ສູນກາງແນວລາວສ້າງຊາດ

Lao Front For National Development

ກອງປະຊຸມ ສະຫຼຸບ ແລະ ຖອດຖອນບົດຮຽນວຽກງານຊົນເຜົ່າ ປະຈຳປີ 2023

     ສູນກາງແນວລາວສ້າງຊາດ ສະຫຼຸບ ແລະ ຖອດຖອນບົດຮຽນວຽກງານຊົນເຜົ່າ ປະຈຳປີ 2023 ໂດຍການເປັນປະທານ ຂອງທ່ານ ຄຳໄຫຼ ສີປະເສີດ ກຳມະການສູນກາງພັກ, ຮອງປະທານ ຜູ້ປະຈຳການສູນກາງແນວລາວສ້າງຊາດ ເຂົ້າຮ່ວມມີ ທ່ານ ໄທລໍ່ ຫວາເຊັ້ງ ຄະນະພັກ, ຄະນະປະຈຳ, ຫົວໜ້າກົມຊົນເຜົ່າ ສນຊ, ຄະນະທີ່ປຶກສາວຽກງານຊົນເຜົ່າ, ຕາງໜ້າບັນດາກົມອ້ອມຂ້າງ ສນຊ, ມີບັນດາທ່ານຮອງປະທານແນວລາວສ້າງຊາດນະຄອນຫຼວງ, ແນວລາວສ້າງຊາດແຂວງ ພ້ອມດ້ວຍພະນັກງານຮັບຜິດວຽກງານຊົນເຜົ່າເຂົ້າຮ່ວມ ແບບເຊິ່ງໜ້າ ແລະ ວີດີໂອທາງໄກ ທີ່ສູນຄົ້ນຄວ້າ ແລະ ຝຶກອົບຮົມ ສນຊ ວັນທີ 25 ມັງກອນ 2024.
     ໃນກອງປະຊຸມໄດ້ຕີລາຄາຄືນຜົນງານການເຄື່ອນໄຫວວຽກງານຊົນເຜົ່າປະຈຳປີ 2023 ແລະ ທິດທາງແຜນການປີ 2024, ໃນຂົງເຂດແນວລາວສ້າງຊາດ ພ້ອມກັນນີ້ ບັນດາ ແຂວງກໍ່ໄດ້ຕີລາຄາວຽກງານຊົນເຜົ່າໃນແຂວງຂອງຕົນ ແລະ ຂະບວນການສ້າງຄອບຄົວແລະ ບ້ານສາມັກຄີ ປອງດອງຂອງແນວລາວສ້າງຊາດ, ສະພາບການດຳລົງຊີວິດ ຂອງບາງຊົນເຜົ່າ ເຊິ່ງໃນນີ້, ທ່ານ ໄທລໍ່ ຫວາເຊັ້ງ ໄດ້ກ່າວວ່າ: ຕະຫຼອດໄລຍະໜຶ່ງປີ ຜ່ານມາກົມຊົນເຜົ່າໄດ້ຕິດຕາມ, ເຄື່ອນໄຫວຊຸກຍູ້ວຽກງານຊົນເຜົ່າໃຫ້ແນວລາວສ້າງຊາດຂັ້ນທ້ອງ ຖີ່ນຫຼາຍຄັ້ງ, ເປັນຕົ້ນແມ່ນການຈັດຕັ້ງປະຕິບັດ 3 ແຜນງານ 8 ໂຄງການທີ່ ກົມຊົນເຜົ່າຮັບຜິດຊອບ ພ້ອມກັນນີ້, ທ່ານໄດ້ຍົກໃຫ້ເຫັນເຖີງພາລະບົດບາດ, ໜ້າທີຂອງອົງການແນວລາວສ້າງຊາດຕໍ່ວຽກ ງານຊົນເຜົ່າ. ຫຼັງຈາກນີ້, ຜູ້ເຂົ້າຮ່ວມກອງປະຊຸມໄດ້ປະກອບຄໍາເຫັນຄຳເຫັນຢ່າງກົງໄປກົງມາຕໍ່ບົດ ສະຫຼຸບ ແລະ ວຽກງານຊົນເຜົ່າຈຸດສຸມໃນສຸມປີຕໍ່ໄປ.
     ໂອກາດນີ້, ທ່ານ ຄຳໄຫຼ ສີປະເສີດ ກຳມະການສູນກາງພັກຮອງປະທານຜູ້ປະຈຳການສູນ ກາງແນວລາວສ້າງຊາດ ໄດ້ມີຄຳເຫັນໂອ້ລົມຕໍ່ທີ່ປະຊຸມເຊິ່ງກ່ອນອື່ນທ່ານໄດ້ຍ້ອງຍໍຊົມ ເຊີຍຕໍ່ບັນ ດາຜົນງານທີ່ກົມຊົນເຜົ່າ, ບັນດາແຂວງຍາດມາໄດ້ໃນຕະຫຼອດໄລຍະໜຶ່ງປີຜ່ານມາ ແລະ ທ່ານກ່າວວ່າ ວຽກງານຊົນເຜົ່າເປັນວຽກລະອຽດອ່ອນ ສະນັ້ນ, ໃຫ້ພະນັກງານແນວລາວສ້າງຊາດ ຜູ້ທີ່ຮັບຜິດຊອບວຽກງານຊົນເຜົ່າຈົ່ງເພີ່ມທະວີເອົາໃຈໃສ່ຕໍ່ວຽກງານຊົນເຜົ່າມີຄວາມແຂງແຂງຂຶ້ນ, ນຳເອົາເນື້ອໃນຈິດໃຈຂອງກອງປະຊຸມຄັ້ງນີ້ໄປຈັດຕັ້ງປະຕິບັດໃນວຽກງານຊົນເຜົ່າທ້ອງຖີ່ນຂອງຕົນໃຫ້ໄດ້ຮັບຜົນດີ, ເອົາໃຈໃສ່ຍົກສູງບົດບາດຜູ້ຊົງຄຸນວຸດທິບັນດາຊົນເຜົ່າເພື່ອ ເປັນກຳລັງແຮງໃນການ ປຸກລະດົມ, ຂົນຂວາຍເຕົ້າໂຮມຄວາມສາມັກຄີປະຊາຊົນບັນດາເຜົ່າໃຫ້ເປັນເຈົ້າການພ້ອມກັນປະຕິບັດສອງໜ້າທີຍຸດ ທະສາດ ປົກປັກຮັກສາ ແລະ ສ້າງສາພັດທະນາປະເທດຊາດໃຫ້ຈະເລີນເປັນກ້າວໆ.
ຂ່າວ-ພາບ: ເລົ່າລໍ່
ບກ: ສືເຊັ່ງ
info@lfnd.org.la | 021 213754 | (856-21) 453191