ສູນກາງແນວລາວສ້າງຊາດ

Lao Front For National Development

ຄະນະວິຊາການ ສນຊ ລົງເຄື່ອນໄຫວປະເມີນຄືນຄວາມຮັບຮູ້ກ່ຽວກັບວຽກງານແນວລາວສ້າງຊາດ

ວັນທີ 3 ພະຈິກ 2020 ນີ້, ຢູ່ຫ້ອງປະຊຸມແນວລາວສ້າງຊາດ ແຂວງຫຼວງນ້ຳທາ ໄດ້ຕ້ອນຮັບການລົງເຄື່ອງໄຫວເຮັດວຽກຂອງກົມກວດກາ ສູນກາງແນວລາວສ້າງຊາດ(ສນຊ) ນຳໂດຍທ່ານ ດາວັນ ໂຊ້ຕູ້ກີ ຮອງຫົວໜ້າກົມກວດກາ ສນຊ ພ້ອມດ້ວຍທີມງານ ແລະ ໃຫ້ການຕ້ອນຮັບຂອງທ່ານ ຄຳແສງ ປະດິດ ຮອງປະທານແນວລາວສ້າງຊາດແຂວງ,​ ມີບັນດາຫົວໜ້າ, ຮອງຫົວໜ້າຫ້ອງການ-ຂະແໜງການ ແລະ ປະທານ, ຮອງປະທານແນວລາວສ້າງຊາດເມືອງຫຼວງນ້ຳທາ, ວິຊາການແນວລາວສ້າງຊາດແຂວງ, ເມືອງເຂົ້າຮ່ວມ.

ຈຸດປະສົງການລົງເຄື່ອນໄຫວຄັ້ງນີ້ ແມ່ນລົງປະເມີນຄືນຄວາມຮັບຮູ້ກ່ຽວກັບວຽກງານແນວລາວສ້າງຊາດ ເພື່ອເຮັດໃຫ້ຄະນະຮັບຜິດຊອບກະກຽມການຄົ້ນຄ້ວາປື້ມຄູ່ມືການຮຽນ-ການສອນ ແລະ ການຝຶກອົບຮົມວຽກງານແນວລາວສ້າງຊາດ, ສູນຝຶກອົບຮົມ ສູນກາງແນວລາວສ້າງຊາດ ໃຫ້ເປັນລະບົບສອດຄ່ອງ ກັບສະພາບວຽກງານປະຈຸບັນ. ໃນນັ້ນ ທ່ານ ຄຳແສງ ປະດິດ ໄດ້ລາຍງານສະພາບລວມ ຂອງການເຄື່ອນໄຫວວຽກງານແນວລາວສ້າງຊາດ ຂອງແຂວງດັ່ງກ່າວ ຕະຫຼອດໄລຍະຜ່ານມາ ໃຫ້ທີມງາມ ຂອງສູນກາງແນວລາວສ້າງຊາດ ໄດ້ຮັບຊາບ.

 

info@lfnd.org.la | 021 213754 | (856-21) 453191