ສູນກາງແນວລາວສ້າງຊາດ

Lao Front For National Development

ການນຳ ສນຊ ໄຫວ້ອາໄລ ຕໍ່ການຈາກໄປຂອງ ສະຫາຍ ຟານວັນ ຄາຍ

ໃນຕອນເຊົ້າຂອງວັນທີ 21 ມີນາ 2018 ນີ້, ທີ່ສະຖານທູດຫວຽດນາມ ປະຈຳຢູ່ ສປປ ລາວ, ການນຳຂອງສູນກາງແນວລາວສ້າງຊາດ (ສນຊ) ນຳໂດຍສະຫາຍ ຮສ.ດຣ ສົມອົກ ກິ່ງສະດາ ຄະນະພັກ, ຮອງປະທານ ສູນກາງແນວລາວສ້າງຊາດ ພ້ອມດ້ວຍບັນດາສະຫາຍພະນັກງານຂັ້ນກົມແຕ່ລະກົມ ໄດ້ເຂົ້າວາງພວງມາລາ ແລະ ຂຽນປຶ້ມໄວ້ອາໄລຕໍ່ການເສຍຊີວິດຂອງ ສະຫາຍ ຟານ ວັນ ຄາຍ ອາດີດກຳມະການກົມການເມືອງສູນກາງພັກກອມມູນິດ ຫວຽດນາມ, ອາດີດນາຍົກລັດຖະມົນຕີ ແຫ່ງ ສສ ຫວຽດນາມ.

ສະຫາຍ ຟານ ວັນ ຄາຍ ເປັນໜຶ່ງໃນການກຳຂອງ ສສ ຫວຽດນາມ ທີ່ໄດ້ປະກອບສ່ວນເສີມຂະຫຍາຍສາຍພົວພັນມິດຕະພາບແບບພິເສດ-ຮອບດ້ານ ອັນເປັນມູນເຊື້ອ ຂອງສອງພັກ-ສອງລັດ ແລະ ປະຊາຊົນສອງຊາດ ລາວ-ຫວຽດນາມ, ສະຫາຍ ເປັນຜູ້ນຳທີ່ມີຄວາມປີຊາສາມາດ ແລະ ໄດ້ປະກອບສ່ວນພາລະກິດອັນສຳຄັນຂອງຊາດ ໃນການປົກປັກຮັກສາ ແລະ ສ້າງສາພັດທະນາປະເທດຊາດ ຫວຽດນາມ ມາເປັນຫຼາຍສີບປີ.

info@lfnd.org.la | 021 213754 | (856-21) 453191