ສູນກາງແນວລາວສ້າງຊາດ

Lao Front For National Development

ທ່ານ ຮອງປະທານ ສນຊ ຕ້ອນຮັບການເຂົ້າຢ້ຽມຂ່ຳນັບ ຂອງຄະນະຜູ້ແທນແນວໂຮມປະເທດຊາດ ຫວຽດນາມ ແຂວງກວາງບິງ

ໃນວັນທີ 10 ພຶດສະພາ 2018, ທີ່ສູນກາງແນວລາວສ້າງຊາດ ທ່ານ ຄຳ​ໃບ ດຳລັດ ກຳມະການ​ສູນ​ກາງ​ພັກ, ຮອງ​ປະທານ​ສູນ​ກາງ​ແນວ​ລາວ​ສ້າງ​ຊາດ ພ້ອມຄະນະ ໄດ້ຕ້ອນຮັບການເຂົ້າຂ່ຳນັບຂອງຄະນະຜູ້ແທນແນວໂຮມປະເທດຊາດ ຫວຽດນາມ ແຂວງ ກວາງບິງ ເຊິ່ງນຳໂດຍ ທ່ານ ເຈິນວັນ ຕວນ ຄະນະປະຈຳພັກແຂວງ, ປະທານແນວໂຮມປະເທດຊາດ ຫວຽດນາມ ແຂວງ ກວາງ ບິງ.

ໂອກາດນີ້, ທ່ານ ຮອງປະທານ ສນຊ ໄດ້ສະແດງຄວາມຍິນດີຕ້ອນຮັບອັນອົບອຸ່ນ ແລະ ຕີລາຄາສູງຕໍ່ການມາຢ້ຽມຢາມ ສປປ ລາວ ຂອງຄະນະຜູ້ແທນແນວໂຮມປະເທດຊາດ ຫວຽດນາມ ແຂວງກວາງບິງ ໃນຄັ້ງນີ້, ຊຶ່ງຈະເປັນການປະກອບສ່ວນ ເພີ່ມທະວີຮັດແໜ້ນສາຍພົວພັນມິດຕະພາບແບບພິເສດ-ການຮ່ວມມືຮອບດ້ານ ລະຫວ່າງສອງພັກ-ສອງລັດ, ສອງແນວ ໂຮມ ແລະ ປະຊາຊົນສອງຊາດ ລາວ-ຫວຽດນາມ ໃຫ້ນັບມື້ແໜ້ນແຟ້ນ ແລະ ກ້າວເຂົ້າສູ່ລວງເລິກ ເວົ້າລວມ, ເວົ້າສະເພາະ ແມ່ນການຮ່ວມມືວຽກງານແນວໂຮມຂອງສອງປະເທດໃຫ້ນັບມື້ເພີ່ມພູນຄູນສ້າງຂຶ້ນເລີຍໆ.

ໂອກາດດັ່ງກ່າວ, ທ່ານ ເຈິນວັນ ຕວນ ກໍສະແດງຄວາມຂອບອົກຂອບໃຈຕໍ່ທ່ານ ຄຳໃບ ດຳລັດ ທີ່ໄດ້ຕ້ອນຮັບຄະນະຂອງ ທ່ານຢ່າງອົບອຸ່ນ, ພ້ອມທັງແຈ້ງຈຸດປະສົງການມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້ ໃຫ້ທ່ານ ຮອງປະທານ ສນຊ ໄດ້ຮັບຊາບ, ເຊິ່ງທ່ານໄດ້ກ່າວວ່າ ການມາຢ້ຽມຢາມ ແລະ ເຮັດວຽກຄັ້ງນີ້ ແມ່ນເພື່ອຈັດຕັ້ງປະຕິບັດບົດບັນທຶກການ ຮ່ວມມືລະຫວ່າງ ແນວລາວສ້າງຊາດ ແຂວງຄຳມ່ວນ ແລະ ແນວໂຮມປະເທດຊາດ ຫວຽດນາມ ແຂວງກວາງບິງ ໃຫ້ນັບມື້ ເຂົ້າສູ່ລວງເລິກ. ພ້ອມກັນນີ້, ກໍໄດ້ໄປທ່ຽວຊົມປະຕູໄຊ ແລະ ພະທາດຫຼວງວຽງຈັນຕື່ມອີກ.

info@lfnd.org.la | 021 213754 | (856-21) 453191