ສູນກາງແນວລາວສ້າງຊາດ

Lao Front For National Development

ຄະນະປະຈຳ ສນຊ ເຄື່ອນໄຫວເຮັດວຽກຢູ່ສອງແຂວງພາກໃຕ້

ທ່ານ ແກ້ວຈະເລີນ ເຊ່ຍຢິ້ງຢ່າງ ຄະນະປະຈຳ ຫົວໜ້າກົມໂຄສະນາ-ອົບຮົມ ສູນກາງແນວລາວສ້າງຊາດ ພ້ອມດ້ວຍຄະນະທີມງານນັກຂ່າວ ໄດ້ລົງເຄື່ອນໄຫວເຮັດວຽກຢູ່ແຂວງເຊກອງ ແລະ ແຂວງອັດຕະປື ລະຫວ່າງວັນທີ 2-10 ເມສາ 2017.

ການເຄື່ອນໄຫວເຮັດວຽກຄັ້ງນີ້, ແມ່ນລົງເກັບກຳຂໍ້ມູນວິຖີຊີວິດຂອງບາງຊົນເຜົ່າ ຢູ່ 2 ແຂວງພາກໃຕ້ ແລະ ຊຸກຍູ້ວຽກງານໂຄສະນາ-ອົບຮົມ ຂອງແນວລາວສ້າງຊາດທ້ອງຖິ່ນ. ໃນນັ້ນ, ໄດ້ລົງເລິກເກັບກຳຂໍ້ມູນກ່ຽວກັບວິຖີຊີວິດຂອງບາງຊົນເຜົ່າຢູ່ສອງແຂວງດັ່ງກ່າວເປັນຕົ້ນ: ຊົນເຜົ່າໂອຍ, ຊົນເຜົ່າຍະເຫີນ ເມືອງສາມັກຄີໄຊ, ຊົນເຜົ່າຮ່າຣັກ ເມືອງໄຊເສດຖາ, ຊົນເຜົ່າສະດາງ ເມືອງພູວົງ ແຂວງອັດຕະປື ແລະ ຊົນເຜົ່າກຣຽງ, ຊົນເຜົ່າກະຕູ ເມືອງກະລືມ, ຊົນເຜົ່າຢຣຸ, ຊົນເຜົ່າຕຣຽງ ເມືອງທ່າແຕ່ງ ແຂວງເຊກອງ.

ນອກຈາກນັ້ນ, ທີມງານວິຊາການຍັງໄດ້ເກັບກຳຂ່າວ ເພື່ອລົງໂຄສະນາເຜີຍແຜ່ຜ່ານວາລະສານ, ລາຍການໂທລະພາບ “ລາວສ້າງຊາດ” ແລະ ລາຍການວິທະຍຸ “ເມືອງລາວຄົນລາວ” ຂອງ ແນວລາວສ້າງຊາດ ແລະ ຍັງເປັນການສ້າງສາລະຄະດີວິຖີຊີວິດຂອງຊົນເຜົ່າ ເພື່ອກະກຽມຄວາມພ້ອມໃຫ້ແກ່ກອງປະຊຸມຜູ້ຊົງຄຸນວຸດທິບັນດາແຂວງພາກໃຕ້ ທີ່ຈະຈັດຂຶ້ນໃນກາງປີນີ້.

info@lfnd.org.la | 021 213754 | (856-21) 453191