ສູນກາງແນວລາວສ້າງຊາດ

Lao Front For National Development

ກອງປະຊຸມ ຄົບຄະນະບໍລິຫານງານພັກ ເມືອງຄຳ ແຂວງຊຽງຂວາງ ຄັ້ງທີ III ສະໄໝ ທີ X

ໃນຕອນເຊົ້າ ວັນທີ 11 ມີນາ 2021 ຢູ່ຫ້ອງປະຊຸມຊັ້ນ II ຫ້ອງວ່າການເມືອງຄຳ ແຂວງຊຽງຂວາງ ໄດ້ມີພິທີເປີດກອງປະຊຸມ ຄົບຄະນະບໍລິຫານງານພັກ ເມືອງຄຳ ແຂວງຊຽງຂວາງ ຄັ້ງທີ III  ສະໄໝທີ X ຂື້້ນຢ່າງເປັນທາງການ, ພາຍໃຕ້ການເປັນປະທານຂອງ ສະຫາຍ ໃຈເພັດ ພິມວົງສາ ກຳມະການພັກແຂວງ ເລຂາພັກເມືອງ ເຈົ້າເມືອງໆຄຳ, ເປັນກຽດເຂົ້າຮ່ວມຂອງສະຫາຍ ນາງ ບົວສີ ນາຖາວົງ ຄະນະປະຈຳພັກແຂວງ ປະທານແນວລາວສ້າງຊາດແຂວງ, ມີບັນດາຄະນະປະຈໍໍາພັກເມືອງ, ​ກຳມະການພັກເມືອງ, ຫົວໜ້າ-ຮອງຫົວໜ້າຫ້ອງການຂອງເມືອງ, ອາດີດການນຳຂອງເມືອງຕະຫຼອດຮອດພາກສ່ວນທີ່ກ່ຽວຂ້ອງ ເຂົ້າຮວ່ມ.

ກອງປະຊຸມໃນຄັ້ງນີ້ ໄດ້ຮັບຟັງບົດສະຫຼຸບການເຄື່ອນໄຫວຈັດຕັ້ງປະຕິບັດ ວຽກງານຮອບດ້ານ ຂອງເມືອງ ປີ2020  ແລະ ທິດທາງແຜນການ ປີ 2021  ແລະ ແຜນພັດທະນາເສດຖະກິດ-ສັງຄົມ 2020  ແລະ ທິດທາງແຜນການ ປີ 2021 ເຊີ່ງໄດ້ຍົກໃຫ້ເຫັນເຖີງຜົນສຳເລັດຂອງການເຄື່ອນໄຫວ, ຊີ້ນຳ-ນຳພາການຈັດຕັ້ງປະຕິບັດວຽກງານ ຂອງຄະນະພັກເມືອງ, ກຳມະການພັກເມືອງ ແລະ ອົງການທີ່ກ້ຽວຂ້ອງຂອງເມືອງ, ຜົນງານດ້ານດີ, ດ້ານອ່ອນ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ໃນການຈັດຕັ້ງປະຕິບັດວຽກງານໄລຍະຜ່ານມາ.

ພ້ອມນັ້ນ, ຜູ້ເຂົ້າຮວ່ມກອງປະຊຸມ ໄດ້ ປະກອບຄຳຄິດຄຳເຫັນໃສ່ບົດສະຫຼຸບການເຄື່ອນໄຫວຈັດຕັ້ງປະຕິບັດວຽກງານດ້ານຕ່າງໆ ຂອງຄະນະບໍລິຫານງານພັກເມືອງ ໃນໄລຍະຜ່ານມາ ແລະ ວຽກງານແຜນພັດທະນາເສດຖະກິດ-ສັງຄົມ, ເພື່ອຄວາມເປັນເອກະພາບ ແລະ ສົມບຸນກວ່າເກົ່າ, ກຳໄດ້ທິດທາງວຽກງານຈຸດສຸມໃນຕໍ່ໜ້າ, ແນ່ໃສ່ພ້ອມກັນຈັດຕັ້ງປະຕິບັດໃຫ້ໄດ້ຮັບຜົນສຳເລັດ ໂດຍສະເພາະແມ່ນວຽກງານການຊີ້ນຳ-ນຳພາໂດຍຕິດພັນກັບສະພາບເສດຖະກິດຂອງເມືອງ, ການປະຕິບັດງົບປະມານ, ສະພາບການລົງທຶນ, ການປະຕິບັດວຽກງານບຸລິມະສິດຂອງເມືອງທີ່ວາງອອກ, ສະພາບການຈັດຕັ້ງປະຕິບັດວຽກງານເສດຖະກິດທີ່ຕິດພັນກັບວຽກງານບຸລິມະສິດຂອງເມືອງ, ໃຫ້ແທດເໝາະກັບສະພາບການ ແລະ ມີການພັດທະນາໃຫ້ສຳເລັດໃນຕໍ່ໜ້າ.

info@lfnd.org.la | 021 213754 | (856-21) 453191