ໃນວັນທີ 10 ມີນາ 2020 ນີ້, ອົງການແນວລາວສ້າງຊາດແຂວງວຽງຈັນ ພ້ອມດ້ວຍອົງການຈັດຕັ້ງມະຫາຊົນຂັ້ນແຂວງ ໄດ້ຈັດພິທີເຊື່ອມຊຶມເອກະສານປັບປຸງປົວແປງພັກ ເພື່ອກະກຽມກອງປະຊຸມໃຫຍ່ ໜ່ວຍພັກອົງການແນວລາວສ້າງຊາດ ແລະ ອົງການຈັດຕັ້ງມະຫາຊົນຂັ້ນແຂວງ ໂດຍການເປັນປະທານຂອງ ທ່ານ ທອງສະຫວັນ ວົງສຳພັນ ຄະນະປະຈຳພັກແຂວງ ປະທານແນວລາວສ້າງຊາດແຂວງວຽງຈັນ ທັງເປັນຜູ້ຊີ້ນຳອົງການຈັດຕັ້ງມາຫາຊົນ, ເຂົ້າຮ່ວມມີບັນດາກຳມະການພັກແຂວງ, ຄະນະຮັບຜິດຊອບຂັ້ນແຂວງ ເລຂາ, ຮອງເລຂາໜ່ວຍພັກ, ພ້ອມດ້ວຍສະມາຊິກພັກ-ພະນັກງານ ພາຍໃນອົງການແນວລາວສ້າງຊາດ ແລະ ອົງການຈັດຕັ້ງມາຫາຊົນ ເຂົ້າຮ່ວມຢ່າງພ້ອມພຽງ.

ໃຫ້ກຽດເຜີຍແຜ່ເອກະສານ ໂດຍທ່ານ ປະທານແນວລາວສ້າງຊາດແຂວງວຽງຈັນ ມີ 3 ເອກະສານຄື: ເອກະສານເສີມຂະຫຍາຍມູນເຊື້ອ ແລະ ຄວາມສາມັກຄີ ເປັນເອກະພາບພາຍໃນພັກ, ຍົກສູງຄວາມສາມາດນຳພາ ແລະ ຄວາມເປັນແບບຢ່າງນຳໜ້າຂອງພັກ ແລະ ຕັ້ງໜ້າຝຶກຝົນຫຼໍ່່ຫຼອມ ຄຸນທາດການເມືອງ ແລະ ຄຸນສົມບັດສິນທຳປະຕິວັດ ເຊິ່ງທ່ານໄດ້ຊີ້ແຈງລົງເລິກເຖິງຄວາມໝາຍຄວາມສຳຄັນຂອງແຕ່ລະເອກະສານ ພ້ອມທັງເນັ້ນໜັກວຽກງານສຶກສາອົບຮົມການເມືອງແນວຄິດໃຫ້ແກ່ສະມາຊິກພັກ-ພະນັກງານ ກຳແໜ້ນໄດ້ຄຸນທາດການເມືອງ ເພື່ອກະກຽມກອງປະຊຸມໃຫຍ່ 3 ຂັ້ນ ເວົ້າລວມ, ເວົ້າສະເພາະ ກໍ່ຄືກອງປະຊຸມໃຫຍ່ໜ່ວຍພັກ ອົງການແນວລາວສ້າງຊາດ ແລະ ອົງການຈັດຕັ້ງມະຫາຊົນ.