ສູນກາງແນວລາວສ້າງຊາດ

Lao Front For National Development

ປະກາດຮັບຮອງບ້ານສາມັກຄີປອງດອງຈໍານວນ 6 ບ້ານ ຂອງ ເມືອງ ບໍລິຄັນ, ແຂວງບໍລິຄໍາໄຊ

 

       ພິທີປະກາດຮັບຮອງເອົາຄອບຄົວ ແລະ ບ້ານສາມັກຄີປອງດອງຈໍານວນ 6 ບ້ານ ຂອງເມືອງບໍລິຄັນ ຄື: ບ້ານ ພູຄໍາ. ປາກໂພຍ, ຫີນໂງ່ນ, ທົ່ງພັນຄໍາ, ໂພນມີໄຊ ແລະ ນໍ້າເຕັກ ເປັນບ້ານສາມັກຄີປອງດອງຂອງແນວລາວສ້າງຊາດ ໄດ້ໄຂຂຶ້ນຢ່າງເປັນທາງການ ໃນຕອນເຊົ້າເວລາ 8:00ໂມງ ຂອງວັນທີ 10 ມີນາ 2021 ທີ່ ສະໂມສອນ ບ້ານພູຄໍາ ໃຫ້ກຽດເຂົ້າຮ່ວມເປັນປະທານຂອງທ່ານ ບຸນຄໍາ ໄຊເຍ່ຍລໍ່ວື່ ຄະນະປະຈໍາພັກແຂວງ, ປະທານແນວລາວສ້າງຊາດແຂວງ, ຜູ້ຊີ້ນໍາວຽກງານອົງການ ຈັດຕັ້ງມະຫາຊົນຂັ້ນແຂວງ, ທ່ານ ໄມທອງ ແກ້ວວຽງຄໍາ ກໍາມະການພັກເມືອງ-ຮອງເຈົ້າເມືອງ ບໍລິຄັນ ແລະ ທ່ານ ບຸນມີ ວໍລະຈັກ ຄະນະປະຈໍາພັກເມືອງ, ປະທານແນວລາວສ້າງຊາດ ເມືອງ ບໍລິຄັນ ມີຄະນະຮັບຜິດຊອບສ້າງຄອບຄົວ ແລະ ບ້ານສາມັກຄີປອງດອງຂັ້ນແຂວງ-ຂັ້ນເມືອງ, ແຂກຖືກເຊີນ, ດ້ວຍອົງການປົກຄອງ ພ້ອມດ້ວຍ ພໍ່ແມ່ປະຊາຊົນ 6 ບ້ານ ເຂົ້າຮ່ວມ.

ໃນພິທີໄດ້ຮັບຟັງລາຍງານການຈັດຕັ້ງປະຕິບັດຂະບວນການສ້າງຄອບຄົວ ແລະ ບ້ານສາມັກຄີປອງດອງຈາກທ່ານ ທອງເກດ ອຸ່ນ ຄໍາຮຽງ ປະທານແນວລາວສ້າງຊາດບ້ານ ປາກໂພຍທີ່ຕາງໜ້າໃຫ້ອໍານາດການປົກຄອງທັງ 6 ບ້ານ ເຊິ່ງໄດ້ຈັດຕັ້ງປະຕິບັດຂະບວນການສ້າງຄອບຄົວ ແລະ ບ້ານສາມັກຄີປອງດອງມາແຕ່ປີ 2017, ກຸ່ມບ້ານ ພູຄໍາ ເມືອງບໍລິຄັນ ທີ່ສາມາດຈັດຕັ້ງປະຕິບັດຂະບວນການສ້າງຄອບຄົວ ແລະ ບ້ານສາມັກຄີປອງດອງ ຕາມແນວທາງນະໂຍບາຍຂອງພັກ-ລັດ ກໍ່ຄືຕາມທິດສາມສ້າງໂດຍປະຕິບັດຕາມຄໍາສັ່ງແນະນໍາຂອງຄະນະປະຈໍາສູນກາງແນວລາວສ້າຊາດ ເລກທີ 033/ຄປຈ,ສນຊ, ລົງວັນທີ 19 ເມສາ 2017 ວ່າດ້ວຍການ ຈັດຕັ້ງປະຕິບັດຂະບວນການສ້າງຄອບຄົວ ແລະ ບ້ານສາມັກຄີປອງດອງ, ຂໍ້ຕົກລົງຂອງຄະນະກໍາມະການສູນກາງແນວລາວສ້າງຊາດເລກທີ 127/ນສຊ, ລົງວັນທີ 19 ເມສາ 2017 ວ່າດ້ວຍມາດ ຕະຖານຄອບຄົວ ແລະ ບ້ານສາມັກຄີປອງດອງ, ບົດແນະນໍາຂອງຄະນະຮັບຜິດຊອບ ສ້າງຄອບຄົວ ແລະ ບ້ານສາມັກຄີປອງດອງ ເລກທີ 460/ຂບຊ, ລົງວັນທີ 19 ກັນຍາ 2017 ວ່າດ້ວຍຂັ້ນຕອນການຈັດຕັ້ງປະຕິ ບັດຂະບວນການສ້າງຄອບຄົວ ແລະ ບ້ານສາມັກຄີປອງດອງ. ຜ່ານການຕິດຕາມຊຸກຍູ້ ແລະ ປະເມີນຜົນຂອງຄະນະຮັບຜິດຊອບ ສາມາດຮັບຮອງ 6 ບ້ານດັ່ງກ່າວ ເປັນຄອບຄົວ ແລະ ບ້ານສາມັກຄີປອງດອງ ແລະ ໃຫ້ກຽດມອບໃບຢັ້ງຢືນ  ໂດຍທ່ານ ປະທານແນວລາວສ້າງຊາດແຂວງ ແລະ ຕາງໜ້າໃຫ້ອໍານາດການປົກຄອງ 6 ບ້ານຂຶ້ນຮັບ.

ຕອນທ້າຍໄດ້ຮັບຟັງຄໍາໂອ້ລົມຈາກທ່ານ ປະທານແນວລາວສ້າງຊາດແຂວງ ເພື່ອເປັນເຂັມຊີ້ທິດເຍືອງທາງໃຫ້ແກ່ພໍ່ແມ່ປະຊາຊົນໃນຕໍ່ໜ້າ ຈາກນັ້ນ, ກໍ່ໄດ້ຕັດແຖບຜ້າ, ລັ່ນຄ້ອງ 9 ບາດ ແລະ ເປີດປ້າຍເພື່ອເປັນສັນຍາລັກໃນການຮັບຮອງຄອບຄົວ ແລະ ບ້ານສາມັກຄີປອງດອງ ຢ່າງເປັນທາງການ.

info@lfnd.org.la | 021 213754 | (856-21) 453191