້າງຊາດຂັ້ນເມືອງ ໃຫ້ມີຄວາມເຂັ້ມແຂງ ໂດຍສະເພາະແມ່ນ: ການບໍລິຫານຫ້ອງການ, ການຮ່າງ ແລະ ສໍາເນົາເອກະສານທາງການ, ການກໍານົດບັນຈຸຊັບຊ້ອນພະນັກງານໃສ່ແຕ່ລະຕໍາແໜ່ງງານ ຕາມໂຄງປະກອບຂອງກົງຈັກການຈັດຕັ້ງ, ວິທີການໃນການເຮັດວຽກໂຄສະນາ-ຂະບວນການ, ການເກັບກໍາຂໍ້ມູນຂ່າວສານໃນການຂຽນບົດ, ຂຽນຂ່າວ, ແບບແຜນວິທີການເຄື່ອນໄຫວວຽກງານສາສະໜາ, ຊົນເຜົ່າ, ຊັ້ນຄົນ-ອົງການຈັດຕັ້ງສັງຄົມ ແລະ ວຽກງານກວດກາຂອງແນວລາວສ້າງຊາດແຕ່ລະຂັ້ນ ພ້ອມດຽວກັນນີ້ກໍ່ຍັງເປັນການແລກປ່ຽນ ແລະ ຖອດຖອນບົດຮຽນວຽກງານຕ່າງໆ ຂອງແນວລາວສ້າງຊາດຂັ້ນແຂວງ ແລະ ເມືອງ ແນໃສ່ຍົກລະດັບດ້ານວິຊາສະເພາະຂອງແນວລາວສ້າງຊາດແຕ່ລະຂັ້ນໃຫ້ມີປະສິດທິພາບສູງຂື້ນ.

 

info@lfnd.org.la | 021 213754 | (856-21) 453191