ທ່ານ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ ຕ້ອນຮັບການເຂົ້າພົບປະຢ້ຽມຢາມ ຂອງທ່ານ ອີ ແທັງ ຮາ ນຽນ ເກີດໍາ, ກໍາມະການສູນກາງພັກຄອມມູນິດຫວຽດນາມ, ປະທານສະພາຊົນຊາດ ສະພາແຫ່ງຊາດ ແຫ່ງ ສສ ຫວຽດນາມ ພ້ອມດ້ວຍຄະນະ ໃນວັນທີ 6 ມີນາ 2023 ນີ້ທີ່ສູນກາງແນວລາວສ້າງຊາດ.

ທ່ານ ປະທານສູນກາງແນວລາວສ້າງຊາດ ໄດ້ສະແດງຄວາມຍິນດີຕ້ອນຮັບອັນອົບອຸ່ນ ແລະ ຕີລາຄາສູງຕໍ່ການມາຢ້ຽມຢາມ ສປປ ລາວ ໃນຄັ້ງນີ້, ຊຶ່ງເປັນການປະກອບສ່ວນເພີ່ມທະວີຮັດແໜ້ນສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງສອງພັກ-ສອງລັດ ແລະ ປະຊາຊົນສອງຊາດລາວ-ຫວຽດນາມ ໃຫ້ນັບມື້ແໜ້ນແຟ້ນ ໂດຍສະເພາະການຮ່ວມມືລະຫວ່າງ ສູນກາງແນວລາວສ້າງຊາດ ກັບ ສະພາແຫ່ງຊາດ ແຫ່ງ ສສ ຫວຽດນາມ ໃຫ້ນັບມື້ເພີ່ມພູນຄູນສ້າງຂຶ້ນເລື້ອຍໆ.

ທ່ານ ອີ ແທັງ ຮາ ນຽນ ເກີດໍາ ໄດ້ສະແດງຄວາມຂອບໃຈຕໍ່ທ່ານປະທານສູນກາງແນວລາວສ້າງຊາດ ທີ່ໄດ້ໃຫ້ການຕ້ອນຮັບຄະນະຢ່າງອົບອຸ່ນ ແລະ ໄດ້ລາຍງານຈຸດປະສົງຂອງການມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້ ໃຫ້ທ່ານປະທານສູນກາງແນວລາວສ້າງຊາດ ໄດ້ຮັບຊາບວ່າ: ກ່ຽວກັບການເມືອງ, ເສດຖະກິດ-ສັງຄົມກໍ່ຄືບັນຫາສໍາຄັນຂອງຊາດ, ກອງປະຊຸມສະພາສະໄໜສາມັນເທື່ອທີ່ V ໄດ້ຜ່ານກົດໝາຍ ມີ12 ຮ່າງກົດໜາຍ ທີ່ສໍາຄັນ ແລະ ມີການຕັດສິນ ໂດຍສະເພາະແມ່ນກົດໝາຍ ການປິ່ນປົວ, ກົດໝາຍທີ່ດິນ, ກົດໝາຍການຄ້າ ແລະ ກົດໝາຍໃຊ້ຄວາມຮຸ່ນແຮງໃນຄອບຄົວ, ກົດໝາຍທີ່ໃຫ້ຄວາມສໍາຄັນກວ່າໜູ່ແມ່ນກົດໝາຍທີ່ດິນເຊິ່ງໄດ້ມີການປັບປຸງໃໜ່ໃຫ້ແທດ  ເໜາະກັບການດໍາລົງຊີວິດໃນປັດຈຸບັນ.

ຂ່າວ+ພາບ: ແສງຫຼ້າ

ບກ: ຄຳຜາຍ