ທ່ານ ຈັນທະວົງ ແສນອາມາດມົນຕີ ຮອງປະທານສູນກາງແນວລາວສ້າງຊາດ ພ້ອມດ້ວຍຄະນະ ໄດ້ພົບປະຢ້ຽມຢາມແນວລາວສ້າງຊາດແຂວງ ສະຫວັນນະເຂດ ໃນວັນທີ 14 ມັງກອນ 2022 ນີ້. ທີ່ຫ້ອງການແນວລາວສ້າງຊາດແຂວງ ໂດຍການຕ້ອນຮັບຂອງທ່ານ ຄໍາແພງ ເພັດທຸມພອນ ຄະນະປະຈໍາພັກແຂວງ ປະທານແນວລາວສ້າງຊາດແຂວງ.

ເຊິ່ງການພົບປະຢ້ຽມຢາມໃນຄັ້ງນີ້ ເພື່ອປຶກສາຫາລື ແລກປ່ຽນຄວາມຄິດເຫັນ ເພື່ອການສ້າງໂຄງການໃນການພັດທະນາພື້ນຖານໂຄງລ່າງ, ສ້າງຄວາມສາມັກຄີປອງດອງປະຊາຊົນລາວບັນດາເຜົ່າພາຍໃນເມືອງ ເປັນຕົ້ນ: ເປົ້າໝາຍ ກໍຄື ເມືອງ ນອງ ເຊິ່ງແນ່ໃສ່ໃນການພັດທະນາດ້ານການສຶກສາ ໂດຍການສ້າງ-ປັບປຸງໂຮງຮຽນ, ອຸປະກອນການຮຽນ-ການສອນ, ການສ້າງ-ປັບປຸງວຽກງານສາທາລະນະສຸກ, ວັດວາອາຮາມ, ວຽກງານຊຸກຍູ້ສົ່ງເສີມກອງທຶນພັດທະນາຂັ້ນບ້ານ, ວຽກງານສົ່ງເສີມການປູກຟັງ, ລ້ຽງສັດໃຫ້ກາຍເປັນສິນຄ້າ, ວຽກງານກະສິກໍາ ແລະ ວຽກງານ ອື່ນໆທີ່ກ່ຽວຂ້ອງ ເພື່ອປັບປຸງຊິວິດການເປັນຢູ່ຂອງປະຊາຊົນໃຫ້ດີຂຶ້ນ ແລະ ກາຍເປັນເມືອງທີ່ພົ້ນທຸກໃນຕໍ່ໜ້າ.

ນອກຈາກນັ້ນ, ທ່ານຮອງປະທານ ສນຊ ຍັງໄດ້ມອບເຄື່ອງຊ່ວຍເຫຼືອຈໍານວນໜຶ່ງໃຫ້ແນວລາວສ້າງຊາດແຂວງ ເພື່ອນໍາໄປມອບຕໍ່ໃຫ້ບັນດາເມືອງໃນແຂວງຕື່ມອີກ. ຫລັງຈາກນັ້ນ, ທ່ານຮອງປະທານສູນການແນວລາວສ້າງຊາດ ພ້ອມຄະນະໄດ້ໄປພົບປະຢ້ຽມຢາມ ຄະນະກໍາມະການສູນກາງແນວລາວສ້າງຊາດ ແລະ ກໍາມະການແນວລາວສ້າງຊາດແຂວງ ສະຫວັນນະເຂດຕື່ມອີກ.