ສູນກາງແນວລາວສ້າງຊາດ

Lao Front For National Development

ທ່ານ ປະທານ ສນຊ ຮັບປຶ້ມ “ໄກສອນ ພົມວິຫານ ພົມ 4 ດ້ານ”

ໃນວັນທີ 11 ພະຈິກ 2019 ນີ້, ທ່ານ ປອ ໄຊສົມພອນ ພົມວິຫານ ກຳມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ ໄດ້ຮັບປື້ມ “ໄກສອນ ພົມວິຫານ ພົມ 4 ດ້ານ” ຈໍານວນ 1,000 ເຫຼັ້ມ ລວມເປັນມູນຄ່າ 60,000,000 ກີບ, ກ່າວມອບໂດຍ ທ່ານ ລີຮຸຍ ຜູ້ອໍານວຍການໃຫຍ່ບໍລິສັດ ພັດທະນາວິທະຍາສາດ ແລະ ເທັກໂນໂລຢີລາວ ຈຳກັດ ແລະ ທ່ານ ກາບແກ້ວ ທຳມະວົງ ເຊິ່ງເປັນຜູ້ຮຽບຮຽງປື້ມ.

ປື້ມ “ໄກສອນ ພົມວິຫານ ພົມ 4 ດ້ານ” ເປັນປື້ມອັດຕະຊີວະປະຫວັດແບບສ້າງແຮງບັນດາໃຈ ຂອງປະທານ ໄກສອນ ພົມວິຫານ ຜູ້ນຳທີ່ແສນເຄົາລົບຮັກຂອງພວກເຮົາ. ປື້ມດັ່ງກ່າວມີທັງໝົດ 19 ບົດ ທີ່ເລົ່າຫຍໍ້ຊີວິດ ແລະການເຄື່ອນໄຫວປະຕິວັດ ຂອງປະທານໄກສອນ ພົມວິຫານ ໂດຍເລີ່ມຈາກມື້ກຳເນີດ, ເຕີບໃຫຍ່ ແລະ ຈົນກາຍເປັນຜູ້ນຳສູງສຸດຂອງປະເທດລາວເຮົາ.

ປື້ມ “ໄກສອນ ພົມວິຫານ ພົມ 4 ດ້ານ” ມີຈຸດປະສົງເພື່ອສ້າງແຮງບັນດາໃຈໃຫ້ຄົນຮຸ່ນໜຸ່ມ ໄດ້ຮຽນເອົາຄຸນສົມບັດອັນລ້ຳເລີດຂອງປະທານ ໄກສອນ ພົມວິຫານ ເຂົ້າໃນຊີວິດ, ວຽກງານ, ແລະ ການພັດທະນາຕົນເອງ ໃຫ້ກາຍເປັນຄົນດີ, ຄົນເກັ່ງ ແລະ ມີຄຸນສົມບັດສິນທຳປະຕິວັດ.

info@lfnd.org.la | 021 213754 | (856-21) 453191