ສູນກາງແນວລາວສ້າງຊາດ

Lao Front For National Development

ຄະນະຜູ້ແທນຂັ້ນສູງຂອງສູນກາງແນວລາວສ້າງຊາດໄປຢ້ຽມຢາມ ແລະ ເຮັດວຽກ ຢູ່ ສປ ຈີນ

ທ່ານ ສິນລະວົງ ຄຸດໄພທູນ ກໍາມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ (ສນຊ) ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງຂອງສູນກາງແນວລາວສ້າງຊາດໄປຢ້ຽມຢາມ ແລະ ເຮັດວຽກ ຢູ່ ສປ ຈີນ ຢ່າງເປັນທາງການ ລະຫວ່າງວັນທີ 21-28 ມັງກອນ 2024 ນີ້, ໂດຍໄດ້ຮັບການຕ້ອນຮັບຂອງ ທ່ານ ຫຼິວ ຊຽວຄາຍ ປະທານສະພາທີ່ປືກສາການເມືອງ ແຂວງຢຸນນານ ພ້ອມດ້ວຍຄະນະ ຢູ່ທີ່ສະໜາມບິນສາກົນຄູນມິງ ສປ ຈີນ.

ໃນການໄປຢ້ຽມຢາມ ແລະ ເຮັດວຽກ ຢູ່ ສປ ຈີນ ໃນຄັ້ງນີ້, ຈະໄດ້ມີການພົບປະສອງຝ່າຍລະຫວ່າງຄະນະກໍາມະການສູນກາງແນວລາວສ້າງຊາດ ກັບສະພາທີ່ປືກສາການເມືອງແຂວງຢຸນນານ ເພື່ອເສີມຂະຫຍາຍສາຍພົວພັນຮ່ວມມືລະຫວ່າງສອງປະເທດ ລາວ-ຈີນ, ຈີນ-ລາວ ໂດຍສະເພາະແມ່ນສອງອົງການ ຄື: ສູນກາງແນວລາວສ້າງຊາດ ແລະ ສະພາທີ່ປຶກສາການເມືອງແຂວງຢຸນນານ ໃຫ້ແໜ້ນແຟັນ ແລະ ຈະສືບຕໍ່ລົງນາມບົດບັນທຶກການຮ່ວມມືລະຫວ່າງຄະນະກຳມະການສູນກາງແນວລາວສ້າງຊາດ ແລະ ສະພາທີ່ປຶກສາການເມືອງແຂວງຢຸນນານໃນຕໍ່ໜ້າ ເພື່ອສືບຕໍ່ຈັດຕັ້ງປະຕິບັດວຽກງານຂອງສອງອົງການດັ່ງກ່າວໃຫ້ໄດ້ຮັບໝາກຜົນຍິ່ງໆຂຶ້ນ.

 

 

info@lfnd.org.la | 021 213754 | (856-21) 453191