ສູນກາງແນວລາວສ້າງຊາດ

Lao Front For National Development

ຂະບວນໂຄງການທຳມະຍາຕາ 5 ແຜ່ນດິນລຸ່ມແມ່ນ້ຳຂອງ

ສຳເລັດການເຄື່ອນໄຫວ ຢູ່ປະເທດມຽນມ້າລະຫວ່າງ ວັນທີ 16-18 ຕຸລາ 2019 ໂຄງການທຳມະຍາຕາ 5 ແຜ່ນດິນລຸ່ມແມ່ນ້ຳຂອງ ຄັ້ງທີ 2 ໄດ້ສຳເລັດ ການເຄື່ອນໄຫວກິດຈະກຳທາງພຸດທະສາສະໜາ ຢູ່ປະເທດມຽນມ້າ ທີ່ເປັນປະເທດ 2 ຂອງການເດີນທາງ ເຊິ່ງໄດ້ເດີນ ທາງຜ່ານຊາຍແດນ ໄທ-ມຽນມ້າ ດ້ານທ່າຂີ້ເຫຼັກ ເມືອງແມ່ສາຍ ແຂວງຊຽງລາຍ;
ໃນກິດຈະກຳໄດ້ມີພິທີໃສ່ບາດຂອງປະສົງ 5 ແຜນດິນ ເລີ່ມຈາກວັດພະທາດສາຍເມືອງ ຊາຍແດນປະເທດໄທ-ເຂົ້າສູ່ປະເທດມຽນມ້າ ດ້ວຍໄລຍະທາງ 5 ກິໂລແມັດ ເຊິ່ງມີພຸດທະສາສະນິກະຊົນຂອງປະເທດໄທ ແລະ ມຽນມ້າ ເຂົ້າຮ່ວມ 10 ພັນກວ່າຄົນ, ໄດ້ໄປນະມັດສະການພະທາດສະເວດາກອງຈຳລອງ ແລະ ປູກຕົ້ນໂພຢູ່ສະຖານທີດັ່ງກ່າວ.

ຈາກນັ້ນ, ຄະນະທຳມະຍາຕາ 5 ແຜນດິນໄດ້ເດີນທາງຕໍ່ໄປພະທາດ Pa Liang ເມືອງຊຽງຕຸງ ເຂດລັດສານ ປະເທດ ມຽນມ້າ ເຊິ່ງເປັນເມືອງໜຶ່ງທີ່ປະຊາຊົນ 90% ເຊື່ອຖືສາສະໜາພຸດ ໂດຍການຕ້ອນຮັບຈາກຄະນະນຳຂອງລັດສານ ແລະ ຊາວພຸດທະສາສະນິກະຊົນ ເຂົ້າຮ່ວມພິທີໃສ່ບາດອ້ອມ ຮອບວັດພະທາດມະຫາມຸນີ ຫຼື ວັດພະເຈົ້າຫຼວງ ຕັ້ງຢູ່ໃຈ ກາງເມືອງຊຽງຕຸງ, ເຂົ້າຮ່ວມພິທີໄດ້ປູກຕົ້ນໂພ ຢູ່ວັດຫົວຂ່ວງປະລິຢະທຳ; ຈາກນັ້ນ, ຄະນະທຳມະຍາຕາ 5 ແຜນດິນໄດ້ ເດີນທາງກັບຄືນປະເທດໄທ ຜ່ານດ້ານທ່າຂີ້ເຫຼັກ-ໄປວັດພະແກ້ວ ເມືອງຊຽງຂອງ ແຂວງຊຽງລາຍ ເພື່ອປູກຕົ້ນໂພ ທີ່ນຳ ມາຈາກ ພຸດທະຄະຍາ ປະເທດອິນເດຍ ໄວ້ເປັນຕົວແທນຂອງພະພຸດທະເຈົ້າ ແລະ ຄວາມເປັນສິລິມຸງຄຸນ ໃຫ້ແກ່ຊາວ ເມືອງຊຽງຂອງ ຕໍ່ໆໄປ;
ຂະບວນໂຄງການທຳມະຍາຕາ 5 ແຜນດິນລຸ່ມແມ່ນ້ຳຂອງ ຄັ້ງທີ 2 ທີ່ນຳໂດຍ ທ່ານ ສຸພະໄຊ ວິລະພຸຊົງ ເລຂາທິການສະຖາບັນໂພທິຄະຍາວິຊະຊາໄລ ພ້ອມດ້ວຍຄະນະຮ່ວມເດີນທາງ ທັງໝົດ 105 ທ່ານ, ພະສົງ 43 ອົງ ຈາກ 5 ປະເທດ: ໄທ, ມຽນມ້າ, ລາວ, ຫວຽດນາມ ແລະ ກຳປູເຈຍ ຈະໄດ້ສືບຕໍ່ເດີນທາງໄປດຽນບຽນຟູ ຫວຽດນາມ ໂດຍ ຜ່ານຊາຍແດນ ໄທ-ລາວ ແລະ ຊາຍແດນ ລາວ-ຫວຽດນາມ; ໃນນີ້, ມີຄະນະຜູແທນຂອງສູນກາງແນວລາວສ້າງຊາດ ເຂົ້າຮ່ວມ ຈຳນວນ 20 ທາດ, ພະສົງ 10 ອົງ ເຊິ່ງນຳໂດຍ ທ່ານ ແກ້ວຈະເລີນ ເຊ່ຍຢິ້ງຢ່າງ ຄະນະປະຈຳ ສນຊ ຫົວໜ້າ ກົມໂຄສະນາ-ອົບຮົມ ໄດ້ຮ່ວມເດີນທາງໃນຂະບວນດັ່ງກ່າວ.

info@lfnd.org.la | 021 213754 | (856-21) 453191