ສູນກາງແນວລາວສ້າງຊາດ

Lao Front For National Development

ທ່ານຮອງປະທານ ສນຊ ໂອ້ລົມຕໍ່ກອງປະຊຸມຄົບຄະນະກໍາມະການແນວລາວສ້າງຊາດ ນະຄອນຫຼວງວຽງຈັນ ຄັ້ງທີ 2 ສະໄໝ VII

ທ່ານ ນາງ ຄໍາຈັນ ພົມແສງສະຫວັນ, ຮອງປະທານສູນກາງແນວລາວສ້າງຊາດ (ສນຊ), ເປັນກຽດເຂົ້າຮ່ວມກອງປະຊຸມຄົບຄະນະ ກໍາມະການແນວລາວສ້າງຊາດ ນະຄອນຫຼວງວຽງຈັນ ຄັ້ງທີ 2 ສະໄໝ VII, ໃນວັນທີ 13 ຕຸລາ 2017, ທີ່ສໍານັກງານປົກຄອງນະ ຄອນຫຼວງວຽງຈັນ.

ໂດຍມີ ທ່ານ ບຸນທຽງ ຂຸນສີ ຄະນະປະຈໍາພັກ, ປະທານແນວລາວສ້າງຊາດນະຄອນຫຼວງວຽງຈັນ ເປັນປະທານກອງປະຊຸມ, ມີ ບັນດາທ່ານເຈົ້າເມືອງອ້ອມຂ້າງນະຄອນຫຼວງວຽງຈັນ, ບັນດາກໍາມະການແນວລາວສ້າງຊາດນະຄອນຫຼວງວຽງຈັນ, ພະແນກ ການ ແລະ ອົງການຈັດຕັ້ງມະຫາຊົນ ເຂົ້າຮ່ວມ ທັງໝົດ 112 ທ່ານ, ຍິງ 17 ທ່ານ ພຮະສົງ 6 ອົງ.


ກອງປະຊຸມຄັ້ງນີ້ ໄດ້ຮັບຟັງການລາຍງານສະຫຼຸບຕີລາຄາຜົນການຈັດຕັ້ງປະຕິບັດວຽກງານແນວລາວສ້າງຊາດ ຕະຫຼອດໄລຍະ 1 ປີຜ່ານມາ ແລະ ທິດທາງແຜນການແຕ່ນີ້ ຮອດປີ 2020 ຂອງແນວລາວສ້າງຊາດ ນະຄອນຫຼວງວຽງຈັນ.

ໃນໂອກາດນີ້, ທ່ານ ນາງ ຄໍາຈັນ ພົມແສງສະຫວັນ ໄດ້ມີຄໍາເຫັນໂອ້ລົມຕໍ່ກອງປະຊຸມ ເຊິ່ງໄດ້ເນັ້ນບາງວຽກງານທີ່ສໍາຄັນ ແລະ ຄວນເອົາໃສ່ໂດຍສະເພາະແມ່ນການສ້າງຄອບຄົວ ແລະ ບ້ານສາມັກຄີປອງດອງ. ນອກຈາກນີ້, ໃຫ້ເອົາໃຈໃສ່ປັບປຸງກົງຈັກ ການຈັດຕັ້ງ, ການລົງໃກ້ສິດຕິດແທດກັບປະຊາຊົນເກັບກໍາຄວາມຂັດຂ້ອງໝອງໃຈ ຫາງສຽງຂອງປະຊາຊົນ ເພື່ອສ່ອງແສງ ລາຍງານຕໍ່ລັດຖະບານ, ການພົວພັນຮ່ວມມືກັບຕ່າງປະເທດກໍ່ສາມາດຍາດແຍ່ງເອົາການຮ່ວມມື ແລະ ບົດຮຽນທີ່ດີ; ພ້ອມ ກັນນີ້ ແນວລາວສ້າງຊາດກໍ່ຕ້ອງໄດ້ຕັ້ງໜ້າເຄື່ອນໄຫວຕາມພາລະບົດບາດ ແລະ ເອົາໃຈໃສ່ໃນການປະກອບສ່ວນເຂົ້າໃນການ ຈັດຕັ້ງປະຕິບັດແຜນການພັດທະນາ ເສດຖະກິດ-ສັງຄົມ 5 ປີ ຄັ້ງທີ VIII ຂອງລັດ ເຮັດໃຫ້ນະຄອນຫຼວງວຽງຈັນ ຂອງພວກ ເຮົາມີຄວາມສະຫງົບ, ມີສະຖຽນລະພາບທາງດ້ານການເມືອງ, ການສ້າງສາພັດທະນາເສດຖະກິດ-ສັງຄົມມີການຂະຫຍາຍຕົວ ຢ່າງຕໍ່ເນື່ອງ, ຊີວິດການເປັນຢູ່ຂອງປະຊາຊົນນັບມື້ນັບດີຂຶ້ນ. ຢາກມີຜົນສໍາເລັດທີ່ກ່າວມານັ້ນກ່ອນອື່ນກໍ່ຍ້ອນການຊີ້ນໍາໆພາ ຂອງຄະນະພັກ-ຄະນະນໍາ ດ້ວຍຄວາມຮັບຜິດຊອບສູງຂອງປະທານ, ຮອງປະທານແນວລາວສ້າງຊາດ, ຄະນະກໍາມະການແນວ ລາວສ້າງຊາດທຸກທ່ານ ແລະ ທຸກຂົງເຂດໄດ້ປະກອບສ່ວນ ໃຫ້ການສະໜັບສະໜູນເຊິ່ງກັນ ແລະ ກັນ ເພື່ອເຮັດໃຫ້ນະຄອນ ຫຼວງວຽງຈັນ ສໍາເລັດໃນການປະຕິບັດໄດ້ 6 ສ ພາຍໃຕ້ການຊີ້ນໍາໆພາຂອງອົງຄະນະພັກນະຄອນຫຼວງວຽງຈັນ. ອີກເທື່ອໜຶ່ງຂ້າ ພະເຈົ້າຕາງໜ້າສູນກາງແນວລາວສ້າງຊາດ ຂໍສະແດງຄວາມຍ້ອງຍໍຊົມເຊີຍຕໍ່ຜົນງານອັນພົ້ນເດັ່ນທີ່ສາມາດຍາດມາໄດ້ ໃນ 1 ປີ ຜ່ານມາ.

info@lfnd.org.la | 021 213754 | (856-21) 453191