ສູນກາງແນວລາວສ້າງຊາດ

Lao Front For National Development

ຊຸກຍູ້ການສ້າງຂະບວນການຕ້ອນຮັບ ກອງປະຊຸມພົບປະຜູ້ຊົງຄຸນວຸດທິບັນດາຊົນເຜົ່າທົ່ວປະເທດ

ໃນລະຫວ່າງທ້າຍເດືອນ ກໍລະກົດ 2018 ນີ້, ທ່ານ ຈັນທະວົງ ແສນອາມາດມົນຕີ ຮອງປະທານ ສູນກາງແນວລາວສ້າງຊາດ, ຫົວໜ້າອະນຸກຳມະການໂຄສະນາ-ຂະບວນການ ພ້ອມຄະນະໄດ້ເຄື່ອນໄຫວຊຸກຍູ້ການສ້າງຂະບວນການ ເພື່ອຂຳ່ນັບຮັບຕ້ອນ ກອງປະ ຊຸມພົບປະຜູ້ຊົງຄຸນວຸດທິບັນດາຊົນເຜົ່າທົ່ວປະເທດ ຄັ້ງທີ່ 3 ປີ 2018 ທີ່ແຂວງສາລະວັນ, ເຊກອງ ແລະ ອັດຕະປື.

ການເຄື່ອນໄຫວຊຸກຍູ້ການສ້າງຂະບວນການໃນຄັ້ງນີ້ ທ່ານ ຈັນທະວົງ ແສນອາມາດມົນຕີ ຮອງປະທານ ສູນກາງແນວລາວສ້າງຊາດ, ພ້ອມຄະນະ ໄດ້ພົບປະກັບຄະນະກຳມະການສູນກາງແນວລາວສ້າງຊາດ ອ້ອມຂ້າງແຂວງ, ກຳມະການແນວລາວສ້າງຊາດແຂວງ, ອົງການພາຄີຂອງແນວລາວສ້າງຊາດແຕ່ລະແຂວງ ພ້ອມດ້ວຍພະນັກງານແນວລາວສ້າງຊາດແຂວງສາລະວັນ, ເຊກອງ ແລະ ແຂວງອັດຕະປື. ໃນນີ້ ທ່ານ ຮອງປະທານ ສນຊ ໄດ້ແຈ້ງຈຸດປະສົງໃນການລົງຊຸກຍູ້ວຽກງານການສ້າງຂະບວນການ, ທ່ານຍັງໄດ້ເວົ້າເຖິງປະຫວັດຄວາມເປັນມາຂອງຜູ້ຊົງຄຸນວຸດທິ, ກິດຈະກຳທີ່ດຳເນີນໃນກອງປະຊຸມ, ການຕິດປ້າຍຄຳຂັວນ ແລະ ຂະ ບວນການແຂ່ງຂັນກິລາ ເພື່ອຂຳ່ນັບຮັບຕ້ອນ ກອງປະຊຸມພົບປະຜູ້ຊົງຄຸນວຸດທິບັນດາຊົນເຜົ່າທົ່ວປະເທດ, ພ້ອມກັນນັ້ນ, ຄະ ນະຍັງໄດ້ລົງໄປເກັບກຳຂໍ້ມູນຄອບຄົວຕົວແບບມີຈຳນວນ 4 ທ່ານ ທີ່ເປັນຄອບຄົວຕົວແບບຂອງຜູ້ຊົງຄຸນວຸດທິທີ່ເປັນຊົນເຜົ່າປະໂກະຢູ່ເມືອງສະມ່ວຍ ແຂວງສາລະວັນ ແລະ ໄດ້ເກັບກຳຂໍ້ມູນຄອບຄົວຕົວແບບມີຈຳນວນ 1 ທ່ານ ທີ່ເປັນຄອບຄົວຕົວແບບຂອງຜູ້ຊົງຄຸນວຸດທິທີ່ເປັນຊົນເຜົ່າຮາລັກຢູ່ເມືອງລະມາມ ແຂວງເຊກອງຕື່ມອີກ.

ໃນການເຄື່ອນໄຫວຊຸກຍູ້ຄັ້ງນີ້, ທ່ານ ຈັນທະວົງ ແສນອາມາດມົນຕີ ຮອງປະທານ ສນຊ ຍັງໄດ້ແນະນຳການກະກຽມບຸກຄະລາກອນທີ່ຈະເຂົ້າຮ່ວມກອງປະຊຸມ ແລະ ການນຸ່ງຖືແບບຊົນເຜົ່າໃນການເຂົ້າຮ່ວມກອງປະຊຸມຜູ້ຊົງຄຸນວຸດທິບັນດາຊົນເຜົ່າທົ່ວປະ ເທດ ຄັ້ງທີ່ 3 ປີ 2018 ທີ່ຈະຈັດຂຶ້ນໃນເດືອນ ສິງຫາ 2018 ນີ້.

info@lfnd.org.la | 021 213754 | (856-21) 453191