ສູນກາງແນວລາວສ້າງຊາດ

Lao Front For National Development

ປະທານກວດກາພັກ-ລັດ ສູນກາງແນວລາວສ້າງຊາດ ລົງຊຸກຍູ້, ຕິດຕາມ ກວດກາການເຄື່ອນໄຫວວຽກພັກ, ວຽກງານລັດ

ໃນລະຫວ່າງວັນທີ 14-17 ສິງຫາ 2018 ນີ້, ກົມກວດກາ, ຄະນະກວດກາສູນກາງແນວລາວສ້າງຊາດໄດ້ລົງຊຸກຍູ້, ຕິດຕາມ ກວດກາການເຄື່ອນໄຫວວຽກງານກວດກາພັກ, ວຽກງານກວດກາລັດ ໃນໄລຍະ 6 ເດືອນຕົ້ນປີ 2018 ພາຍໃຕ້ການເປັນປະ ທານ ທ່ານ ນາງ ຄໍາຈັນ ພົມແສງສະຫວັນ, ຄະນະປະຈໍາພັກ, ປະທານກວດກາພັກ-ລັດ, ຮອງປະທານຜູ້ຊີ້ນໍາວຽກງານກວດກາສູູນກາງແນວລາວສ້າງຊາດ.

ການລົງເຄື່ອນໄຫວລົງຊຸກຍູ້, ຕິດຕາມກວດ ກາໃນຄັ້ງນີ້ມີຄະນະພັກ,​ ສະມາຊິກພັກ, ພະນັກງານ-ລັດຖະກອນ ຂອງບັນດາໜ່ວຍພັກເຂົ້າຮ່ວມທັງໝົດ 69 ທ່ານ, ຍິງ 33 ທ່ານ. ການລົງຊຸກຍູ້ຕິດຕາມ ກວດກາ ແມ່ນຕິດພັນກັບການຈັດຕັ້ງປະຕິບັດແຜນການກໍ່ສ້າງໜ່ວຍພັກປອດໃສ, ເຂັ້ມແຂງ, ​ໜັກແໜ້ນ ຂອງບັນດາໜ່ວຍພັກອ້ອມຂ້າງຂອງສູນກາງແນວລາວສ້າງຊາດ, ພ້ອມທັງໄດ້ຮັບຟັງການລາຍງານຈາກສະຫາຍເລຂາໜ່ວຍພັກຫ້ອງການ, ສູນຝຶກອົບຮົມ ແລະ ບັນດາກົມອ້ອມຂ້າງ ໃນໄລຍະ 6 ເດືອນຜ່ານມາ ເພື່ອໃຫ້ຄະນະກວດກາຮັບຊາບ: ກ່ຽວກັບການເຄື່ອນໄຫວວຽກງານໃນແຕ່ລະດ້ານ ພ້ອມທັງໄດ້ເກັບກໍາສະພາບດ້ານຕັ້ງໜ້າ, ດ້ານຫຍໍ້ທໍ້, ຫາງສຽງຕ່າງໆ ແລະ ຄວາມຂັດຂ້ອງໝອງໃຈຂອງສະມາ ຊິກພັກ,​ ພະ ນັກງານ-ລັດຖະກອນ ຕໍ່ກັບແນວທາງ, ນະໂຍບາຍຂອງ ພັກ-ລັດ ເພື່ອເປັນຂໍ້ມູນໃຫ້ຄະນະພັກ, ຄະນະປະຈໍາສູນກາງແນວລາວສ້າງຊາດ ແລະ ພາກສ່ວນທີ່ກ່ຽວຂອ້ງມີທິດທາງແກ້ໄຂ, ປຸກລະດົມ, ກະຕຸກຊຸກຍູ້ຄວາມຮັບຜິດຊອບດ້ານການການປະ ຕິບັດໜ້າທີ່ການເມືອງຂອງສູນກາງແນວລາວສ້າງຊາດ. ເຮັດໃຫ້ສະມາຊິກພັກ, ພະນັກງານ-ລັດຖະກອນ ຢູ່ໃນຂົງເຂດດັ່ງກ່າວມີຄວາມຮັບຜິດຊອບສູງ, ມີສະຕິຕໍ່ການຈັດຕັ້ງ, ແນ່ໃສ່ຕ້ານ ແລະ ສະກັດກັ້ນບັນດາປະ ກົດການຫຍໍ້ທໍ້, ການສໍ້ລາດບັງ ຫຼວງ, ຮັບສິນບົນ, ສວຍໃຊ້ໜ້າທີ່ຕໍາແໜ່ງ, ການລະເມິດລະບຽບກົດໝາຍ ແລະ ອື່ນໆ ທີ່ເປັນການສ້າງຄວາມເສຍຫາຍໃຫ້ແກ່ພັກ-ລັດ ແລະ ປະຊາຊົນ.

info@lfnd.org.la | 021 213754 | (856-21) 453191