ໃນວັນທີ 18 ມັງກອນ 2021 ນີ້, ຄະນະນໍາ ສູນກາງແນວລາວສ້າງຊາດ (ສນຊ), ນຳໂດຍ ທ່ານ ຄໍາເຜີຍ ບຸດດາວຽງ ກໍາມະການສູນກາງພັກ, ຮອງປະທານ ສນຊ ພ້ອມດ້ວຍຄະນະ ໄດ້ນຳເອົາກະຕ່າຂອງ ຂວັນ ເຂົ້າອວຍພອນ ທ່ານ ພົ.ທ ປອ. ທອງລອຍ ສີລິວົງ ກໍາມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ການເມືອງກອງທັບ ພ້ອມດ້ວຍຄະນະ ເນື່ອງໃນໂອກາດສະເຫຼີມສະຫຼອງວັນສ້າງຕັ້ງກອງທັບ ປະຊາຊົນລາວ ຄົບຮອບ 72 ປີ ທີ່ຈະມາເຖິງໃນມໍ່ໆນີ້.

ໃນໂອກາດນີ້, ທ່ານ ຄໍາເຜີຍ ບຸດດາວຽງ ໄດ້ກ່າວສະແດງຄວາມອວຍພອນໄຊອັນປະເສີດແດ່ ທ່ານ ພົ.ທ ປອ. ທອງລອຍ ສີລິວົງ ພ້ອມດ້ວຍຄະນະນຳກະຊວງປ້ອງກັນປະເທດ ນາຍ ແລະ ພົນທະຫານຈົ່ງມີສຸຂະພາບແຂງແຮງ, ມີພະລະນາໄມສົມບູນ, ມີຜົນສຳເລັດໃນໜ້າທີ່ການງານທຸກປະການ, ມີຄວາມສຸກ ຄວາມຈະເລີນໃນຊີວິດສ່ວນຕົວ ແລະ ຄອບຄົວ.