ສູນກາງແນວລາວສ້າງຊາດ

Lao Front For National Development

ກອງປະຊຸມແລກປ່ຽນບົດຮຽນວຽກງານຂົນຂວາຍປະຊາຊົນ

 

 

ຄະນະກໍາມະການສູນກາງແນວລາວສ້າງຊາດ (ສນຊ) ຮ່ວມກັບຄະນະຂົນຂວາຍປະຊາຊົນ ສູນກາງພັກກອມມູນິດຫວຽດ ນາມ ໄດ້ຈັດກອງປະຊຸມແລກປ່ຽນບົດຮຽນວຽກງານຂົນຂວາຍປະຊາຊົນຂຶ້ນໃນລະຫວ່າງວັນທີ 11-14 ທັນວາ ນີ້ ທີ່ ສນຊ (ສປປ ລາວ) ໂດຍການເປັນປະທານຮ່ວມຂອງທ່ານນາງ ອິນລາວັນ ແກ້ວບຸນພັນ ກຳມະການສູນກາງພັກ ຮອງປະທານ ສນຊ ແລະ ທ່ານ ຈ໋ຽວ ຕ໋າຍ ວິງ ຮອງຫົວໜ້າຄະນະຂົນຂວາຍປະຊາຊົນສູນກາງພັກກອມມູນິດ ສສ ຫວຽດນາມ ພ້ອມດ້ວຍພາກສ່ວນກ່ຽວຂ້ອງສອງຝ່າຍເຂົ້າຮ່ວມ.

ທ່ານ ນາງ ອິນລາວັນ ແກ້ວບຸນພັນ ກ່າວວ່າ: ກອງປະຊຸມໃນຄັ້ງນີ້ຖືເປັນວຽກໜຶ່ງທີ່ສໍາຄັນຂອງພັກໃນການເຮັດວຽກງານການເມືອງແນວຄິດໃຫ້ສະມາຊິກພັກ-ພະນັກງານ ແລະ ປະຊາຊົນລາວບັນດາເຜົ່າ ທັງພາຍໃນ ແລະ ພີ່ນ້ອງຄົນເຊື້ອຊາດລາວຢູ່ຕ່າງປະເທດ, ພາລະບົດບາດ ແລະ ໜ້າທີ່ຂອງອົງການ ມີຂອບເຂດກວ້າງຂວາງ ມີການພົວພັນກັບບັນດາອົງການຈັດຕັ້ງຕ່າງໆທັງພາກລັດ ແລະ ສັງຄົມ, ທັງອົງການຈັດຕັ້ງສາກົນພາຍໃນ ແລະ ຕ່ງປະເທດ ຮ່ວມມືກັບບັນດາປະເທດຕ່າງໆໃນປະຊາຄົມໂລກ. ເວົ້າລວມ, ເວົ້າສະເພາະກັບ ສສ ຫວຽດນາມມີ  4  ຄະນະ, ລະດັບສູນກາງພັກກອມມູນິດຫວຽດນາມເປັນຕົ້ນ ວຽກງານແນວໂຮມ, ວຽກງານຊົນເຜົ່າ, ວຽກງານສາສະໜາ ແລະ ວຽກງານຂົນຂວາຍປະຊາຊົນໃນການແລກປ່ຽນບົດຮຽນກ່ຽວກັບວຽກງານຂົນຂວາຍປະຊາຊົນ ທີ່ທາງວິທະຍາກອນຜູ້ທີ່ມີຄວາມຊ່ຽວຊານຈາກຄະນະຂົນຂວາຍປະຊາຊົນ ສູນກາງພັກກອມມູນິດຫວຽດນາມໄດ້ນໍາມາແລກປ່ຽນຄັ້ງນີ້ປະກອບມີ 5 ຫົວຂໍ້ຄື:  ວຽກງານຂົນຂວາຍປະຊາຊົນໃນສະພາບການໃໝ່; ວຽກງານປຸກລະດົມປະຊາຊົນຊົນເຜົ່າສ່ວນໜ້ອຍ; ຂົນຂວາຍປະຊາຊົນໃນການຄຸ້ມຄອງສາສະໜາ; ຂະບວນການແຂ່ງຂັນຂົນຂວາຍປະຊາຊົນຄ່ອງແຄ້ວ ແລະ ຂົນຂວາຍປະຊາຊົນໃນການສ້າງຊົນນະບົດໃໝ່.ຊຶ່ງບົດຮຽນດັ່ງກ່າວຈະເຮັດໃຫ້ຜູ້ເຂົ້າຮ່ວມຮັບຮູ້ ແລະ ເຂົ້າໃຈ ເພື່ອນຳມາໝູນໃຊ້ເຂົ້າໃນວຽກງານໃຫ້ສອດຄ່ອງ ແລະ ເໝາະສົມ ປະກອບສ່ວນເຂົ້າໃນການປະຕິບັດໜ້າທີ່ການເມືອງໃນໄລຍະໃໝ່ໂດຍສະເພາະປະກອບສ່ວນປຸກລະດົມຂົນຂວາຍປະຊາຊົນຊັ້ນຄົນຕ່າງໆ ເຂົ້າຮ່ວມຂະບວນການແຂ່ງຂັນຮັກຊາດ ແລະພັດທະນາ ຕິດພັນກັບການປະຕິບັດ 2 ວາລະແຫ່ງຊາດ, ຂະບວນການຕ່າງໆເຊັ່ນ: ສ້າງເມືອງ, ບ້ານ ແລະຄອບຄົວສາມັກຄີປອງດອງ, “ຮັກບ້ານເກີດ, ພັດທະນາຊົນນະບົດໃໝ່ ແລະ ບ້ານພັດທະນາຢູ່ໃນບ້ານຂອງຕົນ, ຄົນລາວຜະລິດ-ຊື້ສິນຄ້າລາວ, ຕ້ານຢາເສບຕິດ, ພົນລະເມືອງດີ, ນັກທຸລະກິດດີເດັ່ນ ແລະ 4 ເສີມສ້າງ.

 

info@lfnd.org.la | 021 213754 | (856-21) 453191