ສູນກາງແນວລາວສ້າງຊາດ

Lao Front For National Development

ກອງປະຊຸມໃຫຍ່ຜູ້ແທນ ພຣະສົງທົ່ວແຂວງສາລະ​ວັນ ສະໄໝທີ VIII

ອົງການພຸດທະສາສະໜາສໍາພັນລາວ ແຂວງສາລະວັນ ໄດ້ເປີດກອງປະຊຸມໃຫ່ຍຜູ້ແທນພຣະສົງທົ່ວແຂວງ ສະໄໜ VIII ຂອງຕົນຢ່າງເປັນທາງການ ໃນຕອນ​ເຊົ້າ ວັນທີ 9 ກຸມພາ 2021 ນີ້ ຢູ່ທີ່ສະໂມສອນໃຫຍ່ຂອງແຂວງໂດຍພາຍໄຕ້ການເປັນປະທານຂອງ ພຣະຫລັກຄໍາສາລະວັນ ຍາທ່ານໃຫຍ່ ສອນໄຊ ແກ້ວເມືອງໄຕ້ ກໍາມະການສູນກາງອົງການພຸດທະ ສາສະໜາ ສຳພັນ ແຫ່ງ ສ ປ ປ ລາວ, ເຈົ້າຄະນະແຂວງສາລະວັນ, ໂດຍໃຫ້ກຽດເຂົ້າຮ່ວມຂອງ ພຣະຍອດທຳພັດທະຣະເກສີ ປ.ອ ດຳຣົງ ພີມມະຈັກ ຄະນະບໍລິຫານງານປະຈໍາການ, ຫົວໜ້າຫ້ອງການບໍລິຫານງານ ສູນກາງອົງການ ອ ພ ສ ແລະ ຫົວໜ້າກຳມະທິການ ການຕ່າງປະເທດ ສູນກາງອົງການພຸດທະ ສາສະໜາ ສໍາພັນແຫ່ງ ສປປ ລາວ, ທ່ານ ປ.ອ ໂພໄຊ ໄຊຍະສອນ ກໍາມະການສູນກາງພັກ ເລຂາພັກແຂວງ ເຈົ້າແຂວງໆສາລະວັນ ມີພຣະເຖລະນຸເຖລາຈາກ ອພສ ສູນກາງ, ເຈົ້າຄະນະແຂວງ ແຂວງສະຫວັນນາເຂດ, ຈຳປາສັກ, ເຊກອງ, ແຂວງອັດຕະປື  ແລະ ແຂກຖືກເຊີນອ້ອມຂ້າງແຂວງ, ເມືອງ ຕະຫຼອດຮອດອົງການປົກຄອງບ້ານ ເຂົ້າຮ່ວມ.

ໃນບັ້ນດຳເນີນກອງປະຊຸມໃຫຍ່ ພຣະສົງທົ່ວແຂວງ ຄັ້ງນີ້ ພຣະຫລັກຄຳສາລະວັນ ຍາທ່ານໃຫຍ່ສອນໄຊ ແກ້ວເມືອງໄຕ້ ກໍ່ໄດ້ຂື້ນກ່າວໄຂກອງປະຊຸມ​ໃຫຍ່ ຢ່າງເປັນທາງການ ໂດຍ ພຣະອາຈານໄດ້ກ່າວວ່າ: ໃນບັ້ນດຳເນີນກອງປະຊຸມໃຫຍ່ຜູ້ແທນພຣະສົງທົ່ວແຂວງສາລະວັນ ສະໄໜທີ VIII ໃນຄັ້ງນີ້ ແມ່ນສຸດທີ່ມີຄວາມໜາຍສຳຄັນ ເພື່ອເປັນການຄົ້ນຄວ້າ ປຶກສາຫາລື ປະກອບຄຳຄິດຄຳເຫັນ ແລະ ສະຫລຸບຕີລາຄາຄືນ ດ້ານດີ-ດ້ານອອ່ນ, ຂໍ້ຄົງຄ້າງ ແລະ ຜົນງານທີ່ຍາດມາໄດ້ ໃນການຈັດຕັ້ງ ຜັນຂະຫຍາຍ ແນວທາງນະໂຍບາຍ ຂອງພັກ ຕໍ່ກັບວຽກງານ ອົງການ ພຣະພຸດທະສາສະໜາສຳພັນລາວ ກໍ່ຄືມະຕິກອງປະຊຸມໃຫ່ຍຄັ້ງທີ VII ຂອງຄະນະ ອພສ ແຂວງສາລະວັນ, ​ໃນ​ກອງ​ປະຊຸມ​ໃຫຍ່​ຄັ້ງ​ນີ້ ​ພຣະອາຈານໃຫຍ່ ຄຳ​ພາ ດ່ານ​ປັນຍາ ​ຂື້ນ​ຜ່ານບົດລາຍງານ ການເຄື່ອນໄຫວວຽກງານຮອບດ້ານຂອງ ຄະນະ ອພສ ແຂວງໃນ 5 ປີຜ່ານມາ ແລະ ກຳນົດທິດທາງແຜນການສືບຕໍ່ໃນ 5 ປີຕໍ່ໜ້າ, ຕະຫຼອດ​ໄລຍະ 5 ປີຜ່ານມາອົງການ​ພຸດທະ​ສາສະໜາສຳພັນ​ລາວ ​ແຂວງ​ສາລະ​ວັນ ກໍ່​ໄດ້​ເອົາ​ໃຈ​ໃສ່​ປຸກລະດົມ​ຂົນຂວາຍ ປະຊາຊົນ​ບັນດາ​ເຜົ່າ ດ້ວຍ​ການ​ເທດ​ສະໜາ ຫຼັກ​ທຳ​ສອນ, ຮີດຄອງ​ປະ​ເພນີ ​ແລະ ລະບຽບ​ກົດໝາຍ​ບ້ານ​ເມືອງ ​ໃຫ້​ກັບ​ສາສະນິກະຊົນ ​ໃຫ້​ມີ​ຄວາມ​ສາມັກຄີ​ປອງ, ພ້ອມ​ກັນ​ນັ້ນ ຄະນະ ອພສ ​ແຂວງ​ສາລະ​ວັນ ​ໄດ້​ເຄື່ອນ​ໄຫວ​ວຽກ​ງານ​ຂອງ​ຕົນ ​ຢ່າງ​ຕັ້ງໜ້າ ​ໂດຍ​ເອົາ​ໃຈ​ໃສ່​ປັບປຸງ​ລະບົບ​ບໍລິຫານ, ການ​ຄຸ້ມ​ຄອງ​ສົງ, ​ໃນທົ່ວແຂວງສາລະວັນ ມີວັດທັງໜົດ 380 ວັດ, ມີພຣະສົງ-ສໍາມະເນນ 1,187 ກວ່າອົງ, ມີໂຮງຮຽນສົງ 5 ແຫ່ງ, 5 ປີຜ່ານມາ ອົງການພຸດທະ ສາສະໜາ ສຳພັນລາວແຂວງສາລະວັນ ໄດ້ສົມທົບກັບອົງການຈັດຕັ້ງ ພັກ-ລັດ ແລະ ພາກສ່ວນທີ່ກ່ຽວຂ້ອງ ໄດ້ນຳພາປະຊາຊົນບັນດາເຜົ່າ ຢູ່ຕາມທ້ອງຖິ່ນຕ່າງໆ ໃນທົ່ວແຂວງ ພາກັນສືບຕໍ່ສ້າງສາພັດທະນາ, ບູລະນະປະຕິສັງຂອນ, ສ້າງວັດວາອາຣາມຂື້້ນຫຼາຍແຫ່ງ ຄຽງຄູ່ກັບການສ້າງຂື້ນໃໜ່ໃນທົ່ວແຂວງເຊັ່ນ: ການສ້າງພັດທະສິມາ, ກຸຕິວິຫານ, ຫໍພຣະ, ຫໍກອງ, ຫໍລະຄັງ, ສ້າງກໍາແພງວັດ, ປະຕູໂຂງ ແລະ ສ້າງພຣະທະຮູບ, ແລະ ສ້າງສາລາໂຮງທຳ ອີກຈຳນວນໜື່ງ, ໄດ້ສຳເລັດການສ້າງຫ້ອງການບໍລິຫານງານ ອພສ ເມືອງ ໄດ້ 3 ເມືອງ, ແລະ ສ້າງສຳເລັດແລ້ວ 2 ເມືອງຄື: ເມືອງເລົ່າງາມ ແລະ ເມືອງຄົງເຊໂດນ, ໄດ້ຮັບເອກສານເຂົ້າ 670 ສະບັບ, ເອກະສານອອກ 790 ສະບັບ, ຈັດກອງປະຊຸມຂັ້ນສູນກາງ ລົງມາແຂວງ 1 ຄັ້ງ, ປະຊຸມ 4 ແຂວງ ພາກໄຕ້ທີ່ ​ແຂວງອັດຕະປື 1 ຄັ້ງ, ເຈົ້າຄະນະແຂວງໄດ້ເຂົ້າຮ່ວມກອງປະຊຸມ ໃນ 5 ປີຜ່ານມາ 572 ຄັ້ງ ແລະ ວຽກງງານອື່ນໆ ນອກຈາກການ​ສ້າງສາ​ບູລະນະ​ປະຕິສັງຂອນ​ແລ້ວ ອົງການ​ພຸດທະ ​ສາສະໜາ​ ສຳພັນ​ລາວ ​ແຂວງ​ສາລະ​ວັນ ຍັງ​ໄດ້​ຊ່ວຍ​​ເຫຼືອ​ສັງຄົມ​ເຊັ່ນ: ຊ່ວຍ​ເຫຼືອ​ສັງ​ຄົມ​ສັງ​ເຄາະ​ທົ່ວ ​ແຂວງ​ສາລະ​ວັນ ລວມມູນ​ຄ່າ ​ເ​ປັນ​ເງິນສົດ ຈຳນວນ​ 2,2939,760,000 ກີບ, ລະດົມ​ທຶນ​ຈາກ​ ພຣະສົງ-ສາມະ​ເນນ ທົ່ວ​ແຂວງ​ ປະກອບສ່ວນ​ສ້າງ​ອາຄານ​ ປະທານ​ສົງ ສູນ​ກາງ ອພສ ເປັນ​ເງິນ​ຈຳນວນ 17,700,000 ກີບ, ຜ່ານການຈັັດຕັ້ງປະຕິບັດ ​ວຽກ​ຕ່າງໆ ​ແລະ ​ເພື່ອ​ຮັບປະກັນ​ໃຫ້​ແກ່​ການ​ເຄື່ອນ​ໄຫວ​ວຽກ​ງານ​ຂອງ​ອົງກາ​ນພຸດທະສາສະໜາ​ສຳພັນ​ລາວ​​ແຂວງ​ສາລະ​ວັນ ​ໃນ​ແຕ່ລະ​ຂັ້ນ​ເພື່ອ​ໃຫ້​ສອດສ່ອງ​ ກັບ​ແນວທາງ​ນະ​ໂຍບາຍ​ຂອງ ພັກ-ລັດ ​ແຜນ​ພັດທະນາ ​ເສດຖະກິດ-ສັງຄົມ ກໍ່​ຄື​ທຳ​ມະ​ນູນສົງ​ລາວ, ຄະນະ ອພສ ແຂວງ​ໄດ້​ຖື​ເອົາ​ຫຼັກການ​ເຮັດ​ວຽກ ມີ​ການ​ປຶກສາ​ຫາລື ​ເປັນ​ໝູ່​ຄະນະ, ມີ​ປະຊາທິປະ​ໄຕ ​ແບ່ງ​ວຽກ​ງານ​ໃຫ້​ແຕ່​ລະ​ອົງ​ຮັບຜິດຊອບ​ຢ່າງ​ຈະ​ແຈ້ງ, ມີ​ຄວາມ​​ສາມັກ​ຄີ ຊ່ວຍເຫຼືອເຊິ່ງກັນ ແລະ ກັນ ຕາມແບບຂອງພຣະທຳມະວິໄນ ແລະ ຫຼັກປະຣິຫານິຍະທຳ ຈາກນັ້ນໃນກອງປະຊຸມຍັງໄດ້ຮັບຟັງການປະກອບ ຄໍາຄິດ-ຄຳເຫັນ ຈາກພາກສ່ວນກ່ຽວຂ້ອງ ຢ່າງກົງໄປກົງມາ ແລະ ໄດ້ປິດລົງດ້ວຍຜົນສຳເລັດ.

info@lfnd.org.la | 021 213754 | (856-21) 453191