ທ່ານປະທານສູນກາງແນວລາວສ້າງຊາດ ໄດ້ສະແດງຄວາມຍິນດີຕ້ອນຮັບຢ່າງອົບອຸ່ນ ແລະ ຕີລາຄາສູງຕໍ່ການມາຢ້ຽມຢາມ ແລະ ເຮັດວຽກຢູ່ ສປປ ລາວ ຂອງທ່ານ ເລືອງ ກວກ ດວ່ານ ພ້ອມຄະນະ ໃນຄັ້ງນີ້, ເຊິ່ງເປັນການປະກອບສ່ວນອັນສໍາຄັນໃນການເສີມສ້າງສາຍພົວພັນມິດຕະພາບ ແລະ ການຮ່ວມມືຍຸດທະສາດຮອບດ້ານ ລະຫວ່າງ ລາວ-ຫວຽດນາມ, ຫວຽດນາມ-ລາວ ເວົ້າລວມ, ເວົ້າສະເພາະແມ່ນອົງການແນວລາວສ້າງຊາດ ກັບສູນກາງສະມາຄົມຊາວກະສິກອນຫວຽດນາມ ໃຫ້ເຂົ້າສູ່ລວງເລີກ. ພ້ອມກັນນີ້, ທ່ານປະທານສູນກາງແນວລາວສ້າງຊາດ ໄດ້ລາຍງານສະພາບ ລວມໃນການປົກປັກຮັກສາ ແລະ ສ້າງສາພັດທະນາປະເທດຊາດ ໃຫ້ຄະນະຮັບຊາບ ໂດຍຫຍໍ້ ແລະ ທ່ານໄດ້ໃຫ້ຮູ້ຕື່ມວ່າໄລຍະນີ້ ສປປ ລາວ ກຳລັງກະກຽມສ້າງຕັ້ງສະຫະພັນຊາວກະສິກອນລາວຂຶ້ນໃນບໍດົນນີ້.

     ທ່ານ ເລືອງ ກວກ ດວ່ານ ໄດ້ສະແດງຄວາມຂອບໃຈເປັນຢ່າງຍິ່ງຕໍ່ ທ່ານ ສິນລະວົງ ຄຸດໄພທູນ ທີ່ໄດ້ເສຍສະຫຼະເວລາອັນມີຄ່າຕ້ອນຮັບຄະນະໃນຄັ້ງນີ້. ພ້ອມທັງລາຍງານກ່ຽວກັບສະພາບລວມໃນການພັດທະນາເສດຖະກິດ-ສັງຄົມ ຂອງ ສສ ຫວຽດນາມ, ພາລະບົດບາດຂອງສະມາຄົມຊາວກະສິກອນຫວຽດນາມ ໃຫ້ທ່ານປະທານສູນກາງແນວລາວສ້າງຊາດ ໄດ້ຮັບຊາບ ພ້ອມນີ້ຈະສືບຕໍ່ເສີມຂະຫຍາຍສາຍພົວພັນຮ່ວມມືແບບພິເສດຮອບດ້ານ ຂອງສອງປະເທດ ຫວຽດນາມ-ລາວ, ລາວ-ຫວຽດນາມ ເຂົ້າສູ່ລວງເລີກ.

ບກ: ສຊ ຈື້ໄຊ

ຂ່າວ-ພາບ: ເລົ່າລໍ່