ສູນກາງແນວລາວສ້າງຊາດ

Lao Front For National Development

ທ່ານຮອງປະທານ ສນຊ ມອບເຄື່ອງຊ່ວຍເຫຼືອໃຫ້ປະຊາຊົນຜູ້ປະສົບໄພນໍ້າຖ້ວມ ຢູ່ແຂວງຈຳປາສັກ

ວັນທີ 5 ສິງຫາ 2017 ນີ້, ທ່ານ ນາງ ຍອດແກ້ວມະນີ ສຸພານຸວົງ ຮອງປະທານສູນກາງແນວລາວສ້າງຊາດ ພ້ອມດ້ວຍຄະນະໄດ້ ໄປຢ້ຽມຢາມ, ພົບປະ ແລະ ມອບເຄື່ອງຊ່ວຍເຫຼືອບັນເທົາທຸກ ໃຫ້ປະຊາຊົນທີ່ປະສົບໄພນໍ້າຖ້ວນທີ່ບ້ານນາຂາມ ເມືອງຊະນະສົມ ບູນ ແຂວງຈຳປາສັກ

ເຄື່ອງທີ່ນຳໄປມອບໃນຄັ້ງນີ້ມີເຄື່ອງອຸປະໂພກ ແລະ ບໍລິໂພກ ຄື: ເຄື່ອງນຸ່ງຫົ່ມ, ໝີ່ໄວໆ, ນໍ້າປາ, ປາກະປ໋ອງ ແລະ ນໍ້າດື່ມ ລວມເປັນມູນຄ່າ 15,500,000 ກີບ (ສິບຫ້າລ້ານຫ້າແສນກີບ) ກ່າວມອບໂດຍ ທ່ານຮອງປະທານສູນກາງແນວລາວສ້າງ ຊາດ ກ່າວຮັບໂດຍ ທ່ານ ສຸບັນ ໄຕໄຊຍະວົງ ຮອງເລຂາພັກເມືອງ ຮອງເຈົ້າເມືອງຊະນະສົມບູນ ມີແນວລາວສ້າງຊາດແຂວງ ຈຳປາສັກ, ແນວລາວສ້າງຊາດເມືອງ, ອຳນາດການປົກຄອງບ້ານ ເຂົ້່າຮ່ວມທີ່ບ້ານນາຂາມ.

ໂອກາດນີ້, ຄະນະກຳມະການປ້ອງກັນ ແລະ ຄວບຄຸມໄພພິບັດຂັ້ນເມືອງ ໄດ້ລາຍງານສະພາບລວມຜົນການກະທົບຈາກນໍ້າ ຖ້ວມໃນຄັ້ງນີ້ ເຊິ່ງໄດ້ກ່າວ່າ: ວັນທີ 26-27 ກໍລະກົດ 2017 ໄດ້ມີຝົນຕົກໜັກເຮັດໃຫ້ນໍ້າຖ້ວມ ຢູ່ບ້ານນາຂາມ ເນື້ອທີ່ທັງໝົດ 382 ເຮັກຕາ, ຖ້ວມເຮືອນປະຊາຊົນ 45 ຄອບຄົວ, ເນື້ອທີທຳການຜະລິດ 84,19 ເຮັກຕາ ແລະ ໜອງປາ 10 ໜອງ ເຮັດ ໃຫ້ມີຜົນເສຍຫາຍຢ່າງຫຼວງຫຼາຍ ແລະ ຄະນະກຳມະການປ້ອງກັນ, ອຳນາດການປົກຄອງບ້ານ ຍັງສືບຕໍ່ດຳເນີນສຳຫຼວດຜົນ ເສຍຫາຍຕົວຈິງຕື່ມອີກ. ພ້ອມນີ້, ທ່ານ ຮອງເລຂາພັກເມືອງຊະນະສົມບູນ ໄດ້ສະແດງຄວາມຂອບໃຈເປັນຢ່າງຍິ່ງຕໍ່ຂັ້ນເທິງ ທີ່ໄດ້ມີຄວາມເປັນຫ່ວງເປັນໄຍປະຊາຊົນທີ່ປະສົບໄພນໍ້າຖ້ວມໃນຄັ້ງນີ້ ແລະ ກ່າວຕື່ມວ່າ: ເຄື່ອງທີ່ໄດ້ຮັບນີ້ຈະແບ່ງໃຫ້ປະຊາຊົນ ກໍຄືບັນດາຄອບຄົວທີ່ປະສົບໄພນໍ້າຖ້ວມໃຫ້ທົ່ວເຖີງ.

ໂອກາດໄປມອບເຄື່ອງຊ່ວຍປະຊາຊົນໃນຄັ້ງນີ້, ທ່ານຮອງປະທານສູນກາງແນວລາວສ້າງຊາດ ພ້ອມດ້ວຍຄະນະໄດ້ພົບປະ ແລະ ເຮັດວຽກກັບແນວລາວສ້າງຊາດແຂວງ ໃນນີ້, ທ່ານ ພວງເພັດ ສອນທະລາດ ຮອງປະທານແນວລາວສ້າງຊາດ ແຂວງຈຳປາ ສັກ ໄດ້ລາຍງານສະພາບລວມໃນການຈັດຕັ້ງປະຕິບັດວຽກງານແນວລາວສ້າງຊາດໄລຍະຜ່ານມາໃຫ້ຮັບຊາບ ພ້ອມກັນນີ້, ຄະ ນະກໍ່ໄດ້ໄປຢ້ຽມຢາມແນວລາວສ້າງຊາດ ເມືອງຈຳປາສັກ ແລະ ວັດພູຈຳປາສັກ ຕື່ມອີກ.

info@lfnd.org.la | 021 213754 | (856-21) 453191