ສູນກາງແນວລາວສ້າງຊາດ

Lao Front For National Development

ທ່ານຮອງເລຂາພັກແຂວງໄຊສົມບູນ ແລະ ປະທານແນວລາວສ້າງຊາດແຂວງໄດ້ລົງຕິຕາມຊຸກຍູ້ໂຄງການສ້າງຄອບຄົວ ແລະ ບ້ານສາມັກຄີປອງດອງ

ໃນຕອນເຊົ້າຂອງວັນທີ 19 ມີນາ 2021 ນີ້ ທ່ານ ພອຍຄຳ ຮຸ່ງບຸນຍວງ ຮອງເລຂາພັກແຂວງ ແລະ ທ່ານ ເລັ່ງຊົ່ງ ຕົ່ງສີ ຄະນະປະຈຳພັກແຂວງ ປະທານແນວລາວສ້າງຊາດແຂວງ ໄດ້ລົງຕິຕາມຊູດຍູ້ໂຄງການສ້າງຄອບຄົວ ແລະ ບ້ານສາມັກຄີປອງດອງ ຕິດພັນກັບການແກ້ໄຂຄວາມທຸກຍາກ ຂອງປະຊາຊົນບັນດາເຜົ່າ ຢູ່ເຂດຈຸດສຸມ ໂພສະຫວາດ 516 ເມືອງລ້ອງຊານ ແຂວງໄຊສົມບູນ.

ໂອາກາດນີ້, ໄດ້ຮັບຟັງການລາຍງານການເຄື່ອນໄຫວຈາກຫົວໜ້າບໍລິຫານໂຄງການວ່າ ປະຈຸບັນໂຄງການແມ່ນມີຄວາມຄືບໜ້າຫຼາຍໃນການຈັດຕັ້ງປະຕິບັດກິດຈະກຳຂອງໂຄງການເຊັ່ນ: ໄດ້ກໍ່ສ້າງສູນຝືກອົບຮົມ 1 ຫຼັງ, ຫໍພັກພະນັກງານ 2 ຫຼັງ, ບຸກເບີກທາງແຕ່ສູນຝືກອົບຮົມຫາແຄມອ່າງນໍ້າງຶ່ນ, ບໍ່ນໍ້າບາດານ 3 ບໍ່, ອ່າງເກັບນໍ້າ 3 ອ່າງ, ກໍ່ສ້າງຫໍພັກ 19 ຫ້ອງສຳເລັດ 58%, ເຮືອນພັກຕາດອາກາດ 2 ຫຼັງ, ປັບສະຖານທີ່ຕັ້ງເຮືອນຊົນເຜົ່າ, ສ້າງເຮືອນຮົ່ມ 14 ຫຼັງ ແລະ ປັບສະຖານທີ່ຕັ້ງເຮືອນຮົ່ມອີກ 12 ຫຼັງ, ຕິດຕັ້ງໄຟຟ້າໝໍ້ແປງ 500 ແອນ, ໄຟຟ້າພະລັງງານແສງດວງອາທິດ 40 ຊຸດສໍາເລັດ ແລະ ໄດ້ທົດລອງການປູກຝັງເຊັ່ນ: ປູກເຫັດ, ປູກໝາກແຕງເມລອນ, ປູກໄມ້ໃຫ້ໝາກ, ປູກໝາກມັງກອນ, ປູກເຂົ້າໃນໂອ່ງ, ປູກໝາກເລັ່ນ ແລະ ໄດ້ມີການລ້ຽງສັດ ຄື: ງົວນົມ, ໝູປ່າ, ແບ້ພື້ນເມືອງ, ໄກ່ດູກດຳ, ເປັດແທບ ແລະ ລ້ຽງປາ ເປັນຕົ້ນ.

info@lfnd.org.la | 021 213754 | (856-21) 453191