ສູນກາງແນວລາວສ້າງຊາດ

Lao Front For National Development

ປະທານແນວລາວສ້າງຊາດເມືອງຊຽງຮ່ອນ ລົງຕິດຕາມຊຸກຍູ້ວຽກງານແນວລາວສ້າງຊາດ ຢູ່ບ້ານຫ້ວຍຮາກ

ວັນທີ 6 ກໍລະກົດ 2021 ແນວລາວສ້າງຊາດເມືອງຊຽງຮ່ອນ ແຂວງໄຊຍະບູລີ ໄດ້ລົງລົງຕິດຕາມຊຸກຍູ້ວຽກງານແນວລາວສ້າງຊາດ ແລະເຜີຍແຜ່ເຊືີ່ອມຊືມມະຕິກອງປະຊຸມໃຫຍ່ ຄັ້ງທີ VI ຂອງຜູ້ແທນແນວລາວສ້າງຊາດແຂວງ ຢູ່ທີ່ຫ້ອງການບ້ານຫ້ວຍຮາກ ໂດຍພາຍໃຕ້ການເປັນປະທານ ຂອງທ່ານ ທອງຂາວ ສຸດຈະລິດ ກຳມະການປະຈໍາພັກເມືອງ, ປະທານແນວລາວສ້າງຊາດເມືອງຊຽງຮ່ອນ, ມີນາຍບ້ານ,ປະທານແນວລາວສ້າງຊາດບ້ານ ພ້ອມດ້ວຍອົງການຈັດຕັ້ງເຂົ້າຮ່ວມ.

ໃນວາລະກອງປະຊຸມ ໄດ້ຮັບຟັງການເຜີຍແຜ່ມະຕິກອງປະຊຸມໃຫຍ່ ຄັ້ງທີ VI ຂອງຜູ້ແທນແນວລາວສ້າງຊາດແຂວງ, ເຜີຍແຜ່ພາລະບົດບາດ,ສິດ ແລະ ໜ້າທີ່ຂອງຄະນະກຳມະການແນວລາວສ້າງຊາດຂັ້ນບ້ານ, ໃນຕອນທ້າຍຂອງກອງປະຊຸມ ທ່ານປະທານແນວລາວສ້າງຊາດເມືອງ ກໍ່ໄດ້ໃຫ້ກຽດມີຄຳເຫັນໂອ້ລົມຕໍ່ກອງຊຸມ ເຊິ່ງທ່ານໄດ້ເນັ້ນວ່າ: ໃຫ້ແນວລາວສ້າງຊາດບ້ານສືບຕໍ່ເຕົ້າໂຮມຄວາມສາມັກຄີປອງດອງພໍ່ແມ່ປະຊາຊົນບັນດາເຜົ່າ ໃຫ້ເປັນປຶກແຜ່ນແໜ້ນໜາ; ສືບຕໍ່ໂຄສະນາ,ປຸກລະດົມຂົນຂວາຍ,ສຶກສາອົບຮົມປະຊາຊົນໃຫ້ຮູ້ສິດເປັນເຈົ້າໃນການຈັດຕັ້ງປະຕິບັດແນວທາງນະໂຍບາຍຂອງພັກ,ກົດຫມາຍຂອງລັດ ໃຫ້ມີປະສິດຕິຜົນສູງຂື້ນເລື່ອຍໆ; ເອົາໃຈໃສ່ ສຶກສາອົບຮົມປະຊາຊົນບັນດາເຜົ່າໃຫ້ເຂົ້າໃຈແຈ້ງຕໍ່ດຳລັດ 315/ລບ ວ່າດ້ວຍການຄຸ້ມຄອງ ແລະ ປົກປ້ອງການເຄື່ອນໄຫວສາສະໜາຢູ່ ສປປ ລາວ; ສືບຕໍ່ຍູ້ແຮງສ້າງຂະບວນການດ້ານຕ່າງໆ ເພື່ອຊຸກຍູ້ຂະບວນການແກ້ໄຂຄວາມທຸກຍາກ ແລະ ຂະຫຍາຍກອງທຶນພັດທະນາພາຍໃນບ້ານໃຫ້ຫຼາຍຂື້ນ ແລະ ສືບຕໍ່ເອົາໃຈໃສ່ປັບປຸງກແບບແຜນວິທີເຮັດວຽກຂອງຄະນະກໍາມະການແນວລາວສ້າງຊາດບ້ານໃຫ້ມີປະສິດທິຜົນສູງ.

info@lfnd.org.la | 021 213754 | (856-21) 453191