ສູນກາງແນວລາວສ້າງຊາດ

Lao Front For National Development

ຊຸກຍູ້ການກະກຽມ ແລະ ດໍາເນີນກອງປະຊຸມໃຫຍ່ 3 ຂັ້ນ ຂອງແນວລາວສ້າງຊາດ ຢູ່ແຂວງຫົວພັນ

     ທ່ານ ເຍ່ຍເກີຢ່າ ໜໍຈໍຈົງຕົວ ຮອງປະທານສູນກາງແນວລາວສ້າງຊາດ(ສນຊ) ພ້ອມດ້ວຍຄະນະ ໄດ້ເຄື່ອນໄຫວຊຸກຍູ້ການກະກຽມ ແລະ ດໍາເນີນກອງປະຊຸມໃຫຍ່ 3 ຂັ້ນ ຂອງແນວລາວສ້າງຊາດ ຕິດພັນກັບການກະກຽມ ແລະ ດໍາເນີນກອງປະຊຸມໃຫຍ່ 3 ຂັ້ນຂອງພັກ ຢູ່ແຂວງຫົວພັນ ໃນວັນທີ 28 ມີນາ 2024 ນີ້ ເຊິ່ງໄດ້ຮັບການຕ້ອນຮັບຈາກທ່ານ ເພີດ ມາປັນຍາ ຮອງເລຂາພັກແຂວງ ຜູ້ຊີ້ນຳວຽກງານພັກ-ພະນັກງານ, ທ່ານ ວົງເພັດ ກຽນສິງຮັກ ປະທານແນວລາວສ້າງຊາດແຂວງຫົວພັນ ແລະ ບັນດາທ່ານຮອງປະທານແນວລາວສ້າງຊາດແຂວງ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ.
     ທ່ານຮອງປະທານ ສນຊ ໄດ້ແຈ້ງຈຸດປະສົງການລົງເຄື່ອນໄຫວເຮັດວຽກ ໃນຄັ້ງນີ້ ໃຫ້ທີ່ປະຊຸມໄດ້ຮັບຊາບ. ພ້ອມກັນນີ້, ທ່ານປະທານແນວລາວສ້າງຊາດແຂວງຫົວພັນ ກໍ່ໄດ້ລາຍງານກ່ຽວກັບບາງຜົນງານທີ່ພົ້ນເດັ່ນ ໃນການເຄື່ອນໄຫວວຽກງານ ຂອງແນວລາວສ້າງຊາດ ໃນໄລຍະຜ່ານມາ ແລະ ທິດທາງແຜນການໃນຕໍ່ໜ້າ ພ້ອມທັງໄດ້ລາຍງານກ່ຽວກັບການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນ ຂອງແນວລາວສ້າງຊາດແຂວງ ໂດຍຫຍໍ້.
     ໂດກາດນີ້, ຄະນະຮັບຜິດຊອບຂອງ ສນຊ ກໍໄດ້ສະເໜີບາງເນື້ອໃນທີ່ສຳຄັນຂອງບັນດານິຕິກໍາທີ່ກ່ຽວຂ້ອງ ແລະ ຜູ້ເຂົ້າຮ່ວມກອງປະຊຸມໄດ້ພ້ອມກັນປະກອບຄໍາເຫັນຢ່າງສ້າງສັນກົງໄປກົງມາ ຕໍ່ບັນດາເນື້ອໃນຂອງນິຕິກໍາ ແລະ ບົດຮຽນຕົວຈິງໃນການຈັດຕັ້ງປະຕິບັດວຽກງານໃນໄລຍະຜ່ານມາ ເພື່ອແລກປ່ຽນນຳກັນ: ໂດຍສະເພາະແມ່ນວຽກງານບຸກຄະລາກອນ ແລະ ໂຄງປະກອບການຈັດຕັ້ງ ທີ່ກະກຽມ ແລະ ດໍາເນີນກອງປະຊຸມໃຫຍ່ 3 ຂັ້ນ ຂອງແນວລາວສ້າງຊາດ.
ຂ່າວ-ຮູບ: ເຢ້
ບ.ກ: ແພງພັນ
 
info@lfnd.org.la | 021 213754 | (856-21) 453191