ສູນກາງແນວລາວສ້າງຊາດ

Lao Front For National Development

ທ່ານ ສີສະຫວາດ ແກ້ວບຸນພັນ ຢ້ຽມຢາມ ແລະ ເຮັດວຽກ ຢູ່ແຂວງຜົ້ງສາລີ

ເນື່ອງໃນໂອກາດທີ່ ທ່ານ ສີສະຫວາດ ແກ້ວບຸນພັນ ອາດີດກໍາມະການກົມການເມືອງສູນກາງພັກ, ອາດີດປະທານສູນກາງແນວ ລາວສ້າງຊາດ ເຄື່ອນໄຫວຢ້ຽມຢາມແຂວງຜົ້ງສາລີ, ທ່ານໄດ້ເປັນກຽດພົບປະໂອ້ລົມຄະນະພັກ, ຄະນະປະຈໍາພັກແຂວງ ທີ່ຫ້ອງປະຊຸມຫ້ອງວ່າການແຂວງຜົ້ງສາລີ ໃນວັນທີ 7 ພະຈິກ 2017,

ທ່ານ ຄໍາເຈນ ວົງໂພສີ ກໍາມະການສູນກາງພັກ, ເລຂາພັກແຂວງ, ເຈົ້າແຂວງໆຜົ້ງສາລີ ໄດ້ລາຍງານສະພາບລວມ ແລະ ຈຸດພິ ເສດຂອງແຂວງໂດຍສັງເຂບ ເຊິ່ງທ່ານຍົກໃຫ້ຮູ້ວ່າ: ຍາມໃດຄະນະພັກ, ຄະນະນໍາແຕ່ລະຂັ້ນແຂວງຜົ້ງສາລີ ກໍ່ໄດ້ເອົາໃຈໃສ່ສຶກ ສາອົບຮົມການເມືອງແນວຄິດໃຫ້ແກ່ພະນັກງານ-ລັດຖະກອນ ທີ່ເປັນສະມາຊິກພັກ, ທະຫານ-ຕໍາຫຼວດ ຕະຫຼອດຮອດປະຊາ ຊົນລາວບັນດາເຜົ່າ ດ້ວຍຫຼາຍຮູບຫຼາຍສີເຮັດໃຫ້ແຂວງຜົ້ງສາລີ ມີຄວາມສະຫງົບໂດຍພື້ນຖານ, ຂົງເຂດການພັດທະນາ ແລະ ແກ້ໄຂຄວາມທຸກຍາກແມ່ນໄດ້ເອົາໃຈໃສ່ປັບປຸງ ແລະ ຍົກລະດັບພື້ນຖານໂຄ່ງລ່າງທາງດ້ານເສດຖະກິດ-ສັງຄົມ ຕາມທຶນທີ່ ລັດຖະບານອະນຸມັດ ແລະ ມີການປະກອບສ່ວນຂອງພາກສ່ວນເສດຖະກິດຕ່າງໆທາງພາຍໃນ ແລະ ຕ່າງປະເທດ ກໍ່ຄືປະຊາ ຊົນລາວບັນດາເຜົ່າ. ມາເຖິງປະຈຸບັນເຫັນວ່າ ຊີວິດການເປັນຢູ່ຂອງປະຊາຊົນນັບມື້ນັບດີຂຶ້ນເລື້ອຍໆ ແຕ່ຄຽງຄູ່ກັບດ້ານດີ ແລະ ຜົນງານນີ້, ກໍ່ຍັງຫຼາຍບັນຫາທີ່ຫຍຸ້ງຍາກ ເພາະແຂວງຜົ້ງສາລີ ເປັນແຂວງໜຶ່ງທີ່ຢູ່ເຂດພູດອຍພື້ນຖານການຜະລິດບໍ່ ສະດວກໃນການພັດທະນາ.

ໃນໂອກາດນີ້, ທ່ານ ສີສະຫວາດ ແກ້ວບຸນພັນ ກໍ່ໄດ້ສະແດງຄວາມຍ້ອງຍໍຊົມເຊີຍຕໍ່ຄະນະພັກ, ຄະນະນໍາແຂວງຜົ້ງສາລີ ທີ່ມີ ຜົນງານອັນພົ້ນເດັ່ນໃນໄລຍະທີ່ຜ່ານມາ ໂດຍສະເພາະໄດ້ສູ້ຊົນຈັດຕັ້ງປະຕິບັດ 6 ທາງອອກ ທີ່ຄະນະພັກແຂວງໄດ້ວາງອອກ ສໍາເລັດຜົນເປັນກ້າວໆມາ; ແຕ່ຄຽງຄູ່ກັບຜົນງານທີ່ພົ້ນເດັ່ນນີ້, ຄະນະພັກ, ຄະນະນໍາຕ້ອງໄດ້ສືບຕໍ່ບຸກທະລຸໃນການແກ້ໄຂ ຄວາມທຸກຍາກຂອງປະຊາຊົນລາວບັນດາເຜົ່າ ພາຍໃນແຂວງໃຫ້ລຸດພົ້ນອອກຈາກຄວາມທຸກຍາກເປັນເທື່ອລະກ້າວ, ສືບຕໍ່ ຊຸກຍູ້ປະຊາຊົນຜະລິດສິ້ນຄ້າໂດຍອີງໃສ່ທ່າແຮງບົ້ມຊ້ອນຂອງແຕ່ລະທ້ອງຖິ່ນໃນການພັດທະນາ ຈິ່ງຈະເຮັດໃຫ້ແຂວງຜົ້ງສາລີ ແຕ່ນີ້ຮອດປີ 2020 ໃຫ້ສາມາດປະກາດເປັນແຂວງທີ່ພົ້ນທຸກ.

info@lfnd.org.la | 021 213754 | (856-21) 453191