ສູນກາງແນວລາວສ້າງຊາດ

Lao Front For National Development

ກອງປະຊຸມແລກປ່ຽນບົດຮຽນວຽກງານຊັ້ນຄົນ-ການຈັດຕັ້ງສັງຄົມ

ກົມຊັ້ນຄົນ-ການຈັດຕັ້ງທາງສັງຄົມ ສູນກາງແນວລາວສ້າງຊາດ ຈັດກອງປະຊຸມແລກປ່ຽນບົດຮຽນວຽກງານຊັ້ນຄົນ-ການຈັດຕັ້ງທາງສັງ ຄົມ ທີ່ຫ້ອງປະຊຸມສູນກາງແນວລາວສ້າງຊາດ, ວັນທີ 28 ກຸມພາ 2017.

​ໃຫ້​ກຽດເປັນປະທານຂອງ ທ່ານ ຮສ.ດຣ ສົມອົກ ກິ່ງສະດາ ຮອງປະທານສູນກາງແນວລາວສ້າງຊາດ, ມີຫົວໜ້າກົມ, ຮອງຫົວໜ້າກົມສູນກາງແນວລາວlສ້າງຊາດ, ປະທານ, ຮອງປະທານແນວລາວສ້າງຊາດນະຄອນຫຼວງວຽງຈັນ, ປະທານ, ຮອງປະທານແນວລາວສ້າງຊາດ 9 ຕົວເມືອງໃນນະຄອນຫຼວງວຽງຈັນ ພ້ອມດ້ວຍພະນັກງານລັດຖະກອນທີ່ກ່ຽວຂ້ອງເຂົ້າ ຮ່ວມ.

ກອງປະຊຸມຄັ້ງນີ້, ໄດ້ຮັບຟັງບົດສະຫຼຸບວຽກງານການເຄື່ອນໄຫວ 1 ປີຜ່ານມາ 2015-2016 ແລະ ແຜນການການ ເຄື່ອນໄຫວ ປີ 2017 ຂອງກົມຊັ້ນຄົນ-ການຈັດຕັ້ງທາງສັງຄົມ, ຄຳແນະນຳຂອງສູນກາງແນວລາວສ້າງຊາດ ແລະ ກະຊວງ ພາຍໃນກ່ຽວກັບການແບ່ງຄວາມຮັບຜິດຊອບວຽກງານຊົນເຜົ່າ, ສາສະໜາ ແລະ ການຈັດຕັ້ງທາງສັງຄົມ, ສະຫຼຸບລາຍ ງານສະພາບການເຄື່ອນໄຫວວຽກງານການຈັດຕັ້ງທາງສັງຄົມ ໃນຂອບເຂດຄວາມຮັບຜິດຊອບຂອງຕົນໃຫ້ພາກສ່ວນກ່ຽວ ຂ້ອງຕາມລະບຽບຫຼັກການ;​ ດຳລັດ 115/ນຍ ວ່າດ້ວຍສະມາຄົມ; ດໍາລັດ 149/ນຍ ວ່າດ້ວຍມູນນິທິ ເພື່ອຄຸ້ມຄອງບັນດາ ມູນນິທິ ແລະ ສະມາຄົມຕ່າງໆ; ພ້ອມກັນນັ້ນ ຍັງໄດ້ຮັບຟັງການລາຍງານສະພາບການຈັດຕັ້ງປະຕິບັດວຽກງານຊັ້ນ ຄົນ-ການຈັດຕັ້ງທາງສັງຄົມຂອງແນວລາວສ້າງຊາດນະຄອນຫຼວງວຽງຈັນ ແລະ ແນວລາວສ້າງຊາດ 9 ຕົວເມືອງ ທົ່ວນະ ຄອນຫຼວງວຽງຈັນຕື່ມອິກ.

ໃນໂອກາດນີ້, ທ່ານ ຮສ.ດຣ ສົມອົກ ກິ່ງສະດາ ຮອງປະທານສູນກາງແນວລາວສ້າງຊາດ ໄດ້ໂອ້ລົມຕໍ່ກອງປະຊຸມ ເຊິ່ງມີ ບາງຕອນທ່ານໄດ້ເນັ້ນໃຫ້ແນວລາວສ້າງຊາດເມືອງ ແລະ ແນວລາວສ້າງຊາດນະຄອນຫຼວງວຽງຈັນກວດກາ ແລະ ເກັບກຳ ຂໍ້ມູນການເຄື່ອນໄຫວຂອງບັນດາມູນນິທິ, ສະມາຄົມ, ສາສະໜາ, ຊົນເຜົ່າ ແລະ ອື່ນໆ ໃຫ້ລະອຽດໃນຂົງເຂດຄວາມຮັບ ຜິດຊອບຂອງຕົນ, ຖ້າອັນໃດຜິດກັບແນວທາງນະໂຍບາຍຂອງພັກ-ກົດໝາຍຂອງລັດ ໃຫ້ລາຍງານຕໍ່ຂັ້ນເທິງໂດຍໄວ ເພື່ອ ໃຫ້ແກ້ໄຂໄດ້ທັນເວລາ.

info@lfnd.org.la | 021 213754 | (856-21) 453191