ສູນກາງແນວລາວສ້າງຊາດ

Lao Front For National Development

ຄະນະພັກ ສູນກາງແນວລາວສ້າງຊາດ ຂະຫຍາຍສະມາຊິກພັກ

ວັນທີ 7 ມີນາ 2018, 5 ໜ່ວຍພັກ ອ້ອມຂ້າງຄະນະພັກ ສນຊ ປະກອບມີ: ໜ່ວຍພັກຫ້ອງການ, ໜ່ວຍພັກກົມສາສະໜາ, ໜ່ວຍພັກກົມກວດກາ, ໜ່ວຍພັກກົມຈັດຕັ້ງ ແລະ ພະນັກງານ ແລະ ໜ່ວຍພັກກົມໂຄສະນາ-ອົບຮົມ ສູນກາງແນວລາວສ້າງຊາດ ໄດ້ພ້ອມກັນຈັດພິທີຮັບຮອງເອົາມະຫາຊົນກ້າວໜ້າ 10 ສະຫາຍ ເຂົ້າເປັນສະມາຊິດພັກສຳຮອງ ຕາມກົດລະບຽບຂອງພັກ ທີ່ໄດ້ຜ່ານການສຶກສາອົບຮົມ, ຕິດຕາມ, ກໍ່ສ້າງ ແລະ ການຝຶກຝົນຫຼໍ່ຫຼອມຕົນເອງມະຫາຊົນກ້າວໜ້າ ແລະ ເຫັນວ່າສົມຄວນຮັບຮອງເອົາຕາມມະຕິຕົກລົງວ່າດ້ວຍການຮັບຮອງເອົາມະຫາຊົນກ້າວໜ້າ ທີ່ຜ່ານການຮຽນກົດລະບຽບພັກ ເຂົ້າເປັນສະມາຊິກພັກສຳຮອງຂອງຄະນະພັກ ສນຊ.

ໃນພິທີດັ່ງກ່າວ, ສະຫາຍ ຄຳຫຼ້າ ລິ້ງນະສອນ ຄະນະພັກ ສນຊ, ຮອງປະທານ ຜູ້ຊີ້ນຳວຽກງານຈັດຕັ້ງພັກ-ພະນັກງານ ເປັນກຽດໂອ້ລົມ ເຊິ່ງທ່ານໄດ້ເນັ້ນບາງຈິດໃຈທີ່ສຳຄັນ: ກ່ອນອື່ນແມ່ນໄດ້ຍົກໃຫ້ຮູ້ ແລະ ເຂົ້າໃຈເຖິງພາລະບົດບາດ-ຄວາມສຳຄັນ ຂອງພັກປະຊາຊົນປະຕິວັດລາວ ທີ່ເປັນອົງການ ຈັດຕັ້ງການເມືອງສູງສຸດຂອງຊົນຊັ້ນກຳມະກອນລາວຊາວຜູ້ອອກແຮງງານບັນດາເຜົ່າ ທີ່ປະຕິບັດໜ້າທີ່ເພື່ອສິດຜົນປະໂຫຍດລວມຂອງປະເທດຊາດ ໃນການວາງແນວທາງນຳພາປະເທດຊາດກ້າວສູ່ຈຸດ ໝາຍທີ່ວາງໄວ້; ພ້ອມນັ້ນ, ສະຫາຍ ໄດ້ເນັ້ນໃຫ້ 10 ສະຫາຍ ຮູ້ວ່າຕົນເອງແມ່ນຜູ້ທີ່ກ້າວໜ້າ, ແມ່ນຜູ້ທີ່ເປັນແບບຢ່າງ, ຜ່ານການກໍ່ສ້າງ ແລະ ຮຽນຮູ້ກົດລະບຽບພັກມາແລ້ວ; ສະນັ້ນ, ຕ້ອງສືບຕໍ່ຝຶກຝົນຕົນເອງຕໍ່ໄປ ເພື່ອກ້າວເປັນສະມາຊິກສົມບູນ ໂດຍປະຕິບັດຕາມ 5 ໜ້າທີ່ ຂອງສະມາຊິກພັກ, ສິດ, ພັນທະ ແລະ ຂໍ້ຫ້າມຕ່າງໆ ຂອງສະມາຊິກພັກ ຢ່າງເຂັ້ມງວດ;

ເຂົ້າຮ່ວມພິທີມີບັນດາສະຫາຍເລຂາ-ຮອງເລຂາ ພ້ອມດ້ວຍສະມາຊິກພັກສົມບູນ ແລະ ສຳຮອງຂອງ 5 ໜ່ວຍພັກ ແລະ ຜູ້ຕ່າງໜ້າບັນດາອົງການຈັດຕັ້ງມະຫາຊົນ ສນຊ ເຂັ້າຮ່ວມ.

info@lfnd.org.la | 021 213754 | (856-21) 453191