ສູນກາງແນວລາວສ້າງຊາດ

Lao Front For National Development

ບົດບັນທຶກຊ່ວຍຈຳກ່ຽວກັບການສ້າງຄອບຄົວ ແລະ ບ້ານສາມັກຄປອງດອງ

ການສ້າງຄອບຄົວ ແລະ ບ້ານສາມັກຄປອງດອງ ຂອງແນວລາວສ້າງຊາດ ແມ່ນໜຶ່ງໃນມາດຕະຖານການສ້າງຄອບຄົວ ແລະ ບ້ານພັດທະນາຂອງລັດຖະບານ ຕິດພັນກັບຂະບວນການແຂ່ງຂັນຮັກຊາດ ແລະ ພັດທະນາ ຕາມທິດ 3 ສ້າງ; ແມ່ນການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ X ຂອງພັກ, ແຜນພັດທະນາເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ VIII ແລະ ມະ ຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງແນວລາວສ້າງຊາດ ລົງສູ່ທ້ອງຖິ່ນ-ຮາກຖານຕົວຈິງ; ເປັນການປູກລະ ດົມກຳລັງແຮງທົ່ວປວງຊົນ ເຂົ້າຮ່ວມຈັດຕັ້ງປະຕິບັດ 2 ໜ້າທີ່ຍຸດທະສາດຄື ປົກປັກຮັກສາ ແລະ ສ້າງສາພັດທະນາປະເທດຊາດ.

ສູນກາງແນວລາວສ້າງຊາດ(ສນຊ) ແລະ ບໍລິສັດສະໂຕຣາ ແອັນໂຊລາວ ຈໍາກັດ ໄດ້ເຊັນບົດບັນທຶກຊ່ວຍຈຳກ່ຽວກັບການຮ່ວມມືຈັດຕັ້ງປະຕິບັດໂຄງການສ້າງຄອບຄົວ ແລະ ບ້ານສາມັກຄີປອງດອງ ຕິດພັນກັບການແກ້ໄຂຄວາມທຸກຍາກຂອງປະ ຊາຊົນບັນດາເຜົ່າ ຂຶ້ນໃນວັນທີ 31 ສິງຫາ 2018 ນີ້, ຕາງໜ້າ ສນຊ ເຊັນ ໂດຍທ່ານ ຮສ.ດຣ ສົມອົກ ກິ່ງສະດາ ຮອງປະ ທານສູນກາງແນວລາວສ້າງຊາດ, ຕາງໜ້າ ບໍລິສັດສະໂຕຣາ ແອັນໂຊລາວ ຈໍາກັດ ເຊັນໂດຍທ່ານ ປີເຕີ ຟຸກເດີ ອຳນວຍການບໍລິສັດສະໂຕຣາ ແອັນໂຊລາວ ຈໍາກັດ ແລະ ພາກສ່ວນກ່ຽວຂ້ອງເຂົ້າຮ່ວມເປັນສັກຂີພີຍານ.

ບົດບັນທຶກຊ່ວຍຈຳດັ່ງກ່າວ ມີຫຼາຍເນື້ອໃນຄື: ຮ່ວມມືກັນສ້າງເປັນໂຄງການສ້າງຄອບຄົວ ແລະ ບ້ານສາມັກຄີປອງດອງ ໂດຍເອົາການປູກໄມ້ເປັນສິນຄ້າ ເພື່ອແກ້ໄຂຄວາມທຸກຍາກຂອງປະຊາຊົນບັນດາເຜົ່າ, ໂຄງການແມ່ນກຳນົດເອົາແຂວງຄຳມ່ວນ, ສະຫວັນນະເຂດ ແລະ ແຂວງສາລະວັນ; ສອງຝ່າຍຈະແຕ່ງຕັ້ງຄະນະຊີ້ນຳ-ຄະນະຮັບຜິດຊອບປະຕິບັດງານຮ່ວມກັນ ເພື່ອວາງໂຄງການ, ຈັດຕັ້ງປະຕິບັດ, ຕິດຕາມກວດກາ ແລະ ປະເມີນຜົນໂຄງການໃນແຕ່ລະໄລຍະ; ສ້າງກົນໄກການຮ່ວມມືໃນໄລ ຍະສັ້ນ ແລະ ໄລຍະຍາວ; ແລກປ່ຽນຂໍ້ມູນຂາວສານ, ຄົ້ນຄວ້າ, ວິເຄາະ, ວິໄຈໃນວຽກງານດັ່ງກ່າວ ເພື່ອເຫັນໄດ້ທ່າແຮງ, ຂໍ້ສະ ດວກ, ບົດຮຽນທີ່ຖອດຖອນໄດ້ ແລະ ແບ່ງຄວາມຮັບຜິດຊອບໃຫ້ທັງສອງຝ່າຍ.

ບົດບັນທຶກຊ່ວຍຈຳສະບັບນີ້ ກຳນົດເປັນໄລຍະເວລາ 3 ປີ(2018-2020).

info@lfnd.org.la | 021 213754 | (856-21) 453191