ສູນກາງແນວລາວສ້າງຊາດ

Lao Front For National Development

ຄະນະຜູ້ແທນສູນກາງແນວລາວສ້າງຊາດໄດ້ພົບປະໂອ້ລົມກັບພີ່ນ້ອງເຊື້ອຊາດລາວຢູ່ປະເທດ ຍີ່ປຸ່ນ

ໃນຕອນແລງຂອງວັນທີ 17 ສິງຫາ 2019, ຄະນະຜູ້ແທນສູນກາງແນວລາວສ້າງຊາດ ນຳໂດຍທ່ານ ຫຽມ ພົມມະຈັນ, ກຳມະການສູນກາງແນວລາວສ້າງຊາດ, ຫົວໜ້າຄະນະທີ່ປຶກສາວຽກງານຄົນເຊື້ອຊາດລາວຢູ່ຕ່າງປະເທດ ໄດ້ພົບປະໂອ້ລົມກັບພີ່ນ້ອງເຊື້ອຊາດລາວຢູ່ປະເທດ ຍີ່ປຸ່ນ.

ພາຍຫຼັງການກ່າວຕ້ອນຮັບຢ່າງອົບອຸ່ນຈາກທ່ານ ວິໂຣດ ສູນດາຣາ, ເອກອັກຄະລັດຖະທູດແຫ່ງ ສປປ ລາວ ທີ່ ໂຕກຽວ, ທ່ານຫົວໜ້າຄະນະທີ່ປຶກສາໄດ້ຊີ້ແຈງກ່ຽວກັບແນວທາງນະໂຍບາຍຂອງ ສປປ ລາວ ທີ່ມີຕໍ່ພີ່ນ້ອງລາວຢູ່ຕ່າງປະເທດ ຊຶ່ງຍາມໃດກໍຍັງຖືວ່າເປັນສ່ວນໜຶ່ງທີ່ຕັດແຍກອອກກັນບໍ່ໄດ້ຂອງວົງຄະນາຍາດແຫ່ງຊາດລາວ ແລະ ມີຄວາມຕັ້ງໜ້າພະຍາຍາມສ້າງທຸກເງື່ອນໄຂເພື່ອໃຫ້ພີ່ນ້ອງລາວຢູ່ຕ່າງປະເທດອວ່າຍໜ້າຄືນຫາບ້ານເກີດເມືອງນອນເພື່ອປະກອບສ່ວນສ້າງສາພັດທະນາປະເທດຊາດຕາມເງື່ອນໄຂ ແລະ ຄວາມສະໝັກໃຈຂອງຕົນ. ຈາກນັ້ນກໍໄດ້ມີການສົນທະນາຕອບຂໍ້ຂ້ອງໃຈ ແລະ ຮັບຟັງຂໍ້ສະເໜີຕ່າງໆ ຈາກພີ່ນ້ອງລາວທີ່ເຂົ້າຮ່ວມງານກວ່າຮ້ອຍທ່ານ ທີ່ເປັນຕົວແທນຊາວລາວຈາກແຂວງຕ່າງໆໃນ ຍີ່ປຸ່ນ ດ້ວຍບັນຍາກາດອົບອຸ່ນຮັກແພງ.

info@lfnd.org.la | 021 213754 | (856-21) 453191