ສູນກາງແນວລາວສ້າງຊາດ

Lao Front For National Development

ປະທານສູນກາງແນວລາວສ້າງຊາດ ເຄື່ອນໄຫວຢ້ຽມຢາມ ເມືອງສັງທອງ

ທ່ານ ປອ ໄຊສົມພອນ ພົມວິຫານ ກຳມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ ພ້ອມຄະນະ ໄດ້ເຄື່ອນໄຫວຢ້ຽມຢາມຊຸກຍູ້ການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ ແລະ ການຜະລິດເປັນສິນຄ້າ ຢູ່ເມືອງສັງທອງ, ນະຄອນຫຼວງວຽງຈັນ ເຂົ້າຮ່ວມມີທ່ານ ດາວເພັດ ອາລຸນ ເລຂາພັກເມືອງ, ເຈົ້າເມືອງໆສັງທອງ ມີບັນດາຄະນະປະຈຳພັກເມືອງ, ຫົວໜ້າຫ້ອງການອ້ອມຂ້າງເມືອງ, ປະທານແນວລາວສ້າງຊາດເມືອງ, ພໍ່-ແມ່ປະຊາຊົນ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ ໃນວັນທີ 20 ຕຸລານີ້.

ໃນການພົບປະໂອ້ລົມຄັ້ງນີ້, ທ່ານ ປອ ໄຊສົມພອນ ພົມວິຫານ ໄດ້ຮັບຟັງການລາຍງານສະພາບການພັດ ທະນາເສດຖະກິດ-ສັງຄົມ ແລະ ການຜະລິດເປັນສິນຄ້າ ໂດຍສະເພາະວຽກງານກະສິກໍາຂອງເມືອງສັງທອງ ຈາກທ່ານ ເຈົ້າ ເມືອງ ພ້ອມກັນນັ້ນ, ທ່ານປະທານສູນກາງແນວລາວສ້າງຊາດໄດ້ສະແດງຄວາມຍ້ອງຍໍຊົມເຊີຍ ແລະ ຕີລາຄາສູງຕໍ່ຜົນສຳເລັດໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມທີ່ຄະນະພັກ-ຄະນະນໍາ ກໍ່ຄືປະຊາຊົນຊາວເມືອງສັງທອງໃນໄລຍະຜ່ານມາ; ພ້ອມກັນນີ້, ທ່ານປະທານສູນກາງແນວລາວສ້າງຊາດໄດ້ຍົກໃຫ້ເຫັນເຖິງຄວາມສຳຄັນຂອງວຽກງານແນວລາວສ້າງຊາດໂດຍໄດ້ເໜັ້ນຫຼາຍບັນຫາໃຫ້ຄະນະກຳມະການແນວລາວສ້າງຊາດເມືອງ, ບ້ານ ແລະ ພາກ ສ່ວນທີ່ກ່ຽວຂ້ອງຈົ່ງເພີ່ມທະວີກ້ອນກຳລັງມະຫາສາມັກຄີທຸກຊົນເຜົ່າ, ຊັ້ນຄົນ,ສາສະຫນາ, ເພດ, ໄວໃຫ້ໜັກແໜ້ນເຂັ້ມແຂງ. ເອົາໃຈໃສ່ໂຄສະນາປຸກລະດົມ, ເສີມຂະຫຍາຍສິດເປັນເຈົ້າຂອງປະຊາຊົນໃນການປະຕິບັດແນວທາງນະໂຍ ບາຍຂອງພັກ ແລະ ແຜນພັດທະນາເສດຖະກິດ-ສັງຄົມຂອງລັດ, ຄົ້ນຄວ້າຜັນຂະຫຍາຍບັນດາແນວທາງນະໂຍຂອງບາຍພັກ-ລັດຫັນເປັນແຜນງານ, ເປັນໂຄງການລະອຽດ, ເອົາໃຈໃສ່ຫັນລົງຮາກຖານທ້ອງຖິ່ນຕິດພັນກັບວຽກງານສາມສ້າງ ຕາມ 4 ເນື້ອໃນ 4 ຄາດໝາຍ, ສືບຕໍ່ປະສານສົມທົບກັບພາກສ່ວນທີ່ກ່ຽວຂ້ອງແກ້ໄຂປະກົດການຫໍ້ຍທໍ້, ຄວາມຂັດແຍ້ງຕ່າງໆໃນທົ່ວສັງຄົມໃຫ້ໝົດໄປ.
ຈາກນັ້ນ, ທ່ານປະທານສູນກາງແນວລາວສ້າງຊາດພ້ອມຄະນະໄດ້ເດີນທາງໄປຢ້ຽມຢາມ ຄອບຄົວຕົວແບບໃນການປູກຕົ້ນໄມ້ກິນໝາກ; ຢ້ຽມຢາມພື້ນທີປູກເຂົ້າອິນຊີ, ປູກຫຍ້າຫວານ (ຫຍ້າງົວ) ແລະ ການລ້ຽງງົວຂອງເມືອງ ສັງທອງຕື່ມອີກ.

info@lfnd.org.la | 021 213754 | (856-21) 453191