ສູນກາງແນວລາວສ້າງຊາດ

Lao Front For National Development

ຄະນະຜູ້ແທນ ສູນກາງແນວລາວສ້າງຊາດ ສຳເລັດການຢ້ຽມຢາມ ແລະ ເຮັດວຽກທີ່ຣາຊະອານາຈັກໄທ

ຄະນະຜູ້ແທນ ສູນກາງແນວລາວສ້າງຊາດ ນຳໂດຍທ່ານ ນາງ ຍອດແກ້ວມະນີ ສຸພານຸວົງ ຮອງປະທານສູນກາງແນວລາວ ສ້າງຊາດ ພ້ອມດ້ວຍຄະນະ ໄດ້ເຄື່ອນໄຫວເຮັດວຽກທີຣາຊະອານາຈັກໄທ ໃນລະຫວ່າງວັນທີ 3 – 5 ພະຈິກ 2017,

ເຊິ່ງໄດ້ຮັບການຕ້ອນຮັບຢ່າງອົບອຸ່ນຈາກທ່ານ ພົນອາກາດຕີຍິງ ວິມົນ ທອງອ່ອນ ພ້ອມດ້ວຍຄະນະ ໃນການເຄື່ອນ ໄຫວທີຣາຊະອານາຈັກໄທຄັ້ງນີ້, ໄດ້ເຂົ້າຮ່ວມງານພິທີຍົກຍອດຊໍ່ຟ້າ ທອງຄຳຝັງເພັດພະທາດທ່າອຸເທນ ທີ່ແຂວງນະຄອນພະ ນົມ ຣາຊະອານາຈັກໄທ; ມີຄະນະກຳມະການກິດຕິມະສັກມູູນນີທິທຳດີ ພ້ອມດ້ວຍແຂກເຂົ້າຮ່ວມ.

ໃນນີ້ໄດ້ມີພິທີທາງສາສະໜາ ແລະ ພິທີຍົກຍອດຊໍ່ຟ້າທອງຄຳພັງເພັດພະທາດທ່າອຸເທນ ຊຶ່ງເປັນຈຸດສູງສຸດຂອງພະ ທາດທ່າອຸເທນ ເພື່ອອຸທິດສ່ວນບຸນກຸສົນໃຫ້ແກ່ດວງວິນຍານຂອງທ່ານປະທານ ສຸພານຸວົງ ແລະ ອຸທິດສ່ວນບຸນກຸສົນເຖິງ ດວງວິນຍານພະບາດສົມເດັດພຣະບໍຣະມິນມະຫາພູມີພົນອະດຸນຍະເດດໃນຫຼວງຣາດສະການທີ 9 ແຫ່ງລາຊາອານາຈັກໄທ.


ພາຍຫຼັງເສັດພິທີຍົກຍອດຊໍ່ຟ້າທອງຄຳຝັງເພັດແລ້ວ ທ່ານນາງ ຍອດແກ້ວມະນີ ສຸພານຸວົງ ຮອງປະທານພ້ອມດ້ວຍ ຄະນະໄດ້ໄປຢ້ຽມຢາມສະຖານທີ່ຕ່າງໆຄື: ໂຮງຮຽນວັດບຶງເຫຼັກນະຄອນພະນົມ ທີ່ເປັນໂຮງຮຽນສົງເຄາະເດັກຍາກຈົນຕາມພຣະ ຣາດສະປະສົງໃນພຣະບາດສົມເດັດພຣະເຈົ້າຢູ່ຫົວພູມີພົນອະດຸນຍະເດດ ແລະ ທ່ຽວຊົມສູນການຮຽນຮູ້ຕາມຫຼັກປັດຊະຍາ ຂອງເສດຖະກິດພໍພຽງດ້ານການສຶກສາ. ນອກຈາກນີ້ ທ່ານຮອງປະທານພ້ອມດ້ວຍຄະ ນະໄດ້ໄປຢ້ຽມຢາມແຫ່ງສຶກສາ, ທ່ອງ ທ່ຽວແບບປະຫັວດສາດໂຮຈີມິນແຂວງ ອຸດອນທານີ ແລະ ທ່ຽວຊົມສະຖານທີ່ທ່ອງທ່ຽວສຳຄັນແຫ່ງຕ່າງໆຕື່ມອີກ.

info@lfnd.org.la | 021 213754 | (856-21) 453191