ສູນກາງແນວລາວສ້າງຊາດ

Lao Front For National Development

ທ່ານຮອງປະທານ ສນຊ ຢ້ຽມຢາມ ແລະ ໂອ້ລົມປະຊາຊົນ ບ້ານຈຸນລາ

ທ່ານ ຄໍາຫຼ້າ ລິ້ງນະສອນ ຮອງປະທານສູນກາງແນວລາວສ້າງຊາດ (ສນຊ) ພ້ອມດ້ວຍຄະນະ ໄດ້ລົງຢ້ຽມຢາມ ແລະ ເຮັດວຽກທີ່ ບ້ານຈຸນລາ ເຊິ່ງເປັນບ້ານພັດທະນາຂອງເມືອງທ່າແຕງ ແຂວງເຊກອງ ໂດຍມີແນວລາວສ້າງຊາດແຂວງ, ເມືອງ, ບ້ານ ແລະ ອົງ ການປົກຄອງບ້ານ ຕະຫຼອດຮອດພໍ່ແມ່ປະຊາຊົນເຂົ້າຮ່ວມ, ໃນວັນທີ 19 ຕຸລາ 2017.

ບ້ານຈຸນລາ ແມ່ນບ້ານໜຶ່ງທີ່ນອນໃນ 47 ບ້ານ ເມືອງທ່າແຕງ ຕັ້ງຢູ່ລຽບເສັ້ນທາງເລກທີ່ 16 ມີເນື້ອທີທັງໝົດ 2972,38 ເຮັກຕາ ມີ 426 ຄອບຄົວ ມີພົນລະເມືອງ 2378 ຄົນ ຍິງ 1081 ຄົນ ປະກອບດ້ວຍ 5 ຊົນເຜົ່າ: ເຜົ່າຊ່ວຍ, ລາວລຸ່ມ, ເຜົ່າອາຣັກ, ເຜົ່າແງະ ແລະ ເຜົ່າກະຕູ ຖືການປູກຝັງລ້ຽງສັດ ເປັນອາຊີບຕົ້ນຕໍ ແລະ ປູກຢາງພາລາເປັນອາຊີບສໍາ ຮອງ. ທ່ານ ພູຂາວ ເລຂາພັກບ້ານ, ນາຍບ້ານບ້ານຈຸນລາ ໄດ້ລາຍງານໃຫ້ຮູ້ວ່າ ໃນໄລຍະຜ່ານມາ ບ້ານຈຸນລາສາມາດຍາດໄດ້ ຜົນງານຫຼາຍດ້ານ ຍ້ອນຖືເອົາມະຕິຂອງກົມການເມືອງສູນກາງພັກ ສະບັບເລກທີ 25/ກມສພ ລົງວັນທີ 22 ທັນວາ 2014 ວ່າດ້ວຍທິດທາງເປົ້າໝາຍ ແລະ ມາດຖານກ່ນສ້າງແຂວງ ໃຫ້ເປັນຫົວໜ່ວຍຍຸດທະສາດ, ສ້າງເມືອງໃຫ້ເປັນຫົວໜ່ວຍເຂັ້ມ ແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະນາ. ດັ່ງນັ້ນ, ຄະນະພັກ, ອົງການປົກຄອງບ້ານ ຈຶ່ງໄດ້ສຸມໃສ່ຊຸກຍູ້ໃຫ້ພໍ່ ແມ່ປະຊາຊົນພາຍໃນບ້ານ ເຮັດການຜະລິດ ໃນເນື້ອທີທໍາການຜະລິດ 247 ເຮັກຕາ ໄດ້ຮັບຜົນຜະລິດ 3,5 ໂຕນ/ເຮັກຕາ ສາ ມາດສ້າງໄດ້ຄອບຄົວຕົວແບບໃນການປູກເຂົ້າ, ສາມາດຜະລິດເຂົ້າໄດ້ 25ໂຕນ/ປີ. ສາມາດສ້າງໃຫ້ມີຄອບຄົວຕົວແບບຄອບ ຄົວລ້ຽງສັດ ລ້ຽງງົວ 80 ໂຕ/ຄອບຄົວ ພ້ອມທັງລ້ຽງປາ ແລະ ໝູ່ 50-60ໂຕ/ຄອບຄົວ ພາຍໃນບ້ານສາມາດຫຼຸດພົ້ນຈາກ ຄວາມທຸກຍາກ 99% ຍັງເຫຼືອພຽງຄອບຄົວດຽວທີຍັງຂາດເຂີນ ແຕ່ແນວໃດກໍຕາມອົງການປົກຄອງຈະສືບຕໍ່ຊ່ວຍເຫຼືອ ແລະ ຊຸກຍູ້ໃຫ້ພົ້ນທຸກ 100% ໃນຕໍ່ໜ້າ, ຕໍ່ຜົນງານດັ່ງກ່າວຍ້ອນການເອົາໃຈໃສ່ຂອງການນໍາພັກລັດຂັ້ນສູນກາງ, ຂັ້ນ ແຂວງ ແລະ ຂັ້ນເມືອງ ພ້ອມດ້ວຍ ທະນາຄານນະໂຍບາຍ ທີ່ສະນັບສະໜູນແຫຼ່ງທຶນຈໍານວນ 4 ຕື້ກວ່າ ເຊີ່ງສາມາດເພີ່ມລາຍ ໄດ້ໃຫ້ພໍ່ແມ່ປະຊາຊົນ ຈາກ 4,5 ລ້ານ/ຄົນ/ປີ ໃນເມື່ອກ່ອນ ເພີ່ມມາເປັນ 8-9ລ້ານ/ຄົນ/ປີ ໃນປັດຈຸບັນ ເຊິ່ງເທົ່າກັບ 1000 ໂດລາ/ຄົນ/ປີ ດ້ານພື້ນຖານໂຄງລ່າງ ມີນໍ້າໃຊ້ ໄຟສະດວກ ມີໂຮງຮຽນປະຖົມ 3 ແຫ່ງ, ມັດທະຍົມ 1 ແຫ່ງ ເດັກນ້ອຍອາຍຸ 5 ປີຂຶ້ນໄປໄດ້ເຂົ້າໂຮງຮຽນ 100% ສາມາດປະກາດໄດ້ບ້ານລົບລ້າງຄວາມກືກໜັງສື ມີສຸກສາລາ 1 ແຫ່ງ ເດັກ ອາຍຸ 0 ວັນ – 1 ປີ ແມ່ຍິງ 15-45 ໄດ້ຮັບການສັກຢາສະໝໍ່າສະເໝີ ບ້ານຈຸນລາ ໂດຍພືນຖານແມ່ນມີຄວາມສະຫົງບ ແລະ ເປັບບ້ານໜຶ່ງ ທີ່ຜ່ານ 19 ມາດຖານ 13 ນາມມະຍົດ ຂອງຂະບວນການ 3 ສ້າງ ແລະ ຖືກຮັບຮອງເປັນບ້ານພັດທະນາໃນວັນທີ 15 ມິຖຸນາ 2017.


ໃນໂອກາດລົງເຮັດວຽກ ແລະ ຢ້ຽມບ້ານຈຸນລາ ທ່ານ ຄໍາຫຼ້າ ລິ້ງນະສອນ ໄດ້ໂອ້ລົມຕໍ່ອົງການປົກຄອງ ແລະ ປະຊາຊົນໃນ ບ້ານ ກ່ອນອື່ນທ່ານໄດ້ຍ້ອງຍໍຊົມເຊີຍຕໍ່ຜົນງານທີ່ບ້ານຈຸນລາຍາດມາໄດ້ໃນໄລຍະ 5 ປີ ຜ່ານມາ ທາງດ້ານການຈັດຕັ້ງ ແລະ ການພັດທະນາຊີວິດການເປັນຢູ່ຂອງຕົນດີຂຶ້ນເທື່ອລະກ້າວ ແລະ ຮຽກຮ້ອງໃຫ້ສືບຕໍ່ສ້າງຜົນງານ ແລະ ຮັກສາຄວາມສາມັກ ຄີປອງດອງຂອງປະຊາຊົນລາວບັນດາເຜົ່າ ພ້ອມກັນນໍາເອົາວຽກງານການສ້າງຄອບຄົວ ແລະ ບ້ານສາມັກຄີປອງດອງ ຕິດພັນ ກັບວຽກງານ 3 ສ້າງ ເຊິ່ງແມ່ນແນວລາວສ້າງຊາດ ຮັບຜິດຊອບໃຫ້ກາຍເປັນມາດຖານໜຶ່ງຂອງການສ້າງບ້ານພັດທະນາໃຫ້ ປະກົດຜົນເປັນຈິງ.

info@lfnd.org.la | 021 213754 | (856-21) 453191