ສູນກາງແນວລາວສ້າງຊາດ

Lao Front For National Development

ຊາວໜຸ່ມອາສາມະໝັກ ສືບຕໍ່ປຸກເຮືອນຊ່ວຍເຫຼືອຄອບຄົວປະຊາຊົນ ທີ່ທຸກຍາກ ແລະ ອານະຖາ ຢູ່ເມືອງລ້ອງຊານ

ສະມາຊິກຊາວໜຸ່ມອາສາສະໝັກ (ຊາວໜຸ່ມຕະລຸມບອນ) ສູນກາງແນວລາວສ້າງຊາດ (ສນຊ), ສູນກາງຊາວໜຸ່ມປະຊາຊົນປະຕິວັດລາວ ແລະ ຊາວໜຸ່ມທະນາຄານ ພົງສະຫວັນ ລວມທັງໝົດ 22 ສະຫາຍ ໄດ້ສືບຕໍ່ປຸກເຮືອນຊ່ວຍເຫຼືອຄອບຄົວປະຊາຊົນທີ່ທຸກຍາກ ແລະ ອານະຖາ ຢູ່ກຸ່ມບ້ານໂພນສະຫວາດ ເມືອງລ້ອງຊານ ແຂວງໄຊສົມບູນ ລະຫວ່າງວັນທີ 31 ມັງກອນ – 4 ກຸມພາ 2018;

ການປຸກເຮືອນຊ່ວຍເຫຼືອຄອບຄົວປະຊາຊົນທີ່ທຸກຍາກ ແລະ ອານະຖາ ຈຳນວນ 5 ຫຼັງ ຢູ່ກຸ່ມບ້ານດັ່ງກ່າວ ໂດຍການໃຫ້ທຶນຊ່ວຍເຫຼືອລ້າ ໃນການຊື້ວັດສະດຸ ແລະ ວິຊາການກໍ່ສ້າງ ຈາກທະນາຄານພົງສະຫວັນ. ໃນນີ້, ຂະບວນການຊາວໜຸ່ມອາສາສະໝັກ ທີ່ໄປຊ່ວຍເຫຼືອດ້ານກຳລັງແຮງງານໃນການກໍ່ສ້າງ ແມ່ນໄດ້ເລີ່ມຕົ້ນມາແຕ່ເດືອນ ຕຸລາ 2017 ແລະ ຄັ້ງນີ້ໄດ້ສືບຕໍ່ເປັນຄັ້ງທີສອງ ເພື່ອໃຫ້ສຳເລັດຕາມແຜນການທີ່ວ່າງໄວ້. ຜ່ານການຈັດຕັ້ງປະຕິບັດຕົວຈິງ ແມ່ນສຳເລັດ 3 ຫຼັງ, ສ່ວນອີກ 2 ຫຼັງ ສຳເລັດ 90% ຄາດວ່າຈະໃຫ້ສຳເລັດ ແລະ ຈັດພິທີ ມອບ-ຮັບ ຢ່າງເປັນທາງການພາຍໃນເດືອນກຸມພານີ້;

ການປຸກເຮືອນຊ່ວຍເຫຼືອປະຊາຊົນທີ່ທຸກຍາກດັ່ງກ່າວ ແມ່ນກິດຈະກຳໜຶ່ງທີ່ຖືເປັນບູລິມະສິດໃນການແກ້ໄຂຄວາມທຸກຍາກໃຫ້ປະຊາຊົນ ຢູ່ເຂດພັດທະນາໂຄງການ, ພ້ອມທັງເປັນການຈັດຕັ້ງຜັນຂະຫຍາຍບົດບັນທຶກຊ່ວຍຈຳກ່ຽວກັບການຮ່ວມມືຈັດຕັ້ງປະຕິບັດໂຄງການ “ສ້າງຄອບຄົວ ແລະ ບ້ານສາມັກຄີປອງດອງ ຕິດພັນກັບການແກ້ໄຂຄວາມທຸກຍາກຂອງປະຊາຊົນບັນດາເຜົ່າ” ລະຫວ່າງ ສູນກາງແນວລາວສ້າງຊາດ ຮ່ວມກັບ ກຸ່ມບໍລິສັດ ພົງສະຫວັນ ຈຳກັດ ທີ່ໄດ້ເຊັນiຮ່ວມກັນຄັ້ງວັນທີ 26 ທັນວາ 2017 ໂດຍເອົາຈຸດສຸມກຸ່ມບ້ານໂພນສະອາດ ເມືອງລ້ອງຊານ ແຂວງໄຊສົມບູນ ເປັນຈຸດທົດລອງ ໃນໄລຍະ 3 ປີ (2018 – 2020).

info@lfnd.org.la | 021 213754 | (856-21) 453191